بەيسەنبى, 18 تامىز 2022
جاڭالىقتار 2741 8 پىكىر 11 ءساۋىر, 2017 ساعات 09:32

دجونسون: G7 سيريا جانە رەسەيگە قارسى سانكتسيا سالۋدى قاراستىرادى

ۇلىبريتانيا سىرتقى ىستەر ءمينيسترى بوريس دجونسون «ۇلكەن جەتىلىك» (G7) وكىلدەرى سيرياعا حيميالىق قارۋ قولدانعاننان كەيىن، رەسەيلىك جانە سيريالىق اسكەري شەنەۋنىكتەرگە قارسى قوسىمشا سانكتسيا سالۋدى تالقىلايتىنىن مالىمدەدى.

دجونسون بۇل مالىمدەمەنى 10 ساۋىردە يتاليانىڭ لۋككا قالاسىندا وتكەن G7 ەلدەرى سىرتقى ىستەر مينيسترلەرىنىڭ كەزدەسۋى كەزىندە ايتتى.

جەتى ەلدىڭ مينيسترلەرى سيرياداعى سوعىستى رەتتەۋدە ورتاق شەشىم ىزدەپ، ونىڭ پرەزيدەنتى باشار اسادقا قولداۋ كورسەتىپ وتىرعان رەسەيگە قالاي قىسىم جاساۋ كەرەكتىگىن دە تالقىعا سالماق. ۇلكەن جەتىلىككە اقش، جاپونيا، گەرمانيا، ۇلىبريتانيا، يتاليا، فرانتسيا جانە كانادا ەلدەرى مۇشە.

4 ساۋىردە سيريانىڭ حان-شەيحۋن قالاسى، يدليب پروۆينتسياسىندا قولدانىلعان حيميالىق قارۋدان 80-نەن استام ادام قازا تاپقان.

ماسكەۋ مەن داماسك ۇكىمەت كۇشتەرىنىڭ قارۋ-جاراق قويماسىنا جاساعان شابۋىلىنان كەيىن ۋلى گاز شىعىپ كەتتى دەيدى. اقش جانە وزگە دە باتىس ەلدەرى مۇنى جوققا شىعارىپ، باشار اساد بيلىگىن حالقىنا قارسى ادەيى حيميالىق قارۋ قولداندى دەپ ايىپتايدى. اقش جاۋاپ رەتىندە 7 ساۋىردە سيريا ۇكىمەتىنىڭ اۋە بازاسىنا شابۋىل جاسادى.

Abai.kz

8 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2776
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2133
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2894