«سامۇرىق-قازىنا» كومپانيالار توبىنىڭ شوعىرلاندىرىلعان ەسەپ بەرۋلەرىن جاريالاعاننان كەيىن ساراپشىلاردا ءادىل سۇراق پايدا بولدى: وندا قوردىڭ ءوزىنىڭ قىزمەتتەرىنىڭ ناتيجەلەرى كورسەتىلدى مە؟ بۇل ماسەلەنى ءادىل باعالاۋعا «سامۇرىق-قازىنا» اق قارجى جانە وپەراتسيالار بويىنشا باسقارۋشى ديرەكتور مىندەتىن اتقارۋشى ەرنار ءجانادىل تالپىندى.

توپ-مەنەدجەر قوردىڭ ستراتەگياعا سايكەس «ستراتەگيالىق حولدينگ – بەلسەندى ينۆەستور» ماقساتتىق بيزنەس-مودەلىنە وتەتىندىگىن جانە كەلەشەكتە فوكۋس بولەك قارجى ەسەپتىلىگى باعىتىنا قاراي جىلجۋى ءتيىس ەكەنىن ەسكە سالدى. الايدا، وسى كەزەڭدە كورپوراتيۆتىك ورتالىقتىڭ قىزمەت ناتيجەلەرىن ەسەپتىلىكتىڭ ەكى فورماتى نەگىزىندە باعالاۋ ادىلەتتىرەك، بىراق شوعىرلاندىرىلعان قارجى ەسەپتىلىگى ارقىلى بۇكىل كومپانيالار توبىنىڭ قىزمەتىنە باسا نازار اۋدارۋ كەرەك.

«پورتفەلدىك كومپانيالارعا ينۆەستيتسيالار بالانستىق تاريحي قۇنى بويىنشا بولەك قارجى ەسەپتىلىگىندە ەسكەرىلەدى. بۇل جاعدايدا تازا پايدا تۇرىندە تانىلعان ەنشىلەس كومپانيالاردىڭ ناتيجەلەرى بولەك قارجى ەسەپتىلىگىندە «پورتفەلدىك كومپانيالارعا ينۆەستيتسيالار» قۇرامىندا ەسەپكە الىنبايدى. وسىلايشا، بولەك ەسەپتىلىكتەردە كورسەتىلگەن ينۆەستيتسيالارىڭ بالانستىق قۇنى نەگىزىندە ەنشىلەس كومپانيالاردىڭ ناتيجەلەرىنە قوردىڭ اسەرى تۋرالى قورىتىندى جاساۋ قيىن، ءارى سونشالىقتى ورىندى ەمەس»، - دەپ اتاپ ءوتتى ەرنار ءجانادىل.

بولەك قارجى ەسەپتىلىگىنەن ەنشىلەس كومپانيالاردىڭ ناتيجەلەرىنە قور اسەرى تۋرالى دۇىس تۇجىرىمدى ەنشىلەس ۇيىمدارعا ينۆەستيتسيالار ادىلەتتى نەمەسە نارىقتىق قۇن بويىنشا ەسكەرىلەتىن كەزدە عانا جاساۋعا بولادى. ياعني، بۇگىنگى تاڭدا بولەك قارجى ەسەپتىلىگى نەگىزىندە قوردىڭ ستراتەگيالىق قارجى سالىمدارى تۋرالى قورىتىندى جاساۋ قيىن.

سونىمەن قاتار، كورپوراتيۆتىك ورتالىق قازىر بۇكىل توپ بويىنشا كورپوراتيۆتىك باسقارۋ دەڭگەيىن ارتتىرۋعا بەلسەندى تۇردە قاتىسۋدا. شىعىنداردى قىسقارتۋ باعدارلاماسى، ەلەكتروندىق ساتىپ الۋ اقپاراتتىق جۇيەسى مەن قازىناشىلىقتىڭ اقپاراتتىق-اناليتيكالىق جۇيەسى جان-جاقتى ەنگىزىلۋدە، كادرلىق ساياساتتى ودان ارى دامىتا ءتۇسۋ ىسكە قوسىلدى، قور توبى بويىنشا تيپتىك بيزنەس-پروتسەستەر وڭتايلاندىرىلدى. بۇنىڭ ءبارى كورپوراتيۆتىك ناتيجەلەردە شىعىنداردىڭ قىسقارتىلۋى رەتىندە اسەر ەتەدى. «ەلەكتروندىق ساتىپ الۋ اقپاراتتىق جۇيەسىن ەنگىزۋدەگى شىعىنداردان ۇنەمدەۋ اسەرى 2014 جىلدان 2016 جىلعا دەيىن 180 ملرد. تەڭگەدەن استامدى قۇرادى. شىعىنداردى قىسقارتۋ باعدارلاماسى 150 ملرد. تەڭگەدەن ارتىق شىعىندى ازايتۋعا مۇمكىندىك بەردى. «قازىناشىلىق قىزمەتىن باسقارۋ ماقساتتىق مودەلى» جوباسىنىڭ تازا اسەرى 2014 جىلدان 2016 جىلعا دەيىن 60 ملرد. تەڭگەدەن ارتىق»، - دەپ مىسالدار كەلتىردى توپ-مەنەدجەر.

ەستەرىڭىزگە سالا كەتەيىك، 2017 جىلدىڭ ناۋرىز ايىندا «سامۇرىق-قازىنا» اق  رەسمي سايتىندا جاڭا ءبولىم - «كورپوراتيۆتىك بلوگ» ىسكە قوسىلدى، وندا قور توپ-مەنەدجەرلەرى وزدەرىنىڭ تاجىريبەلەرى، جەتەكشىلىك ەتەتىن باعىتتارى مەن جوبالارى تۋرالى ايتىپ، ەكونوميكادا جىنە قوردا بولىپ جاتقان ءار- ءتۇرلى ءىس-شارالار تۋرالى كوزقاراستارىمەن بولىسەدى.