سەنبى, 21 قىركۇيەك 2019
2181 0 پىكىر 4 تامىز, 2017 ساعات 09:50

يسلام پارتياسى مەن "گرۋپپا 24" توبى مۇشەلەرىنىڭ تۋىستارى تەرگەۋگە الىنادى

تاجىكستاننىڭ باس پروكۋرورى تىيىم سالىنعان يسلامنىڭ وركەندەۋى پارتياسى مەن "گرۋپپا 24" ۇيىمى مۇشەلەرىنىڭ تۋىستارى قۋعىن كورىپ جاتىر دەگەن اقپاراتتى جوققا شىعاردى.

"ولاردىڭ بەلسەندىلەرىنە قارسى قوزعالعان قىلمىستىق ىسكە بايلانىستى تۋىستارى مەن تۋعاندارى تەرگەۋگە الىنادى. بىراق ولارعا ەشقانداي قىسىم كورسەتىلمەيدى"- دەپ مالىمدەدى يۋسۋف راحمون بەيسەنبى كۇنى دۋشانبەدە وتكىزگەن ءباسپاسوز ءماسليحاتى كەزىندە.

وتكەن ايدا تاجىكستاندا تىيىم سالىنعان يسلامنىڭ وركەندەۋى پارتياسىنىڭ بەلسەندىلەرى ەلدەگى تۋىستارىنا قىسىم جاسالىپ جاتقانىن مالىمدەگەن. شەتەلدە قاشىپ جۇرگەن پارتيانىڭ جەتەكشىلەرى گەرمانيانىڭ دورتمۋند قالاسىندا باس قوسقان بولاتىن.

بۇرىن پارلامەنتتە مۇشەلەرى بولعان يسلام پارتياسىن تاجىك بيلىگى 2015 جىلدىڭ كۇزىندە قورعانىس ءمينيسترىنىڭ بۇرىنعى ورىنباسارى، ەلدە بۇلىك جاساماقشى بولدى دەگەن ابدۋحاليم نازارزوداعا كومەكتەستى دەپ ايىپتايدى. ال "گرۋپپا 24" ۇيىمى تاجىكستاندا تەرروريستىك ۇيىمداردىڭ تىزىمىنە ەنگىزىلدى.

Abai.kz

0 پىكىر