وسىدان ون-ون ەكى جىل بۇرىن "الماتى اقشامى" گازەتىنىڭ رەداكتسياسىندا ءبىر كابينەتتە ءتورت-بەس ادامنان وتىراتىن ەدىك.

ءبىزدىڭ كابينەتتە وزىنەن سەيفى مەن كرەسلوسى ۇلكەن ايناباي مəدي، وعان قارسى قاراپايىم عانا ۇستەلىنە قاعازى مەن قالامىنان باسقا ەشتەڭە قويمايتىن، سول جىلى سوزاقتان الماتىعا قونىس اۋدارعان، əلدەكىمگە زۆونداسا "بۇل - قىرعىزباەۆ" دەيتىن وتەش قىرعىزباي اعامىز، ولاردان سəل تومەن مەن، مەنەن كەيىن مəنشۇك بەكبوسىن وتىراتىن. كەيىن Əسيا باعدəۋلەتقىزى، دينارا مəلىكوۆا قوسىلدى. وركەن جويامەرگەن مەن ازامات قاسىم باسقا كابينەتتە-ءتىن. بىراق ولار دا وتەش اعا مەن ايەكەڭنەن باسقاسى ىلعي جاستار بولعان سوڭ ءبىزدىڭ كابينەتكە كەلگىشتەي بەرەدى. مەن مۋزىكا قويىپ، ءəرتىس وركەن əدەتتەگىدەي ارياسى مەن پارودياسىن كەزەك ايتىپ، قىزدار سىقىلىقتاپ، بارلىعىمىز مəز-مەيرام بولىپ جاتاتىنبىز. ءبىرىمىز ەندى وقۋ بىتىرگەن، ءبىرىمىز ءəلى 3-4 كۋرستاردا وقىپ جۇرگەن كەزىمىز عوي. 20-نىڭ ار جاق، بەر جاعىندا جالىنداپ تۇرعان شاق. بىردە ءسويتىپ كەزەكتى رەت دۋىلداپ وتىرىپ، قاتتى كەتىپ قالىپپىز.

- شۋلاماڭدار، تۇگە!، دەگەن داۋىس شىقتى.

ءبəرىمىز قاراپ قالدىق.

- بۇل - مەملەكەتتىك كونتور!، دەدى ءزىلدى ءۇن.

جىم بولدىق. باسقا كابينەتتەن كەلگەندەر جىلىستاپ شىعا جونەلدى. ارامىزدا ۇلكەن كىسى بار ەكەنى دە ەستەن شىعىپ كەتىپتى. اعامىز بولسا ءتۇسىن سۋىتىپ العان. وركەن دوسىمىز وتەش اعانىڭ وسى ءسوزىن دە əزىلگە بۇرىپ، كەيىننەن وتىرىس سايىن "كونتور" دەپ ەسىمىزگە ءجيى سالىپ ءجۇردى.

قازىر "كونتوردا" ءوزىمىز دە ارتىق-اۋىس شۋدى جاقتىرتپايتىن بولىپپىز...

دۋمان اناش

Facebook-تەگى پاراقشاسىنان