قولداۋعا تۇرارلىق وڭدى وزگەرىس

قازاقستان رەسپۋبليكاسى ءوز تاۋەلسىزدىگىن العاننان بەرى تانىماستاي وزگەرىپ، ەكونوميكاسى مەن مادەنيەتى دامىعان، سالت-ءداستۇرى ساقتالعان الدىڭعى قاتارلى مەملەكەتتەردىڭ ءبىرى بولىپ وتىر. مۇنداي جەتىستىكتەرگە جەتكەن مەملەكەتتەردىڭ قاتارى ساۋساقپەن سانارلىق. قازىردە ەلىمىزدى الەمنىڭ كوپتەگەن ەلى تانىپ جاتىر. وسى جولدا ايانباي ەڭبەك ەتىپ، ساليقالى ساياساتى مەن ۇشقىر ويى، دانا اقىلىمەن ەلىمىزدى العا سۇيرەپ جۇرگەن قازاقستان رەسپۋبليكاسىنىڭ پرەزيدەنتى ن.ءا. نازارباەۆ.

وسى ۋاقىتقا دەيىن جەتكەن جەتىستىگىمىزدى ەسكەرە وتىرىپ، استانا قالاسى اۋەجايىنىڭ اتاۋىن مەملەكەتىمىزدىڭ باسشىسى، ەلباسى نۇرسۇلتان ءابىشۇلى نازارباەۆتىڭ ەسىمىمەن اتاۋلۋىن قوس قولداپ قولدايمىن.

بايان احمەتجانوۆا،

«ارداگەر» قوعامدىق بىرلەستىگىنىڭ ءتورايىمى

ەل كوڭىلىنەن شىققان ۇسىنىس

بۇگىنگى كۇنى استانا قالاسى كۇللى الەم كوز تىگىپ وتىرعان كوپتەگەن ءىس-شارالاردى وتكىزۋدە. 20 جىلدىڭ ىشىندە ەلوردامىز ادام تانىماستاي وزگەرىپ، قازاقستان رەسپۋبليكاسىنىڭ ايناسى بولىپ وتىر. باس قالامىزدىڭ ساۋلەتىن قۇرۋ ءۇشىن الەمگە ايگىلى ساۋلەتكەرلەردىڭ عيماراتتارى بوي كوتەرگەن. سولاردىڭ بارلىعىن ۇيىمداستىرىپ، استانانىڭ 20 جىل ىشىندە ارۋ قالاعا اينالۋىنا ەلباسىمىز نۇرسۇلتان ءابىشۇلى ولشەۋسىز ۇلەس قوستى. ەلباسىنىڭ وسى ۋاقىتقا دەيىنگى ەلىمىزگە، استانا قالاسىنا قوسقان ۇلەسىن ەسكەرە وتىرىپ، استانا قالاسى اۋەجايىنىڭ اتاۋىن تۇڭعىش پرەزيدەنتىمىزدىڭ اتىمەن وزگەرتۋ تۋرالى ۇسىنىس پەن ۇكىمەتتىڭ شەشىمى كوپتىڭ كوڭىلىنەن شىقتى دەگەن ويدامىن. سەبەبى مۇنداي جۇمىستى اتقارا الۋ اركىمنىڭ قولىنان كەلە بەرمەيدى.

گۇلنار بايىمبەتوۆا،

«اسسوتسياتسيا قازاقستان ايەلدەرى «زاڭدى تۇلعالار بىرلەستىگىنىڭ ءتورايىمى