سەيسەنبى, 18 قاڭتار 2022
4716 2 پىكىر 30 مامىر, 2017 ساعات 10:33

وزبەك ءانشىسى جاڭا ءانىن شاۆكات ميرزياەۆكە ارنادى

وزبەكستاندا 49 جاستاعى كينو ءارتىسى جانە ءانشى ديلفۋزا يسمايلوۆا "كورىكتى مەكەننىڭ سۇلتانى" ءانىن پرەزيدەنت شاۆكات ميرزياەۆكە ارنادى.

يسمايلوۆانىڭ ايتۋىنشا، بۇل ءاننىڭ ءسوزىن اقىن تاحير مۇحامماد، ال ءانىن - سازگەر رۋستام تۋلاشوۆ شىعارعان. ءان وتكەن جىلى جەلتوقسان ايىندا، شاۆكات ميرزياەۆ وزبەكستان پرەزيدەنتى بوپ سايلانعاننان سوڭ جازىلعان. ءانشى بۇل ءاننىڭ "جۇرەك قالاۋىمەن" جاسالعانىن ايتتى.

"اقىن تاحير مۇحامماد ەكەۋمىز ءبىزدىڭ پرەزيدەنت شاۆكات-اكانىڭ جاقسى ىستەرىنە قۋانىپ، وسى ءاندى جازا باستادىق. تاحيرجان ادەمى سوزدەرىن جازدى، ءانىن - سازگەر رۋستام تۋلاشوۆ شىعاردى. ءان جەلتوقسان ايىندا دايىن بولدى، ال قاڭتاردا - كليپ ءتۇسىرىپ، تەلەارنالارعا بەردىك", - دەدى يسمايلوۆا.

وزبەكستان سازگەرلەر وداعىنىڭ مۇشەسى، مۋزىكاتانۋشى راۆشانبەك ماتجونوۆتىڭ ايتۋىنشا، كارىموۆ كەزىندە مۇنداي ماداقتاۋ اندەرىن قۇپتاماعان، سول ءۇشىن انشىلەردىڭ كەيبىرى جازالانعان.

"ارتىستەرگە مۇنداي ءان ورىنداپ شىعۋعا تىيىم سالىنعان. كەيبىر انشىلەر، ارينە، ماداقتاۋ اندەرىن ايتىپ ءجۇردى، بىراق ولاردى ۇلكەن ساحناعا جىبەرگەن جوق", - دەدى ماتجونوۆ.

اباي-اقپارات

2 پىكىر