بەيسەنبى, 28 ناۋرىز 2024
بىلگەنگە مارجان 6858 6 پىكىر 2 ماۋسىم, 2017 ساعات 13:09

دەنساۋلىق ساقتاۋ سالاسى «نۇر وتان» پارتياسىنىڭ باقىلاۋىندا

بۇگىن «نۇر وتان» پارتياسىنىڭ ورتالىق اپپاراتىندا پارتيا توراعاسىنىڭ ءبىرىنشى ورىنباسارى مۇحتار قۇل-مۇحاممەدتىڭ جەتەكشىلىگىمەن «2016-2019 جىلدارعا ارنالعان «دەنساۋلىق» مەملەكەتتىك باعدارلاماسىنىڭ ىسكە اسىرىلۋى تۋرالى» پارتيالىق تىڭداۋلار ءوتتى.

 

باعدارلامانىڭ جۇزەگە اسىرىلۋ بارىسى مەن 2016 جىلعى قورىتىندىسى تۋرالى بايانداعان دەنساۋلىق ساقتاۋ ءمينيسترى ەلجان ءبىرتانوۆ نەگىزگى كورسەتكىشتەردىڭ كوڭىل قۋانتارلىق ەكەنىن ايتتى. باعدارلاما بويىنشا بىرقاتار باعىتتارعا توقتالعان مينيستر: «ءبىرىنشى باعىت اياسىندا قوعامدىق دەنساۋلىق ساقتاۋ قىزمەتىنىڭ نەگىزى قالىپتاستى. ەكىنشى باعىت بويىنشا ەلىمىزدىڭ جەتى ايماعىنداعى قالالىق ەمحانالارعا اۋرۋلاردى باسقارۋ باعدارلاماسىن ەنگىزۋگە ارنالعان جوبا جۇزەگە اسىرىلۋدا. ءۇشىنشى باعىتقا ساي ۇكىمەتتىك ەمەس ۇيىمدار، جەكە سەكتورلار جانە فارميندۋستريا وكىلدەرىنەن تۇراتىن ساپا جونىندەگى بىرلەسكەن كوميسسيا قۇرىلدى. ءتورتىنشى باعىتتى جۇزەگە اسىرۋ ءۇشىن قازاقستاندىق ۇلتتىق دارىلىك فورمۋليار ەنگىزۋ بويىنشا جۇمىستار جالعاسۋدا. بەسىنشى باعىت بويىنشا مىندەتتى مەديتسينالىق ساقتاندىرۋ جۇيەسى ەنگىزىلۋدە. التىنشى باعىت اياسىندا ادام رەسۋرستارىن ستراتەگيالىق باسقارۋ جانە مەديتسينالىق ءبىلىمدى جاڭعىرتۋ بويىنشا ناقتى جوبالار جۇزەگە اسىرىلۋدا. جەتىنشى باعىت ساي مەملەكەتتىك-جەكەمەنشىك ارىپتەستىككە باسىمدىق بەرىلىپ وتىر. سوعان وراي مينيسترلىك جانىندا بيزنەس-كەڭەس جۇمىسىن باستاپ، مەملەكەتتىك-جەكەمەنشىك ارىپتەستىكتى جانە ينفراقۇرىلىمدى دامىتۋدىڭ جول كارتاسى دايىندالدى»، – دەدى.

سونىمەن قاتار، ءىس-شارا بارىسىندا پارلامەنت ءماجىلىسىنىڭ دەپۋتاتى، «نۇر وتان» پارتياسى سايلاۋالدى باعدارلاماسىنىڭ «دەنساۋلىق ساقتاۋ» باعىتى بويىنشا كۋراتورى زاۋرەش امانجولوۆا مەن الەۋمەتتىك مەديتسينالىق ساقتاندىرۋ قورىنىڭ ءتورايىمى ەلەنا باحمۋتوۆا بايانداما جاساپ، اتقارىلعان جۇمىستار جايىندا ناقتى دەرەكتەر كەلتىردى. سونداي-اق، وتىرىسقا قاتىسقان ءماجىلىس دەپۋتاتتارى، «نۇر وتان» پارتياسى فراكتسياسىنىڭ مۇشەلەرى اتالعان سالاعا قاتىستى وزدەرىن الاڭداتقان سۇراقتارىن قويىپ، ءتيىستى مامانداردان جاۋاپ الدى.

ءيا، دەنساۋلىقتىڭ ماڭىزى قاي كەزدە دە اسا جوعارى. سوندىقتان دا «دەنساۋلىق – زور بايلىق» دەپ حالقىمىز وعان ەجەلدەن ەرەكشە كوڭىل بولگەن. بۇگىندە ادام بالاسىنىڭ شىر ەتىپ دۇنيە ەسىگىن اشقان ساتتەن باستاپ دارىگەرلەردىڭ باقىلاۋىندا بولاتىنى تاعى بار. سوندىقتان «نۇر وتان» پارتياسىنىڭ دەنساۋلىق ساقتاۋدى ءجىتى باقىلاۋىندا ۇستاپ، ەلباسى جۇكتەگەن ءار مىندەتتىڭ ورىندالۋىن قاداعالاۋى قۇپتارلىق ءىس.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2252
عيبىرات

قايسار رۋحتى عازيز جان

مۇحتار قۇل-مۇحاممەد 3505