كومپانيا باسشىلىعى دۇيسەنبى كۇنى كەڭسەگە ءتىنتۋ جۇرگىزگەنىن حابارلاعان. بۇل زاۋىتتىڭ يەسى 51 جاستاعى بيزنەسمەن مۇراتحان توقمادي. ول اينەك زاۋىتىن 2003 جىلى اشقان. «اتامەكەن» كاسىپكەرلەر پالاتاسىنىڭ مۇشەسى. باق-تىڭ حابارلاۋىنشا، توقمادي قىلمىستىق توپ قۇردى دەگەن كۇدىككە ىلىنگەن.

زاۋىتتىڭ باس ديرەكتورىنىڭ ورىنباسارى ليۋدميلا شەپەلەۆا كەڭسەدەگى بارلىق كومپيۋتەرلەر مەن قۇجاتتار تاركىلەنگەنىن ءمالىم ەتتى.

ۇقك ءباسپاسوز قىزمەتىنىڭ جەتەكشىسى قاجىمۇرات ساتىبالدين اقپاراتتى راستاپ، ارنايى وپەراتسياعا بىرنەشە كۇش قۇرىلىمدارى قاتىسقانىن ايتتى.

اشىق اقپارات دەرەكتەرىنە سۇيەنسەك، مۇراتحان توقماديدىڭ بيزنەسى سوڭعى جىلدارى دامىپ، تابىستارعا جەتكەن. تىپتەن ونىڭ زاۋىتى قارقىندى دامىعان جوبا رەتىندە سانالعان. توقمادي كومپانياسى الماتىداعى رەسپۋبليكا سارايىن قايتا جوندەۋدەن وتكىزدى، ءىرى «نۋرلى تاۋ» بيزنەس ورتالىعى جانە ءىرى قوناق ۇيلەر، ساۋدا ورتالىقتارىنىڭ تەرەزەلەرىن قاپتاعان.

2008 جىلى «كازسترويستەكلو» «ۇزدىك كاسىپورىن» نوميناتسياسى بويىنشا پرەزيدەنت سىيلىعىن العان.

اباي-اقپارات