قانداسىمىز ءومىرحان التىننىڭ استانادا وتكەن دۇنيەجۇزى قازاقتارىنىڭ بەسىنشى قۇرىلتايىندا كەزەكتەن تىس سوزگە شىعىپ، ەلباسى نۇرسۇلتان نازارباەۆتىڭ الدىندا قىتاي مەملەكەتى قازاق اعايىندارعا سوڭعى ۋاقىتتاردا كورسەتكەن زۇلىمدىقتارى، جاسالىپ جاتقان قىسىمدارى تۋرالى ايتقان سوزدەرى گەرمانياداعى ساياساتكەرلەردى دە ەلەڭ ەتكىزدى، - دەپ حابارلايدى Abai.kz اقپاراتتىق پورتالى.

باۆاريا پارلامەنتىنىڭ ادام قۇقىقتارى سالاسىنداعى بەلگىلى مۇشەسى، "جاسىلدار" پارتياسىنان سايلانعان دەپۋتات مارگارەتە باۋەس حانىم مەن ءومىرحان التىن

باۆاريا پارلامەنتىنىڭ ادام قۇقىقتارى سالاسىنداعى بەلگىلى مۇشەسى، "جاسىلدار" پارتياسىنان سايلانعان دەپۋتات مارگارەتە باۋەس حانىمنىڭ كەڭەسشىسى  ومىرحان التىنمەن پارلامەنت ۇيىندە جەكە كەزدەسىپ، قىتايداعى قازاقتارعا جاسالىپ جاتقان زاڭسىزدىقتار مەن قىسىم-قۋدالاۋلار تۋرالى مالىمەتتەر سۇراپ، الداعى ۋاقىتتا بۇل ماسەلەگە جالپى گەرمانيا مەن ەۋروپاداعى ادام قۇقىقتارىن قورعاۋشىلار باسا نازار اۋداراتىندارىن مالىمدەگەن.

رەداكتسيادان. سوڭعى كەزدەرى قىتاي مەملەكەتى سول ەلدە تۇراتىن قازاق ۇلتىنا دەگەن ساياساتىن وزگەرتكەنى تۋرالى ءتۇرلى دەرەكتەر جاريالانا باستادى. ول جاقتاعى قانداستار باستارىن بايگەگە تىگىپ، وزدەرى كورىپ وتىرعان قىسىمدى جاريالاي الماسى انىق. قانداستارىمىز سول سەبەپتى امالدىڭ جوعىنان بارلىق زاڭسىزدىققا كونۋگە ءماجبۇر. ءبىزدى سوناۋ گەرمانياداعى ساياساتكەرلەر قازاقتىڭ قۇقىعىن قورعاپ، بوزتورعايداي شىرىلداپ جاتقاندا ءوز دەپۋتاتتارىمىزدىڭ ءلام-ميم دەمەي وتىرۋى نامىستاندىرادى. ەل ەمەس پە ەدىك؟ ەلباسى سىرتقى ىستەر مينيسترلىگىنە تاپسىرما بەرگەلى بىرنەشە كۇن ءوتتى. ول جاق ازىرگە تىنىش. بۇل تىنىشتىق ۇزاققا سوزىلماسا ەكەن دەپ تىلەيمىز. 

قانات بىرلىكۇلى

Abai.kz