قازاقستان رەسپۋبليكاسى قورعانىس مينيسترلىگىنىڭ «اسكەر مەديا – 2017» تۇڭعىش رەسپۋبليكالىق ءباسپاسوز فەستيۆالى تۋرالى  ەرەجە

1. جالپى ەرەجەلەر

1.1. قازاقستان رەسپۋبليكاسىنىڭ قورعانىس مينيسترلىگى ۇيىمداستىرىپ وتىرعان «اسكەري مەديا – 2017» قازاقستاندىق ءباسپاسوز فەستيۆالى (بۇدان ءارى – فەستيۆال، ءبىر جىلعا ارنالعان نۇسقاۋ ماراپاتتاۋ ءراسىمىن وتكىزۋ جىلىنا سايكەس كەلەدى) مىناداي مىندەتتەردى شەشۋگە باعىتتالعان.

- قارۋلى كۇشتەردىڭ اشىقتىلىعى مەن قولجەتىمدىلىگىن ارتتىرۋ، باق-تا قارۋلى كۇشتەردىڭ قىزمەتىن بىلىكتى جانە دايەكتى تۇردە جاريا ەتۋ، تەلەۆيزيالىق، ءباسپاسوز جانە ەلەكتروندىق باق-تا بىرلەسكەن مەديا-جوبالاردى جۇزەگە اسىرۋ;

- قازاقستاندىق ارميا تۋرالى قوعامنىڭ ءپوزيتيۆتى كوزقاراسىن قالىپتاستىرۋ، قوعام اراسىندا اسكەري قىزمەتتىڭ بەدەلى مەن اسكەري ءداستۇردى ناسيحاتتاۋ جانە ارتتىرۋ;

- قازاقستان رەسپۋبليكاسىنىڭ قارۋلى كۇشتەرىنە دەگەن قوعامنىڭ نازارىن اۋدارتۋ.

2. فەستيۆالدىڭ ۇيىمداستىرۋشىلارى مەن فينالدى وتكىزۋ ورنى

2.1. فەستيۆالدىڭ ۇيىمداستىرۋشىسى مينيسترلىك بولىپ تابىلادى.

2.2. فەستيۆلادىڭ شەشۋشى كەزەڭى استانا قالاسىنداعى قر قك ۇلتتىق اسكەري-پاتريوتتىق ورتالىقتا وتەدى.

2.3. فەستيۆالدىڭ ۇيىمداستىرۋشىلارى:

- قوعامعا جانە فەستيۆالدىڭ الەۋەتتى قاتىسۋشىلارىنا بايقاۋ راسىمدەرى تۋرالى اقپاراتتى جەتكىزۋدى;

- بارلىق قاتىسۋشىلاپرعا ارنالعان تەڭ جاعدايدى;

- فەستيۆالعا دايىندالۋ جانە ونى وتكىزۋمەن بايلانىستى ءىس-شارالاردى كەڭىنەن جاريالاۋدى;

- مينيسترلىكتىڭ www.mod.gov.kz رەسمي سايتىندا بايقاۋ تۋرالى اقپاراتتى ورنالاستىرۋدى;

- جەڭىمپازدار مەن لاۋرەاتتاردى ماراپاتتاۋدى;

- رەسمي جاريالاعانعا دەيىن فەستيۆال ناتيجەلەرىنىڭ دەربەستىگىن قامتاماسىز ەتەدى.

3. فەستيۆالدىڭ ماتەريالدارى مەن قاتىسۋشىلارى

3.1 فەستيۆالدىڭ ءمانى ورتالىق جانە وڭىرلىك (جەرگىلىكتى) ءباسپاسوز، اۋديو جانە ەلەتكروندىق باق-تا ورنالاستىرىلعان ماتەريالدار، سونداي-اق قازاقستان رەسپۋبليكاسى قارۋلى كۇشتەرىنىڭ قىزمەتىنە ارنالعان الەۋمەتتىك جەلىلەر مەن بلوگاتردا جاريالانعان اۆتورلىق ماتەريالدار بولىپ تابىلادى.

3.2. فەستيۆالعا 2017 جىلعى قاڭتاردىڭ 1-ءى مەن قازاننىڭ 31-ءى ارالىعىندا قارۋلى كۇشتەردىڭ قىزمەتى تۋرالى ماتەريالدار جاريالاعان قازاقستان رەسپۋبليكاسىنىڭ ازاماتتارى، اسكەري قىزمەتشىلەر، باق وكىلدەرى، بلوگەرلەر قاتىسۋعا (بۇدان ءارى - قاتىسۋشىلار) شاقىرىلادى.

