.png)
قىرعىز ۇكىمەتىنىڭ تاعدىرىن پارلامەنت شەشەدى
قىرعىز پرەمەر-ءمينيسترىنىڭ كەتەتىنىن، نە قالاتىنىن پارلامەنت دەپۋتاتتارى شەشەدى، - دەپ حابارلادى جوگوركۋ كەنەش سپيكەرى چىنىباي تۋرسۋنبەكوۆ.
تۋرسۋنبەكوۆتىڭ ايتۋىنشا، وسى اپتادا پارلامەنت ۇكىمەتتىڭ وتكەن جىلعى جۇمىسىنىڭ ەسەبىن قارايدى.
"ەسەپ تالقىلانعان سوڭ، شەشىم شىعارىلادى. بارلىعى ۇكىمەتتىڭ ەسەبىنە بايلانىستى بولادى. ەسەپ دەپۋتاتتارعا ۇناسا، وندا ۇكىمەت كەلەسى مەرزىمگە قالۋى مۇمكىن، ۇناماسا - باسقاشا شەشىم شىعارادى", - دەدى چىنىباي تۋرسۋنبەكوۆ.
سوورونباي جەەنبەكوۆ ۇكىمەت باسشىسى قىزمەتىنە 2016 جىلدىڭ ساۋىرىندە سايلاندى. ونى بۇل قىزمەتكە پارلامەنتتەگى باسىم كواليتسيا ۇسىنعان ەدى.
اباي-اقپارات
