شورتان دەۋگە كەلمەيتىن، شاباق دەۋگە بولمايتىن تاعى بىرنەشە شەنەۋنىك قارجى پوليتسياسىنىڭ قارماعىنا ءتۇستى. ولار  - قر ستاتيستيكا اگەنتىگى باسشىسىنىڭ بىلدەي ورىنباسارلارى.
بيىل حالىق ساناعىن وتكىزۋگە قىرۋار قارجى، ناقتىلاپ ايتقاندا 1 ملرد. 144 ملن. تەڭگە بولىنگەن. ساناققا قاتىسىپ، ساناتتا بولۋدى جاپپاي جارنامالاپ، ناۋقاندى «ۋ-شۋسىز وتكىزىپ جىبەرۋگە» سول سومانىڭ تورتتەن ءبىرى عانا جۇمسالىپتى. وڭگەسى ستايستيكالىق اگەنتتىكتىڭ باسشىلارى مەن جەكە فيرمالاردىڭ وڭەشىنەن ءوتىپ كەتسە كەرەك. «بيەنى بۇگىمەن، تۇيەنى تۇگىمەن» جۇتقىشتار 800 ملن. تەڭگەنى جىمقىرعان. حالىقتى ەمەس، قالتاسىنا تۇسەتىن تيىندى ساناعان قۋلار - بايانوۆ پەن مەڭدىباەۆ اقشا قىمقىرۋ ءۇشىن جەكە فيرمالاردىڭ سويىلىن سوعىپ، جالعان كاسىپورىندار قۇرىپتى. قر ەكونوميكالىق قىلمىسپەن جانە سىبايلاس-جەمقورلىقپەن كۇرەس اگەنتىگىنىڭ ارنايى وكىلى مۇرات جۇمانبايدىڭ ايتۋىنشا، بۇلارمەن بىرگە «كيىك فيرماسى» جشس-ءنىڭ باس ديرەكتورى نىسانوۆ پەن قۇرىلتايشىسى تۇرجانوۆ تا تۇتقىندالعان.
قازىنانىڭ قارجىسىن اش كەنەدەي سورىپ ۇيرەنگەن شەنەۋنىكتەر تەمىر تورعا توبىمەن قامالسا دا تاڭ قالمايتىن بولدىق قوي. ماسەلەن، قورشاعان ورتانى قورعاۋ مينيسترلىگىنىڭ ەسىل ەكولوگيالىق دەپارتامەنتىنىڭ باسشىسى ءابدىنۇر باتاەۆ تا تۇتىنعا الىنعالى بىرنەشە كۇن بولدى. ول زياندى قالدىقتار تۋرالى قۇجاتتىڭ قيسىق تۇسىن «تۇزەتىپ جىبەرۋگە» 160 مىڭ تەڭگە سۇراپ، پاراعا «قارىق بولىپ» جاتقاندا قولعا ءتۇستى.

شورتان دەۋگە كەلمەيتىن، شاباق دەۋگە بولمايتىن تاعى بىرنەشە شەنەۋنىك قارجى پوليتسياسىنىڭ قارماعىنا ءتۇستى. ولار  - قر ستاتيستيكا اگەنتىگى باسشىسىنىڭ بىلدەي ورىنباسارلارى.
بيىل حالىق ساناعىن وتكىزۋگە قىرۋار قارجى، ناقتىلاپ ايتقاندا 1 ملرد. 144 ملن. تەڭگە بولىنگەن. ساناققا قاتىسىپ، ساناتتا بولۋدى جاپپاي جارنامالاپ، ناۋقاندى «ۋ-شۋسىز وتكىزىپ جىبەرۋگە» سول سومانىڭ تورتتەن ءبىرى عانا جۇمسالىپتى. وڭگەسى ستايستيكالىق اگەنتتىكتىڭ باسشىلارى مەن جەكە فيرمالاردىڭ وڭەشىنەن ءوتىپ كەتسە كەرەك. «بيەنى بۇگىمەن، تۇيەنى تۇگىمەن» جۇتقىشتار 800 ملن. تەڭگەنى جىمقىرعان. حالىقتى ەمەس، قالتاسىنا تۇسەتىن تيىندى ساناعان قۋلار - بايانوۆ پەن مەڭدىباەۆ اقشا قىمقىرۋ ءۇشىن جەكە فيرمالاردىڭ سويىلىن سوعىپ، جالعان كاسىپورىندار قۇرىپتى. قر ەكونوميكالىق قىلمىسپەن جانە سىبايلاس-جەمقورلىقپەن كۇرەس اگەنتىگىنىڭ ارنايى وكىلى مۇرات جۇمانبايدىڭ ايتۋىنشا، بۇلارمەن بىرگە «كيىك فيرماسى» جشس-ءنىڭ باس ديرەكتورى نىسانوۆ پەن قۇرىلتايشىسى تۇرجانوۆ تا تۇتقىندالعان.
قازىنانىڭ قارجىسىن اش كەنەدەي سورىپ ۇيرەنگەن شەنەۋنىكتەر تەمىر تورعا توبىمەن قامالسا دا تاڭ قالمايتىن بولدىق قوي. ماسەلەن، قورشاعان ورتانى قورعاۋ مينيسترلىگىنىڭ ەسىل ەكولوگيالىق دەپارتامەنتىنىڭ باسشىسى ءابدىنۇر باتاەۆ تا تۇتىنعا الىنعالى بىرنەشە كۇن بولدى. ول زياندى قالدىقتار تۋرالى قۇجاتتىڭ قيسىق تۇسىن «تۇزەتىپ جىبەرۋگە» 160 مىڭ تەڭگە سۇراپ، پاراعا «قارىق بولىپ» جاتقاندا قولعا ءتۇستى.