بيىل قىزىلاعاش وقيعاسىنا 7 جىل تولىپ وتىر. قاسىرەتتى اپاتتىڭ زاردابى اۋىل تۇرعىندارى مەن ەلىمىزگە قاتتى تيگەنى بەلگىلى. قىزىلاعاش وقيعاسى بولعان جەردىڭ جاعدايىن سۋرەتكە ءتۇسىرىپ، سول فوتوسۋرەتتەردەن كورمە جاساي بىلگەن جۋرناليست ساندۋعاش دۇيسەنوۆا الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا ءباسپاسوز-كونفەرەنتسياسىن وتكىزدى، - دەپ حابارلايدى الماتى وبلىسىنىڭ وڭىرلىك كوممۋنيكاتسيالار قىزمەتى .

فوتوكورمە قىزىلاعاش بالالارىنىڭ سۋرەتىنەن تۇرادى. شىنايى ەش فوتو ارلەۋسىز جاسالعان كورمە بالالاردىڭ بەينەسى ارقىلى قىزىلاعاش اۋىلىندا وتكەن اپات سالدارىن انىقتاۋعا سەپتىگىن تيگىزەدى. قاراپايىم اۋىل ومىرىنەن الىنعان تاماشا سۋرەتتەردى تالدىقورعان قالاسىنداعى «جۋرناليستەر ۇيىندە» تاماشالاۋعا بولادى. ەرەكشە 15 سۋرەتتەن قۇرالعان فوتوكورمە اۆتوردىڭ ويىنشا ۇزدىك تۋىندىلار بولىپ سانالادى.

«بالا كەزىمدە ەڭ العاشقى فوتواپپراتتى اكەم سىيلاعان بولاتىن.  سول كەزدەن باستاپ سۋرەتكە ءتۇسىرۋدى باستاعام. ارينە، كاسىبي تۇردە اينالىسپادىم. تەك وزىمە ۇناعان كادرلاردى دەر كەزىندە ۇستاپ الۋعا تىرىساتىنمىن. وسى وتكىزىلىپ جاتقان  «بالالىق شاق گالەرەياسى» اتتى فوتوكورمە تىرناق الدى تۋىندىم. كورمەنى ۇيىمداستىرۋعا كومەكتەسكەن وبلىستىق ىشكى ساياسات باسقارماسىنىڭ باسشىسى  رۋستام ءاليۇلىنا العىسىم شەكسىز. بولاشاقتا وسى فوتوكورمە جالعاسىن تابادى دەگەن ۇمىتتەمىن»، - دەدى «جەلتايا گازەتا» گازەتىنىڭ باس رەداكتورى س. دۇيسەنوۆا.

ا.ورالبەكوۆا

Abai.kz