4. فەستيۆالدى وتكىزۋ بارىسى

4.1. فەستيۆالعا مينيسترلىكتىڭ اقپارات جانە كوممۋنيكاتسيالار دەپارتامەنتىندە كونكۋرستىق ىرىكتەۋدەن وتكەن قازاقستاننىڭ تۇكپىر-تۇكپىرىنەن وتىنىشتەر قابىلدانادى. ۇمىتكەرلەر ۇيىمداستىرۋشىلاردىڭ مەكەنجايىنا وتىنىمدەردى جولداۋ ارقىلى ءوزىن-ءوزى ۇسىنۋ قاعيداتى بويىنشا ءوتىنىش بىلدىرەدى. فەستيۆال ۇيىمداستىرۋشىلارى باق رەداكتسيالارىنا، رەداكتسيانىڭ شتاتتىق جانە شتاتتان تىس قىزمەتكەرلەرىنە، سونداي-اق ازاماتتارعا فەستيۆالعا قاتىسۋعا باستاما بىلدىرۋگە قۇقىلى.

5. فەستيۆالدىڭ اتالىمدارى

5.1. تەلەۆيزيالىق باق قىزمەتكەرلەرىنە – ۇزدىك تەلەۆيزيالىق باعدارلاما ءۇشىن.

5.2. راديوستانتسيالاردىڭ قىزمەتكەرلەرىنە – ۇزدىك راديوباعدارلاما ءۇشىن.

5.3. ءباسپاسوز باق-تىڭ قىزمەتكەرلەرىنە – ءباسپاسوز باق-تاعى ۇزدىك ماتەريال ءۇشىن.

5.4. اقپاراتتىق اگەنتتىكتەردىڭ قىزمەتكەرلەرىنە – اقپاراتتىق اگەنتتىكتەگى ۇزدىك جۇمىس ءۇشىن.

5.5. فوتوگرافتارعا – ۇزدىك فوتوجۇمىس ءۇشىن.

5.6. بلوگەرلەرگە – الەۋمەتتىك جەلىلەر مەن بلوگ-تۇعىرنامالارداعى ۇزدىك جۇمىس ءۇشىن.

5.7. ارنايى اتالىمدار: - ۇزدىك اسكەري شولۋشى; - ۇزدىك جاس جۋرناليست; - وڭىرلىك باق-تاعى ۇزدىك ماتەريال.

6. كونكۋرستىق ماتەريالدارعا قويىلاتىن تالاپتار. وتىنىمدەردى بەرۋ جانە فەستيۆالعا قاتىسۋ ءتارتىبى.

6.1. فەستيۆالعا قاتىسۋشىلار مينيسترلىكتىڭ اقپارات جانە كوممۋنيكاتسيالار دەپارتامەنتىنىڭ مەكەنجايىنا وتىنىمدەرىن بەرەدى.

6.2. ۇسىنىلاتىن ماتەريالدار جوعارى كاسىبي دەڭگەيمەن ەرەكشەلەنىپ جانە: - تاقىرىپتىڭ وزەكتىلىگى ءارى ماڭىزدىلىعىمەن;

- تاقىرىپتىڭ دالەلدەنۋى جانە تەرەڭ اشىلۋىمەن;

- تالدامالى كوزقاراسپەن;

- مازمۇنداۋ مانەرلىلىگى، ناقتىلىعى جانە ساناعا جەتكىزىلۋمەن سيپاتتالۋى ءتيىس.

6.3. فەستيۆالعا قاتىسۋ ءۇشىن مىناداي قۇجاتتار (ماتەريالدار) ۇسىنىلادى:

1) بايقاۋ اتالىمىنىڭ اتاۋىمەن قاتىسۋعا ءوتىنىم ءبىلدىرۋ (ەلەكتروندىق ءوتىنىمنىڭ بلانكىسى قازاقستان رەسپۋبليكاسى قورعانىس مينيسترلىگىنىڭ www.mod.gov.kz  رەسمي سايتىندا ورنالاستىرىلعان), ماتەريالدىڭ اتاۋى، شىعۋ كۇنى، قىسقاشا اڭداتپاسى، اۆتور تۋرالى مالىمەتتەر (تەگى، اتى-ءجونى، جۇمىس ورنى، اينالىساتىن جۇمىسى، پوشتالىق مەكەنجايى، تەلەفونى، ەلەكتروندىق مەكەنجايى), نەمەسە ۇجىم، ۇيىم تۋرالى (اتاۋى، ەلەكتروندىق مەكەنجايى، تەلەفونى);

