بيىل قازاقستاننىڭ قارۋلى كۇشتەرىنىڭ قۇرىلعانىنا 25 جىل. دوڭگەلەنگەن داتا رەسپۋبليكا كولەمىندە اتاپ وتىلۋدە. قازاقستان ارمياسى ەل تىنىشتىعىنىڭ كەپىلى دەيمىز. ەندەشە، 25 جىلدىق قارساڭىندا قر قورعانىس مينيسترلىگىنىڭ گەنەرال-مايورى نيكولاي قاتوۆتى سوزگە تارتتىق.

الەم كارتاسىندا جەر كولەمى جاعىنان توعىزىنشى ورىندى يەلەنگەن تاۋەلسىز قازاقستان رەسپۋبليكاسى قارۋلى كۇشتەرى جىل سايىن ساپاسى مەن شەبەرلىگىن جەتىلدىرىپ، الدىڭعى قاتارلى ارميا دارەجەسىنە كوتەرىلدى.سوڭعى جىلدارى اسكەرگە شاقىرىلۋشىلاردى جان-جاقتى ىرىكتەۋگە باسا نازار اۋدارىلعان. بيىل العاشقى جارتى جىلدىقتا، ياعني كوكتەمگى شاقىرۋدا 18 بەن 27 جاس ارالىعىنداعى 17 مىڭداي ازامات اسكەر قاتارىن تولىقتىرىپتى. الدا كۇزگى شاقىرىلىم دا جاقىن قالدى. الماتى قالاسىنداعى اسكەرگە شاقىرۋ جۇمىستارى وتكەن ماۋسىمدا قالاي جۇرگىزىلگەنىن ءبىلۋ ماقساتىندا، الماتى قالالىق قورعانىس دەپارتامەنتىنىڭ باستىعى، گەنەرال-مايور نيكولاي مامبەتۇلى قۋاتوۆقا  بىرنەشە ساۋالدار جولداعان بولاتىنبىز. تومەندە سول سۇحباتتى  وقىرماندار نازارىنا ۇسىنىپ وتىرمىز.

 -ءداستۇر بويىنشا بيىلعى كوكتەمگى مىندەتتى اسكەري قىزمەتىن وتەۋگە جاستاردى  شاقىرۋ، ولاردى قارۋلى كۇشتەردىڭ  ءتۇرلى سالالارىنا ماماندىقتارى، دەنساۋلىعى، فيزيكالىق مۇمكىندىگى بويىنشا ءبولۋ جۇمىستارى 18-27 جاس ارالىعىنداعى ازاماتتارمەن جۇرگىزىلدى.بۇل ازاماتتاردىڭ جارامدىلىعى  فيزيكالىق، مورالدىق-ىسكەرلىك ساپاسى، قول جەتكىزگەن ماماندىعى  قامتىلعان، جالپى دەنساۋلىق دەڭگەيىنىڭ جوعارى دارەجەسىنە بايلانىستى تەكسەرىلدى.

كوكتەمگى اسكەرگە شاقىرۋ ماۋسىمىندا اقپاراتتىق-يميدجدىك ، ياعني، اسكەري ءومىردىڭ، قىزمەتتىڭ قالتارىستى جاقتارىن، جەتە ءتۇسىندىرۋ شارالارى جۇرگىزىلدى.سونىڭ ناتيجەسىندە قوعام مەن قاراپايىم حالىق وكىلدەرى قازاقستان رەسپۋبليكاسى قارۋلى كۇشتەرىنىڭ قاتارىندا مىندەتتى جەدەل اسكەري قىزمەتتەرىن وتەۋشى جاس جاۋىنگەرلەردىڭ جاعدايلارى قانداي دەڭگەيدە بولاتىنىنان جان-جاقتى حاباردار بولىپ، وزدەرىن مازالاعان كەيبىر ساۋالدارعا جاۋاپ الدى.بۇل جۇمىستار، شارالار اسكەري باسقارمانىڭ جەرگىلىكتى ۇيىمدارىنىڭ اسكەري بولىمشەلەرمەن، سونداي-اق وقۋ ورىندارىمەن  بىرلەسە جۇرگىزىلدى.

