ءازىربايجان پرەمەرى باقىتجان ساعىنتاەۆقا زەينەتاقى قورى قارجىسىن قايتارىپ بەرەتىن بولدى.

قازاقستان ۇكىمەتىنە ءازىربايجان بانكىندەگى زەينەتاقى قورى قارجىسىن قايتارۋدىڭ ءۇش جولى ۇسىنىلىپتى. ونىڭ ءبىرى ءارى تيىمدىرەگى - قايتارىم مەرزىمىن 10 جىلدان 15 جىلعا دەيىن ۇزارتۋ جانە ءوسىم پايىزىن 8,25%-دان 3,5%-عا دەيىن تومەندەتۋ ەكەن.

«بجزق اق-نىڭ يەسى ۇكىمەت.  دەمەك، مىندەتتى زەينەتاقى سالىمىنىڭ ءبۇتىن ساقتالۋى - ۇكىمەتتىڭ موينىندا. ءبىز قازىردىڭ وزىندە ءازىربايجان بانكىندەگى قارجىنىڭ تولىق قايتارىلۋى ءۇشىن جۇمىس جاساپ جاتىرمىز. ول ءۇشىن ارنايى وكىلدەر تاعايىندادىق», — دەيدى باقىتجان ساعىنتاەۆ.

ءازىربايجان بانكىنە سالىنعان 250 ميلليون دوللاردى قايتارۋمەن ەندى تەك ۇلتتىق بانك اينالىسپايدى. بۇل ىسكە قر قارجى ءمينيسترى باقىت سۇلتانوۆ تا كىرىستى. سۇلتانوۆتىڭ مىندەتى، بورىشكەر جاقپەن بايلانىستى ۇستاپ تۇرۋ ءارى نەعۇرلىم تيىمدىرەك جولدى تاۋىپ، اقشانى قايتارىپ الۋ.

Abai.kz