ەلدىڭ اقپارات كەڭىستىگىندەگى قازاق ءتىلىنىڭ ۇلەسى سوڭعى عاسىر باستالعالى 15-18% دەڭگەيىندە قوزعالماي تۇر. بۇل، مەملەكەتتىك تىلگە دەگەن مەملەكەتتىك ورگانداردىڭ سولاقاي ساياساتىنىڭ سالدارى. مىسالى، ەلدە شىعاتىن 5 مىڭنان استام گازەت-جورنالداردىڭ 550-دەيى عانا قازاق تىلىندە.

الماتىداعى بالا-باقشانىڭ 10 پايىزدايى عانا قازاقشا... استانانىڭ دا وڭىپ تۇرعانى شامالى. وندا قازاقشا گازەت-جورنال ساتاتىن ءبىر عانا دۇڭگىرشەك "ارتەم" سۋپەرماركەتىنىڭ جانىندا جانە جالعىز قازاقشا كىتاپ ساتاتىن "اباي" دۇكەنى بار (وڭ جاعالاۋدا). ەسەسىنە پرەزيدەنت مادەني ورتالىعىنا (سول جاعالاۋدا) كىتاپ ىزدەيتىندەر "رۋسسكي ميرعا" بارادى.
سول جاعالاۋ ازىرگە قاراعايعا قارسى بىتكەن بۇتاق بولىپ قالۋدا. سول جاعالاۋداداعى 20 مىڭنان استام شەنەۋنىكتەر قازاقشا گازەت-جورنال، كىتاپ وقىمايتىن بولعانى عوي.

بۇل جەردە استاناداعى باستىق ءىنىسىن ىزدەپ اۋىلدان بارعان اعاسىنىڭ ءسوزى ەسكە تۇسەدى. وندا، اعاسى ەلدىڭ بار جاڭالىعىن تۇگەلدەي ايتىپ بولعاننان كەيىن، "اگاشكا يا ۆسە پونيمايۋ، نو نە موگۋ گوۆوريت" دەگەن ىنىسىنە، قاراعىم-اۋ "مەنىڭ ءيتىم دە ءبارىن تۇسىنەدى، ول دا سويلەي المايدى" دەگەن ەكەن. 

استانا جانىنداعى اقمولا وبلىسىنىڭ ەڭبەكشىلدەر اۋدانىنىڭ ورتالىعى، ءبىرجان سالدىڭ تۋعان اۋىلى "ستەپنياك" دەپ اتالادى. ال، بۋرابايدىڭ ساناتوريلارىندا قازاق تەلەارنالارى مۇلدەم كورسەتپەيدى ەكەن. سوندا، اكىمدەر ت.ب. مەملەكەتتىك ورگاندار "اي قاراۋدان باسقا نە ىستەيدى؟".

بۇل، بولاشاعى جوق، بودان بولۋعا دايىن وتىرعان مەملەكەتتىڭ العىشارتتارى. وسىنداي قوعامدا "بوداننان قۇل تۋادى، قۇلدان جەتەسىز ۇل تۋادى!".

الداعى ۇرپاقتار وسىنداي تەكسىزدەر بولماس ءۇشىن كۇنى-ءتۇنى كۇرەسۋ كەرەك. سەبەبى، بۇل كوررۋپتسيادان دا جامان، سانانى بيلەگەن رۋحاني دەرت.

رۋحسىز قوعام باسى بىرىكپەيتىن قۇلداردان تۇراتىن توبىر بولادى.

جانۇزاق اكىم

Abai.kz