جەتىسۋ ولكەسىنىڭ تاماشا تابيعاتىن ءبىر سۋرەتكە سىيعىزۋ مۇمكىن ەمەس. الايدا ونى ارلەپ، ماعىناسىن اشاتىنداي ءسوز قولدانۋ «Molooqo» جۋرنالىنىڭ قىزمەتى. بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا بەلگىلى بولدى، - دەپ حابارلايدى الماتى وبلىسىنىڭ وڭىرلىك كوممۋنيكاتسيالار قىزمەتى.

الەۋمەتتىك جەلىدەگى «Molooqo» جۋرنالى  2015 جىلدان باستاپ بەلسەندى تۇردە جۇمىس ىستەپ كەلەدى. ونىڭ نەگىزىن قالاعاندار يان سەركين مەن داستان ەركىنۇلى. جۋرنالدا ارنايى فوتوسۋرەتتەرگە افوريزمدەر تاڭدالىپ الىنعان. ونداعى سۋرەتتەر كەز كەلگەن ادامعا كۇش-جىگەر سىيلاپ،  رۋحىن كوتەرەدى. اتالمىش جۋرنالدىڭ اۋديتورياسى 18-37 جاس ارالىعىنداعى ازاماتتار. كۇنىنە «Molooqo» جۋرنالىن 50 000-نان استام شەتەلدىك جانە وتاندىق وقىرماندار وقيدى.  «Molooqo» پاراقشاسىنىڭ ءبىر ەرەكشەلىگى ءاربىر سالىنعان سۋرەتتەرى ساپالى ءارى ءساندى بولىپ كەلەدى.

قازىرگى تاڭدا «Molooqo» پاراقشاسى ءوز وقىرماندارىن جەتىسۋ ولكەسىنىڭ تاماشا تابيعاتىمەن تانىستىرماق. جەتىسۋ جەرىندەگى ىلە-الاتاۋ، التىن ەمەل، شارىن، كولساي كولدەرى جانە جوڭعار الاتاۋ بويىندا جاسالعان تۇسىرىلىمدەردى ەندى ءتۇرلى گازەت-جۋرنالدار مەن سايتتاردا قولدانىلاتىنى ايتىلدى. وسى ارقىلى ەلىمىزگە تۋريستەردىڭ كوپ كەلۋ مۇمكىندىگى ارتادى.

««Molooqo» جۋرنالىن دامىتۋ بارىسىندا ءبىز جەتىسۋ جەرىندەگى تاڭعاجايىپ جەرلەردى ارالاپ، 50 ەرەكشە تۇسكەن سۋرەتتەردى جينادىق. جالپى جەتىسۋ جەرى – شابىت مەكەنى ءارى ءتۋريزمنىڭ وركەندەۋىنە تاپتىرماس ولكە بولعاندىقتان ءبىز تۋريزم مەن جۋرنالىمىزدىڭ ورلەۋىنە ۇلكەن ۇلەس قوستىق»، - دەدى «Molooqo» جۋرنالىنىڭ ارت-ديرەكتورى يان سەركين.

ا. ورالبەكوۆا

Abai.kz