مەنىڭ ءبىر جەڭگەم بار. ءوزىن كەلىن سياقتى ەمەس، əۋلەتتىڭ بايعا شىقپاي قالعان كəرى قىزى سياقتى سەزىنەدى. كوكىرەك. ءسوز ۇقپايدى. باج ەتە قالادى. ونىمەن ەشكىم ءسوز تالاستىرمايدى. سەنىكى دۇرىس دەيدى دە قويادى.

سول جەڭگەمىزدىڭ سəل نادانداۋ بولعانى سور ەمەس باق بولدى. سەبەبى ۇلكەندەر باسقا كەلىندەرىن "əي، پəلەنشە سياقتى بولما" - دەپ تəربيەلەپ وتىرادى. بىلايشا ايتقان قانداي كەلىن بولماۋ كەرەكتىڭ ۇلگىسى. ەستىگەن شىعارسىزدار، ەرتەدە ءبىر عالىم شəكىرتىنە əدەپتى əدەپسىزدەن ۇيرەن دەگەن ەكەن. قالاي دەسە، ونىڭ جاساعانىن جاساما دەپتى. ايتايىن دەگەنىم əلگى جەڭگەم سياقتى وسى əلەۋمەتتىك جەلىدە دە باج ەتە قالاتىن، ءسوز ۇقپايتىن، əڭگىمە تۇسىنبەيتىندەر كوپ. نەگىزى ولاردىڭ دا بولعانى ءبىز ءۇشىن باق. سەبەبى سولار سياقتى بولىپ قالماۋ ءۇشىن جينالىپ جۇرەسىڭ. بايقاپ سويلەيسىڭ. ويلانىپ جازاسىڭ.

P.S. پəلەنشە سياقتى بولما دەيتىن ەمەس، پəلەنشە سياقتى بولايىنشى دەپ جۇرت قىزىعاتىنداي ادام بولۋدى اللا ءنəسىپ ەتسىن.

بەرىك سۇلتان

Facebook-تەگى پاراقشاسىنان