جاۋىنگەر بولۋ – اتالاردان قالعان امانات

-بيىلعى جىلعى مىندەتتى اسكەري بورىشىن وتەۋگە شاقىرىلۋشىلارعا قانداي نەگىزگى تالاپ-تىلەكتەر قويىلدى؟

-اسكەرگە شاقىرۋ شارالارى ءۇشىن بىرنەشە تاپسىرمالار قويىلادى.بۇل، بىرىنشىدەن، قازاقستان رەسپۋبليكاسى قارۋلى كۇشتەرى باس شتابىنىڭ ۇيىمداستىرۋ-موبيليزاتسيالاۋ جۇمىستارى دەپارتامەنتىنىڭ تالاپتارىنا سايكەس اسكەري بولىمدەردى ۋاقىتىندا جانە ساپالى جاساقتاۋ جۇمىستارى بولىپ تابىلادى.

ەكىنشىدەن، قورعانىس مينيسترلىگىنىڭ اسكەري بولىمدەرىن جوعارعى جانە ورتا-ارناۋلى ءبىلىمدى، اسكەري-تەحنيكالىق مەكتەپتەردى بىتىرگەن اسكەرگە شاقىرىلۋشىلارمەن جاساقتاۋ بولىپ سانالادى.

ۇشىنشىدەن،- اسكەرگە شاقىرىلۋشىلاردى تولىقتاي جان-جاقتى مەديتسينالىق تەكسەرۋمەن قامتاماسىز ەتۋ.اڭگىمەنىڭ باسىندا ايتقانىمداي، - ءبىز اسكەر قاتارىنا دەنساۋلىعىنىڭ جاعدايى اسكەري قىزمەتتى اتقارۋعا جارامدى جاستاردى عانا شاقىرامىز.

تورتىنشىدەن، - شاقىرىلۋشىلاردىڭ اراسىنداعى ىشىمدىك پەن ەسىرتكىلىك زاتتاردى پايدالانۋعا بەيىمدەلگەن ازاماتتتاردىڭ سوزىلمالى اۋرۋلارىن  دەر كەزىندە انىقتاۋ بولىپ تابىلادى.

بەسىنشىدەن، - بەلگىلەنگەن زاڭدىلىق بويىنشا تىركەلمەگەن پارتيالاردىڭ، قوعامدىق ۇيىمداردىڭ جانە ءداستۇرلى ەمەس ءدىني اعىمداردىڭ قۇرامىندا ، تىزىمىندە تۇرعان ازاماتتاردى ارمياعا شاقىرۋعا جىبەرمەۋ كەرەكتىگى ەسكەرىلگەن.

جالپى قورىىتىندىلاپ ايتار بولساق، 2017 جىلى الماتى قالاسى قورعانىس دەپارتامەنتى جانە قالا اۋداندارى قورعانىس باسقارمالارىنىڭ مىندەتتى اسكەري بورىشىن وتەۋشىلەردى شاقىرۋ شارالارىن قاماتاماسىز ەتۋى مەن وتكىزۋى، پرەزيدەنتتىڭ جارلىعىنىڭ اسكەري قىزمەت پەن اسكەريلەردىڭ مىندەتتەرىنىڭ مارتەبەسى  تۋرالى زاڭدارىنىڭ تالاپتارىنىڭ  جانە الماتى قالاسى اكىمدىگىنىڭ قاۋلىسى نەگىزىندە جۇزەگە اسىرىلدى.

