وقيعا تامىزدىڭ 12-ءى كۇنى جەرگىلىكتى ۋاقىتپەن ساعات 20:00 شاماسىندا بولعان. ۇقك-ءنىڭ حابارلاۋىنشا، شەكارا قىزمەتىنىڭ "وڭتۇستىك" ايماقتىق باسقارماسىنىڭ تاراز شەكارا توبىنىڭ شەكارا قىزمەتكەرلەرى مەملەكەتتىك شەكارانىڭ ارنايى بەلدەۋىنەن جول جاساپ زاڭسىز وتپەك بولعان ادامدار توبىن بايقاپ قالعان.

"ولار قۇقىق بۇزۋدى توقتاتۋ تۋرالى شەكاراشىلاردىڭ زاڭدى تالابىنا باعىنباي، ءتۇرلى قۇرالدار پايدالانىپ، شەكارا جاساعىنا قارسىلىق تانىتىپ، قول جۇمساعان. شەكاراشىلار ءارتۇرلى جاراقات العان. اسكەري قىزمەتكەرلەردىڭ ءومىرى مەن دەنساۋلىعىن ساقتاپ قالۋ ماقساتىندا شەكاراشىلار توبىنىڭ اعا قىزمەتكەرى اۋەلى اسپانعا ەسكەرتە وق اتىپ، قۇقىق بۇزۋشىلار وعان باعىنباعاننان كەيىن شابۋىلشىلارعا قارسى قارۋ قولدانعان (ەكى رەت وق اتقان)", - دەلىنگەن ۇقك ءباسپاسوز قىزمەتىنىڭ حابارلاماسىندا.

رەسمي اقپاراتتا شابۋىلداۋشىلاردىڭ ءبىرى وقتان جاراقات العانى، قالعاندارى ونى وزدەرىمەن بىرگە الىپ، قازاقستان اۋماعىنداعى ەلدى مەكەندەردىڭ بىرىنە قاراي ءىز جاسىرعانى ايتىلعان. "كەيىن ءمالىم بولعانىنداي، جارالانعان ادام قازا بولعان", - دەپ حابارلايدى ۇقك ءباسپاسوز قىزمەتى.

"شەكارا بۇزۋ" وقيعاسىنا قاتىسى بار كۇدىكتىلەردىڭ ىزدەستىرىلىپ جاتقانى تۋرالى حابارلاندى.

Abai.kz