جۇما, 29 ناۋرىز 2024
عىلىم-ءبىلىم 5327 0 پىكىر 11 مامىر, 2017 ساعات 20:36

«جاس وركەن» باعدارلاماسى: سامۇرىق-قازىنادان 20 تۇلەك تاعىلىمدامادان وتەدى

 

«سامۇرىق-قازىنا» قورى ۇلتتىق كومپانيالاردا ۇزاق مەرزىمدى اقى تولەنەتىن وقۋ  جانە تاعىلىمدامادان ءوتۋ ءۇشىن، جوعارعى وقۋ ورىندارىنىڭ 20 تۇلەگىن تاڭداپ الادى.

بۇل تۋرالى استاناداعى اقپاراتتىق سەسسيادا «سامۇرىق-قازىنا» اق  ادام رەسۋرستارىن باسقارۋ جانە كوممۋنيكاتسيالار باسقارۋشى ديرەكتورى ۇلان تاجىباەۆ مالىمدەدى.
تاعىلىمدامادان وتۋشىلەردى تاڭداۋ 2017 جىلى ءساۋىر ايىندا باستالعان «جاس وركەن» ەكى جىلدىق باعدارلاماسى اياسىندا وتكىزىلەدى. بۇل - دارىندى جاستاردى تارتۋ، ىرىكتەۋ، تاعىلىمدامادان وتكىزۋ، وقىتۋ جانە دامىتۋ بويىنشا قور باستاماسى.

«باعدارلاما بويىنشا، قور قازاقستاننىڭ بارلىق جوعارى وقۋ ورىندارىنىڭ تۇلەكتەرى اراسىنان 20 تۇلەكتى، اتاپ ايتقاندا قازاقستان ازاماتتارىن تاڭداپ الىپ، ەكى جىل بويى ولارى ءوزىنىڭ كومپانيالارىندا وقىتىپ، تاعىلىمدامادان وتكىزەدى»، - دەپ ايتىپ ءوتتى «سامۇرىق-قازىنا» كورپوراتيۆتىك ۋنيۆەرسيتەتىنىڭ ديرەكتورى گۇلميرا رايسوۆا.


ءتورت كەزەڭدى كونكۋرس قورىتىندىسى بويىنشا تاڭدالىپ الىنعان 20 تاعىلىمگەر «سامۇرىق-قازىنا» كورپوراتيۆتىك ۋنيۆەرسيتەتىندە جانە ماسكەۋدە Deloitte ءبىلىم بەرۋ ورتالىعىندا وقۋ كۋرسىنان وتەدى. ودان كەيىن، جاس ماماندار ەلدەگى جەتەكشى ۇلتتىق كومپانيالاردا تاعىلىمدامادان وتۋگە جىبەرىلەدى.

قوردا حابارلاعانداي، وقىتۋ باعدارلاماسىنىڭ ۇزاقتىعى - 5 اپتا، تاعىلىمداما - 20 اي، 5 ايدان «سامۇرىق-قازىنا» كومپانيالار توبىنىڭ ءار-ءتۇرلى ءتورت كاسىپورىندارىندا وتەدى. تاعىلىمگەرلەر تاعىلىمدامانىڭ تولىق مەرزىمىندە ستيپەنديا الادى،  تاعىلىمدامادان وتەتىن جەرگە دەيىنگى جولاقىسى تولەنەدى جانە ورنالاستىرۋ شىعىندارى وتەلەدى.
«جوبانىڭ ماڭىزدى ەرەكشەلىگى – ول ستۋدەنتتەرگە مانساپتارىن باستاۋعا كومەك بەرۋ عانا ەمەس. ءبىز وسى  بالالاردى تاڭداپ الىپ جانە ەكى جىل بويى وقىتا وتىرىپ، ولاردىڭ ءاردايىم دامىي بەرۋلەرى ءۇشىن بۇكىل قىزمەت جولدارىن، وسۋلەرىن باقىلاپ وتىرامىز، سايىپ كەلگەندە ولار 15-20 جىلدان كەيىن كومپانيالاردى باسقاراتىن توپ-مەنەدجەرلەر بولىپ شىعادى»، - دەپ مالىمدەدى ۇلان تاجىباەۆ.
كونكۋرسقا قاتىسۋعا وتىنىشتەر باعدارلامانىڭ رەسىمي سايتىندا– www.skcu.kz/zhasorken 2017 جىلدىڭ 1 شىلدەسىنە دەيىن قابىلدانادى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3543