بەيسەنبى, 6 قازان 2022
جاڭالىقتار 8126 0 پىكىر 3 شىلدە, 2017 ساعات 12:37

"بالۋان شولاق" كوركەم ءفيلمى كۇزدە دايىن بولادى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ش.ايمانوۆ اتىنداعى «قازاقفيلم» كينوستۋدياسى  «بالۋان شولاق» اتتى تولىقمەتراجدى كوركەم ءفيلمىنىڭ ءتۇسىرىلىم الاڭىمەن جۋرناليستەر قاۋىمىن تانىستىردى. ءتۇسىرىلىم الماتى وبلىسى رايىمبەك اۋدانى كەگەن اۋىلىندا ءوتىپ جاتىر.  وسى جەردە ارنايى قىزىلجار جارمەڭكەسى تۇرعىزىلدى. ءتۇسىرىلىم توبىنىڭ نەگىزگى ساحناسى وسى دەكوراتسيادا تۇسىرىلۋدە.

قر مادەنيەت جانە سپورت مينيسترلىگىنىڭ تاپسىرىسى بويىنشا ءتۇسىرىلىپ  جاتقان بۇل فيلم دراماتۋرگ د.يسابەكوۆتىڭ «جاۋجۇرەك» پەساسى جەلىسى بويىنشا جازىلعان. فيلم رەجيسسەرى – نۇرگەلدى سادىعۇلوۆ.

«1998 جىلى ت.جۇرگەنوۆ اتىنداعى قازاق ۇلتتىق ونەر اكادەمياسىنا تۇسكەن كەزىمدە ب.شولاق تۋرالى فيلم ءتۇسىرۋدى ارماندايتىنمىن. ءوزىم كىشكەنتايىمنان كۇرەسكە قاتىسىپ، جارىس  كەزىندە مۇراجايدىڭ الدىندا بالۋان شولاق كوتەرگەن تاستى ۇستاپ، ىرىمداپ قاتىساتىنمىن. سول ارمانىمدى قازىر ىسكە اسىرىپ جاتىرمىن. وكىنىشتىسى، قازىرگى جاستار ب.شولاقتىڭ كىم ەكەنىن دە بىلمەيدى. سپورت كەشەنى بار ەكەنىنەن عانا حاباردار.  ەگەر ول تەك بالۋان بولسا، سپورتقا نەگىزدەلگەن ەكشن، ال ەگەر تەك كومپوزيتور بولسا، شىعارماشىلىق ادامى رەتىندە ليريكالىق فيلم تۇسىرەر ەدىم. كورەرمەندەر كارتينادا بالۋان، كومپوزيتور ءارى ءانشى بالۋان  شولاقتىڭ ءومىرىن كورە الادى.

نەگىزىنەن بۇل جوباعا ۇزاق دايىندالدىق. كاستينگ تە وڭاي بولمادى. كاسىبي اكتەرلەرمەن قاتار سپورتشىلار دا كەلدى. ۇجىم بولىپ ءبىراۋىزدان ەركەبۇلان دايىروۆتى باستى رولگە تاڭدادىق» دەدى فيلم رەجيسسەرى.

-ەڭ العاش د.يسابەكوۆتىڭ «جاۋجۇرەك» پەساسى م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا ساحنالاندى. سول كەزدە ب.شولاقتىڭ ءرولىن ەڭ العاش سومدادىم. وبرازعا ەنۋ ءۇشىن ءبىراز ىزدەنىس ۇستىندە بولدىم. كىتاپتار وقىدىم، كۇرەسكە قاتىستىم، جاتتىقتىرۋشىم «قازاقستان بارىسى»  – ۇلان رىسقۇل، ءتىپتى 10 كەلى سالماق قوسۋىما تۋرا كەلدى. فيلمدەگى قارسىلاسىم گ.گولوۆكين دەپ تە ازىلدەدى، - باس كەيىپكەر  ە.دايىروۆ.

ءتۇسىرىلىم توبى كاسىبي مامانداردان جيناقتالعان. ءفيلمنىڭ ارت-پروديۋسەرى س.ابدىحالىقوۆ، قويۋشى-وپەراتور ر.قوساي،  قويۋشى-سۋرەتشى  ە.سۇلەيمەنوۆ، كيىم سۋرەتشىسى م.تورىباەۆا.

كەگەندەگى تۇسىرىلىمنەن سوڭ، ءتۇسىرۋ توبى سولتۇستىك قازاقستانعا اتتانادى. كوركەم فيلم كۇزدە كورەرمەنگە جول تارتپاق.

دينارا ماساقوۆا

سۋرەتتە: «بالۋان شولاق» ءفيلمىن ءتۇسىرۋ كەزىندەگى كورىنىستەر

(سۋرەتتى تۇسىرگەن دينارا ماساقوۆا)

Abai.kz

0 پىكىر