-نيكولاي مامبەتۇلى، جاستاردى اسكەر قاتارىنا شاقىرۋ شارالارىن جوعارى ساپالى دەڭگەيدە ۇيىمداستىرىپ، وتكىزۋ جولىندا ءسىزدىڭ تىكەلەي باسشىلىعىڭىزبەن قانداي ناقتى جۇمىستار اتقارىلعانى تۋرالى تاراتىپ ايتساڭىز؟

-ەگەر دە دايىندىق جۇمىستارى تۋرالى ايتساق، بىرىنشىدەن، جاستاردى اسكەرگە شاقىرۋ مەن ونى وتكىزۋدىڭ ناقتى شارالارىنا  دايىندىق جان-جاقتى ۇيىمداستىرۋ شارالارى جاسالدى.ارينە  اۋىزشا ايتا سالعان وسى ءبىر اۋىز ءسوزدىڭ  ارعى جاعىندا قانشاما  قىرۋار اتقارىلعان، جاپپاي جۇرگىزىلگەن ۇيىمداستىرۋ جۇمىستارى جاتىر دەسەڭىزشى؟!بىزدەر ارقىلى شاقىرىلۋشىلاردىڭ ديسپانسەرلىك ەسەپتە تۇرعان مەديتسينالىق مەكەمەلەردەن مالىمەتتەر جيناقتاۋ، سونداي-اق شاقىرۋ كوميسسياسىنا باسشىلىق جاسايتىن الماتى قالاسى اكىمدىگىنىڭ ورىنباسارى باسشىلىعىنداعى كوميسسيا بازاسىنان  دەرەكتەر تەرۋ،مەملەكەتتىك مەكەمەلەر مەن ۇيىمداردىڭ  جەتەكشىلەرىنىڭ قاتىسۋىمەن، قالالىق جانە اۋداندىق اسكەرگە شاقىرۋ كوميسسيالارىنىڭ مۇشەلەرىمەن نۇسقاۋلىق-ادىستەمەلىك ساباقتار جۇرگىزىلدى.الماتى قالاسى اۋداندارىنىڭ قورعانىس جۇمىستارى بويىنشا باسقارمالارىنا قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرىنىڭ، اسكەري قۇرىلىمدارىنىڭ جاساقتالۋىنىڭ بارىسى تۋرالى جان-جاقتى حاباردار ەتىلدى.

سونىمەن قاتار بىزدەر اسكەرگە شاقىرىلۋشىلاردى اسكەري بولىمدەرگە تاڭداۋدا جاۋاپكەرشىلىك ءۇشىن جاۋاپ بەرەتىن  الماتى قالاسىنىڭ اۋداندارىنىڭ اكىمدەرىنىڭ ورىنباسارلارىمەن، اۋداندىق قورعانىس ىستەرى بويىنشا  دەپارتامەنتتەرىنىڭ، ىشكى ىستەر دەپارتامەنتىنىڭ، ۇلتتىق قاۋىپسىزدىك كوميتەتى دەپارتامەنتىنىڭ  وكىلدەرىمەن، «وڭتۇستىك» ايماقتىق كوماندوۆانيەسىنىڭ، قازاقستان ۇلتتىق ۇلانى وكىلدەرىمەن كەڭەيتىلگەن جينالىستار وتكىزدىك.بۇل شارالار الداعى كۇزگى  اسكەرگە شاقىرۋ  ناۋقانىندا دا قايتالاناتىن بولادى.

كۇن تارتىبىندە وتكەن شاقىرىلىم كەزىندە ورىن العان، اسكەرگە شاقىرىلۋشىلار اراسىندا كەزدەسەتىن ءتۇرلى كەمشىلىكتەر مەن ماڭىزدى ماسەلەلەردى شەشۋ جولدارى  قارالدى. نەگىزىنەن شاقىرىلۋشىلاردى ساپالى تۇردە تاڭداۋ، جاساقتاۋ جۇمىستارىنا باسا نازار اۋدارىلدى.