2) اتالىمعا بايلانىستى:

ا) تەلەۆيدەنيە. ماتەريالداردىڭ بەينەجازبالارى ينتەرنەت-رەسۋرس پەن سكانەرلەنگەن ەفيرلىك انىقتاماعا سىلتەمە جاساي وتىرىپ، بارىنشا ساپادا ۇسىنىلادى. ەفيرلىك انىقتاما مىنالاردى قامتۋى ءتيىس:

- تەلەارنا جەكە مەنشىگىنىڭ اتاۋى مەن نىسانىن (مەملەكەتتىك، كوممەرتسيالىق جانە ت.س.س.);

- جاڭالىقتىق نەمەسە وزگە باعىتتىلىقتى كورسەتە وتىرىپ، باعدارلامانىڭ اتاۋى;

- تەلەباعدارلامانىڭ (سيۋجەتتىڭ) شىعۋ كۇنى مەن ۋاقىتى;

- باعدارلامانىڭ (سيۋجەتتىڭ) حرونومەتراجى;

- قوزعالاتىن تاقىرىپ، جانر;

- باسشىنىڭ قولى، ءمورى.

ب) راديو. راديوباعدارلاما (سيۋجەت) جازبالارى ينتەرنەت-رەسۋرس پەن سكانەرلەنگەن ەفيرلىك انىقتاماعا سىلتەمە جاساي وتىرىپ ۇسىنىلادى. ەفيرلىك انىقتاما مىنالاردى قامتۋى ءتيىس:

- راديوستانتسيانىڭ جەكە مەنشىگىنىڭ اتاۋى مەن نىسانىن (مەملەكەتتىك، كوممەرتسيالىق جانە ت.س.س.);

- راديوستانتسيانىڭ تاراتۋ جيىلىگى; - جاڭالىقتىق نەمەسە وزگە باعىتتىلىقتى كورسەتە وتىرىپ، باعدارلامانىڭ اتاۋى;

- راديوباعدارلامانىڭ (سيۋجەتتىڭ) شىعۋ كۇنى مەن ۋاقىتى;

- باعدارلامانىڭ (سيۋجەتتىڭ) حرونومەتراجى;

- باسشىنىڭ قولى، ءمورى.

ۆ) ءباسپاسوز باق ماتەريالدار  pdf  پىشىمىندە ۇسىنىلادى جانە انىقتامامەن سۇيەمەلدەنەدى. وندا مىنالار كورسەتىلەدى:

- باسىلىمنىڭ اتاۋى مەن تيەسىلىگى (مەملەكەتتىك، كوممەرتسيالىق جانە ت.س.س.);

- جاڭالىقتىق نەمەسە وزگە دە باعىتتىلىقتى كورسەتە وتىرىپ، ايداردىڭ (تاراۋدىڭ) اتاۋى;

- ماتەريالدىڭ شىعۋ كۇنى مەن ۋاقىتى;

- باسشىنىڭ قولى، ءمورى.

گ) اقپاراتتىق اگەنتتىكتەر. بايقاۋ تاقىرىبى بويىنشا ماتەريالداردى تاڭداۋ باسىلعان جانە ەلەكتروندىق نۇسقادا ماقالاعا سىلتەمە تۇرىندە جانە ماقالا بەينەسىنىڭ سكرينشوتى تۇرىندە ۇسىنىلادى.

د) فوتوجۇمىستار. ەلەكتروندىق نۇسقاداعى ءتۇرلى ءتۇستى جانە اق قارا ءتۇستى فوتوسۋرەتتەر (2 مپ (1600*1200 كەم ەمەس 300 dpi كەم ەمەس رۇقسات ەتىلۋىمەن  jpg ءپىشىمى), فوتوسۋرەتتىڭ قىسقاشا سيپاتتاماسى (تاريحى) بولۋى ىقتيمال ء(ماتىننىڭ 1 بەتىنەن اسپاعانى ءجون);

ە) ارنايى اتالىمعا قاتىسۋ ءۇشىن اۆتورلىق جاريالانىمدار. جاريالانىم ءماتىنى ۇسىنىلادى، وعان مىندەتتى تۇردە ۆەب-ادرەس كورسەتىلە وتىرىپ، ەلەكتروندىق نۇسقادا سكرينشوتتار قوسا سالىنادى.

