سەنبى, 21 شىلدە 2018
جاڭالىقتار 1150 10 پىكىر 15 ءساۋىر, 2017 ساعات 11:29

اقش-تىڭ اۋعانستانعا تاستاعان بومباسىنان 36 سودىر ءولدى

"اقش بەيسەنبى كۇنى كەشكىسىن اۋعانستاننىڭ نانگارحار پروۆينتسياسىنا ەڭ قۋاتتى يادرولىق ەمەس بومبا تاستادى. ودان "يسلام مەملەكەتى" توبىنىڭ كەمىندە 36 ادامى قازا تاپتى",- دەپ حابارلادى اۋعانستاننىڭ قورعانىس مينيسترلىگى.

بومبادان قارۋ-جاراق ساقتالعان ءۇش جەراستى ۇڭگىرى قيراعان. اسكەري مەكەمەنىڭ مالىمەتىنشە، بەيبىت تۇرعىندار زارداپ شەكپەگەن.

نانگارحار پروۆينتسياسىنىڭ گۋبەرناتورى گۋلاب مانگالدىڭ مالىمدەۋىنشە، جەراستى ۇڭگىرلەرىن يم كۇشتەرى ماڭىزدى جيىن وتكىزەتىن جەر رەتىندە پايدالانعان.

اقش "بارلىق بومبانىڭ اناسى" رەتىندە تانىمال GBU-43B يادرولىق ەمەس بومباسىن لاقتىرعان. ول ءبىرىنشى رەت 2003 جىلى سىنالعان. سودان بەرى قولدانىلماعان. ونىڭ قۋاتى - 11 توننا تروتيل ەكۆيۆالەنتىنە تەڭ، جويۋ راديۋسى – 140 مەتر.

اۋعانستان پرەزيدەنتى اكىمشىلىگى وپەراتسيا الدىن الا كەلىسىلگەن دەيدى.

Abai.kz

10 پىكىر