بۇل ماسەلەلەردى قاراستىرعان ساتتە، ولاردى بولدىرماۋدىڭ شارالارىن بىردەن قولعا الدىق.بۇل – اسكەرگە شاقىرىلۋشىلار پۋنكتتەرىن جوعارى ساپالى، زاماناۋي مەديتسينالىق جابدىقتارمەن، مەديتسينالىق ءدارى-دارمەكتەرمەن دەر كەزىندە جابدىقتاۋدى قامتاماسىز ەتۋ بولىپ تابىلادى.بۇل – اسكەرگە شاقىرىلۋشىلاردى اسكەري بولىمدەرگە شىعارىپ سالۋدىڭ الدىنداعى مىندەتتى ناركولوگيالىق تەستىلەۋدەن وتكىزۋ ءجۇمىستارىن ناقتى جۇزەگە اسىرۋ.سونداي-اق، اسكەرگە شاقىرىلۋشى جاس بۋىن وكىلدەرىن گەپاتيت، تۋبەركۋلەز اۋرۋلارىن الدىن الۋ ماقساتىندا مىندەتتى تۇردەگى لابوراتوريالىق تەكسەرۋلەردەن وتكىزۋگە قاتاڭ تالاپ قويۋ، «اق سۇڭقار» پسيحودياگنوستيكالىق امبەباپ كەشەنىن پايدالانا وتىرىپ، اسكەري پسيحولوگتاردىڭ جۇمىستارىن اۆتوماتيزاتسيالاۋ نەگىزىندە، اسكەر قاتارىن جاس تولىقتىرۋشىلاردى تاڭداۋداعى كاسىبي-پسيحولوگيالىق تاڭداۋ جۇمىستارىن جاقسارتۋ شارالارى جۇزەگە اسىرىلدى.

سونداي-اق، ەڭ ماڭىزدىسى – اسكەرگە شاقىرىلۋشىلاردىڭ مورالدىق-ىسكەرلىك، دەنساۋلىق دەڭگەيىن، فيزيكالىق وركەندەۋىن، جانۇيالىق جاعدايى، جالپى ءبىلىمىنىڭ دەڭگەيى  مەن ارناۋلى ماماندىق بويىنشا دايىندىعىن زەرتتەۋ جۇمىستارىنا دا باسىمدىق بەرىلەدى.جوعارىدا اتالعان وسى ەرەكشەلىكتەر بولاشاق جاۋىنگەردىڭ اسكەري قىزمەتكە شاقىرىلاتىن بولىمدەرگە ءوز دەڭگەيىنە ساي بارۋىنا ۇلكەن اسەرىن تيگىزەدى. دەمەك،جىل سايىن جاس جاۋىنگەرلەردى ىرىكتەۋ جۇمىسىنىڭ ساپاسىنا ەرەكشە باقىلاۋ ساپاسى جەتىلدىرىلە تۇسۋدە. بۇل شارالار الداعى ءاربىر  اسكەرگە شاقىرۋ ماۋسىمدارىندا دا نازاردان تىس قالمايدى.

- وتكەن 2016 جىلمەن سالىستىرعاندا جاستاردى اسكەرگە شاقىرۋ شارالارىن ۇيىمداستىرۋدا، وتكىزۋدە قانداي ەرەكشەلىكتەردى، ايىرماشىلىقتاردى  ايتار ەدىڭىز؟

-ارينە، 2016 جىلمەن سالىستىرعاندا بيىلعى شاقىرىلىمداردى قالالىق اكىمشىلىك پەن قورعانىس جۇمىستارى بويىنشا دەپارتامەنتتەرى تاراپىنان ۇيىمداستىرۋدا تىڭ وزگەرىستەر بولۋدا: اسكەرگە شاقىرىلۋشىلار شوعىرلانۋ كوبەيدى، تەكسەرۋ كوميسيياسىنىڭ ساپاسى ارتتى.اسكەرگە شاقىرىلۋشىلارمەن جەرگىلىكتى بيلىك وكىلدەرى مەن قورعانىس ءىسى جونىندەگى دەپارتامەنتىنىڭ وكىلدەرى جان-جاقتى پىكىر الماسۋ، ءتۇسىندىرۋ جۇمىستارىن جوعارى دەڭگەيدە جۇرگىزدى. الماتى قالاسى اكىمدىگىنىڭ باسشىلىعىمەن كوماندالاردى اسكەرگە جىبەرۋدىڭ الدىندا شاقىرۋ كوميسسياسىنىڭ باسشىسى مەن مۇشەلەرى، سونداي-اق تەكسەرۋشى مەديتسينالىق ساراپتاماسى وكىلدەرىنىڭ  قاتىسۋىمەن مانداتتىق كوميسسياسى وتكىزىلدى. مىنە، وسى شارالاردىڭ بارلىعى جاس ازاماتتاردى اسكەرگە شاقىرۋ جۇمىسىنىڭ جان-جاقتى، جوعارى دەڭگەيدە جۇرگىزىلىپ وتىرعانىن كورسەتەدى.