ج) الەۋمەتتىك جەلىلەر مەن بلوگ-تۇعىرنامالارداعى ۇزدىك جۇمىس. الەۋمەتتىك جەلىلەردە نەمەسە بلوگ-تۇعىرنامالاردا جاريالانىم نەمەسە پوست ءماتىنى ۇسىنىلادى. وعان مىندەتتى تۇردە سىلتەمەنى كورسەتە وتىرىپ، ەلەكتروندىق نۇسقادا سكرينشوتتار قوسا سالىنادى.

6.4. فەستيۆالعا قاتىسۋ ءۇشىن وتىنىمدەر ەلەكتروندىق نىساندا 2017 جىلعى شىلدەنىڭ 10-ى مەن قازاننىڭ 31-ءى ارالىعىندا قابىلدانادى.

6.5. ءوتىنىمدى ۇسىنا وتىرىپ، قر زاڭناماسىنا سايكەس اۆتورلىق قالاماقىنى تولەمەي اۆتور (ۇيىم) كورمەلەردى، فەستيۆال جارنامالارىن. الەۋمەتتىك جارنامانى  باق-تا جاريالاۋ ءۇشىن كوممەرتسيالىق ەمەس ماقساتتا ولار جىبەرگەن ماتەريالداردى پايدالانۋعا ءوز كەلىسىمىن بەرەدى.

6.6. قاتىسۋشىلار ۇسىنعان ماتەريالدار قايتارىلمايدى جانە تولەنبەيدى.

6.7. فەستيۆالعا قاتىسۋ بويىنشا بارلىق شىعىستار، ياعني، ينتەرنەتكە كىرۋدى، جەڭىمپازداردى ماراپاتتاۋ ورنىنا جەتۋ جولاقىسى، تۇرۋ ءۇشىن تۇرعىنجايدى جالعا الۋ بويىنشا شىعىستاردى تولەۋ جانە وزگە دە شىعىنداردى قاتىسۋشى جەكە ءوزى تولەيدى.

6.8. ەگەر فەستيۆال جەڭىمپازى ماراپاتتاۋعا جەكە ءوزى كەلە الماسا، ماراپاتى وعان پوشتا ارقىلى جىبەرىلەدى. ماراپاتتى جونەلتۋ بويىنشا شىعىندى ۇيىمداستىرۋشى جۇزەگە اسىرادى.

7. فەستيۆالدىڭ كونكۋرستىق كوميسسياسى (ادىلقازىلار القاسى)

7.1. فەستيۆالدىڭ قورىتىندىسىن شىعارۋ ءۇشىن مينيسترلىكتە مينيسترلىكتىڭ. قر اقپارات جانە كوممۋنيكاتسيالار مينيسترلىگىنىڭ وكىلدەرىن، باق سالاسىنداعى ەڭبەگى سىڭگەن قايراتكەرلەردى، تانىمال مەديا تۇلعالاردى قامتيتىن بايقاۋ كوميسسياسى (ادىلقازىلار) قۇرىلادى.

7.2 ادىلقازىلار ءاربىر اتالىم بويىنشا ىرىكتەۋ ولشەمشارتىن ازىرلەپ، قاتىسۋشىلاردىڭ جۇمىسىن تەكسەرۋدى جۇزەگە اسىرادى جانە فەستيۆال جەڭىمپازدارى مەن لاۋرەاتتارىن ماراپاتتاۋعا قاتىسادى.

8. فەستيۆال جەڭىمپازدارىن ماراپاتتاۋ

8.1. فينالدىق ماراپاتتاۋ ءراسىمى استاناداعى قر قك ۇلتتىق اسكەري-پاتريوتتىق ورتالىقتا وتەدى.

8.2 فينالدىق راسىمگە قاتىسۋشىلار (نومينانتتار) قازاقستان رەسپۋبليكاسى قورعانىس ءمينيسترىنىڭ ديپلومىمەن، ەستەلىك بەلگى جانە باعالى سىيلىقتارمەن ماراپاتتالادى.

Abai.kz