مادەنيەت جانە سپورت مينيسترلىگىنە قاراستى تىلدەردى دامىتۋ جانە قوعامدىق-ساياسي جۇمىس كوميتەتى ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ قازاق ءتىلىن بار-جوعى 137 ءسوزدىڭ توڭىرەگىندە ءتۇسىنىپ، سويلەۋگە بولاتىندىعىن ايتىپ وتىر.

- قازاق ءتىلىنىڭ ادىستەمە سالاسىنا كەلەر بولساق، قازىرگى تاڭدا ورتالىق ادىسكەرلەرى مەن ماماندارى تىلدەردى دامىتۋ جانە قوعامدىق-ساياسي جۇمىس كوميتەتىنىڭ مەملەكەتتىك تاپسىرماسىمەن «قازاق ءتىلىن مودەلدەر ارقىلى وقىتۋدىڭ مۋلتيمەديالىق نۇسقاسىن» جانە «قازاق ءسوزى» وقۋ-ادىستەمەلىك قۇرالىن ازىرلەپ جاتىر. بۇل ادىستەمەدە ءتىل ۇيرەتۋگە قاجەتتى سوزدەر سۇرىپتالىپ، كۇندەلىكتى قولدانىلاتىن سوزدەردىڭ مينيمۋمى الىندى. ونىڭ ءوزىن بەلگىلى ءبىر دەڭگەيگە ءبولىپ قاراستىرامىز. العاشقى قازاق ءتىلىنىڭ 137 ءسوزىن بىلسەڭىز، وسى ءتىلدى ءتۇسىنىپ، ءوزارا قارىم-قاتىناس ورناتا الاسىز. ءبىز سوزدەردىڭ كۇندەلىكتى قولدانىلۋ جيىلىگىنە قاراي، 137 ءسوزدى تاڭداپ، باستاپقى دەڭگەيگە وقۋ-ادىستەمەلىك قۇرال شىعاردىق. ەندىگى كەزەكتە وسى قۇرالدىڭ جالعاسى رەتىندە 500 سوزگە قۇراستىرىلعان وقۋلىقتى ازىرلەپ جاتىرمىز، -دەيدى عالىم.

Tilalemi.kz سايتىنان قىسقارتىلىپ الىندى

Abai.kz