بۇگىنگى تاڭدا اسكەرگە شىعارىپ سالۋ شارالارى بۇقارالىق اقپارات قۇرالدارى وكىلدەرىنىڭ قاتىسۋىمەن سالتاناتتى تۇردە جۇرگىزىلەدى. بۇل شاراعا شاقىرىلۋشىنىڭ تۋىستارىمەن قاتار، جەرگىلىكتى اقارۋشى بيلىك پەن ارداگارلەر ۇيىمدارىنىڭ وكىلدەرى، سونداي-اق، الماتى قالاسى اۋداندارىنىڭ قورعانىس ىستەرى جونىندەگى دەپارتامەنتتەرىنى باسشىلارى قاتىسىپ، جاس وتان قورعاۋشىلارعا اق تىلەكتەرىن ءبىلدىرىپ، قۇرمەتپەن شىعارىپ سالادى. بۇل يگى ىستەردىڭ جاس جەتكىنشەكتەردىڭ ساناسىنا اسكەري بورشىتى وتەۋدىڭ اسا ماڭىزدىلىعىن سىڭىرۋدە بەرەتىن اسەرى از بولماسا كەرەك.

-سىزدەردىڭ جۇمىستارىڭىز بالالاردى اسكەرگە شاقىرۋ، كومسيسسيادان ىرىكتەپ وتكىزىپ، شىعارىپ سالۋ سياقتى شارالارمەن عانا شەكتەلە مە؟ جالپى، ولاردىڭ ارميا قاتارىنداعى جاعدايلارى، تاعدىرى ءۇشىن كىم جاۋاپ بەرەدى؟

-  وكىنىشكە وراي، كوپشىلىكتىڭ بەلگىلى ءبىر بولىگى وسىلاي ويلايدى. جەمە-جەمگە كەلگەندە ولاي ەمەس.ءبىز قازاقستان رەسپۋبليكاسى قارۋلى كۇشتەرى بولىمدەرىندەگى اسكەري ءتارتىپ پەن قۇقىق ءتارتىبىنىڭ بۇزىلۋىنىڭ الدىن الىپ، بولدىرماۋعا بەلسەندى تۇردە ارالاسىپ تۇرامىز.بۇل جۇمىستاردى ناقتى رەتتەۋ ءۇشىن الماتى قالاسى قورعانىس ىستەرى جونىندەگى دەپارتامەنتى ارقىلى «مىندەتتى اسكەري بورىشىن وتەۋشى اسكەريلەرمەن جانە ولاردىڭ اتا-انالارىمەن كەرى بايلانىس» جوباسى ۇيىمداستىرىلعان.

جوبانىڭ ماقساتى – جاس بۋىن وكىلدەرىن اسكەري قىزمەتكە بەيىمدەۋ، مورالدىق-پسيحولوگيالىق جاعداي قالىپتاستىرۋ،اتا-انالاردى قولداۋ بولىپ تابىلادى.ءبىر سوزبەن ايتقاندا – دەپارتامەنت بالالردىڭ اسكەري بورىشىن وتەۋگە شاقىرىلۋ كەزەڭىنەن باستاپ ، قىزمەتتىڭ سوڭعى كۇندەرىنە دەيىنگى جاۋىنگەرلەردىڭ جالپى جاعدايى تۋرالى اتا-انالارىعا التىن كوپىردىڭ ءرولىن اتقارۋشى بولۋعا ەرەكشە نازار اۋدارىپ وتىر.

اتاپ ايتساق، ولاردىڭ ءبارىن قۇقىق قورعاۋ ۇيىمدارىنىڭ سەنىم تەلەفوندارىمەن قامتاماسىز ەتەمىز، مىندەتتى اسكەري بورىشىن اتقارۋشى جاۋىنگەردىڭ قىزمەتىن وتەۋ كەزەڭىندە ومىرلەرىنە ، دەنساۋلىقتارىنىنا، مۇلىكتەرىنە، ار-نامىستارىنا  نۇقسان كەلتىرۋشى جاعداياتتار ورىن العان ساتتە جەدەل تۇردە ءتيىستى ۇيىمدارعا حاباردار ەتۋدىڭ ماڭىزدىلىعى تۋرالى جان-جاقتى ءتۇسىندىرۋ جۇمىستارى جۇرگىزىلەدى.

سوناي-اق، قالالىق اۋدانداردىڭ اسكەري ىستەر جونىندەگى باسقارمالارىنىڭ لاۋازىمدى تۇلعالارى جەرگىلىكتى اتقارۋشى بيلىك وكىلدەرىمەن، ارداگەرلەر ۇيىمدارىمەن بىرلەسە وتىرىپ، جاس جاۋىنگەرلەردىڭ اسكەري انت قابىلداۋدىنىڭ سالتاناتتى  راسىمىنە قاتىسۋى داستۇرگە اينالعان.مىنە، وسىنداي جاقسى باستامالاردىڭ ناتيجەسىندە ماۋسىمدىق اسكەرگە شاقىرۋ شارالارىن ءجۇز پايىز كورسەتكىشپەن، جوعارى دەڭگەيدە وتكىزۋگە قول جەتكىزدىك.دەمەك، جاس جىگىتتەردىڭ وتان الدىنداعى بورىشىن وتەۋگە دەگەن قۇلشىنىستارى جىل سايىن ارتىپ كەلەدى. قازىرگى جاستاردىڭ  وتان قورعاۋ ىسىنە اسا ءبىر جاۋاپكەرشىلىكپەن قارايتىن دارەجەگە كوتەرىلۋى اتا-بابالاردان كەلە جاتقان وتانسۇيگىشتىك رۋحتىڭ جالعاسىن قايتا تابۋى دەسەك، قاتەلەسپەيمىز.

جالپى ەسەپكە جۇگىنسەك، 2017 جىلعى اسكەرگە شاقىرۋ بويىنشا دايىندىق جوسپارىن الماتى قالالىق قورعانىس ىستەرى جونىندەگى دەپارتامەنتى مەن باسقارمالارى تولىق ورىندادى.

بيىلعى جىل بويىنشا قازاقستان رەسپۋبليكاسى قارۋلى كۇشتەرىنىڭ قاتارى 2000 ادام شاقىرۋىلۋشىلارمەن تولتىرۋ جۇزەگە اسىرىلادى.

- الماتى قالاسىنان اسكەرگە شاقىرىلۋشىلار اراسىندا وليمپيادا چەمپيوندارى بار دەگەن سوزدەردى ءجيى ەستيمىز. وسى اقپارات قانشالىقتى شىن؟

 - دۇرىس جانە دەر كەزىندە تاراعان حابار. ماسەلەن، وتكەن جىلعى الماتىلىق شاقىرىلۋشىلار اراسىندا 2016 جىلعى وليمپيادا ويىندارىنىڭ التىننان القا تاققان چەمپيوندارى – جۇزگىش  دميتري بالاندين مەن اۋىر اتلەت نيدجات راحيموۆ قاتارداعى جاۋىنگەر رەتىندە وتان الدىنداعى اسكەري بورىشىن اتقاردى.

سپورت ساڭلاقتارىنىڭ اسكەري بورىشىن وتەۋگە قۇلشىنىستارى  كەيىنگى جاس جەتكىنشەكتەرگە جاعىمدى اسەرىن تيگىزەتىنى ءسوزسىز.

- نيكولاي مامبەتۇلى، كۇزگى شاقىرىلىم ناۋقانىندا  قانداي مىندەتتەردى جۇزەگە اسىرۋ جولعا  قويىلعان؟

-كۇزگى شاقىرىلىمعا  دايىندىق جۇمىستارى ايقىن. تاراتىپ ايتقاندا، ازاماتتاردى اسكەرگە شاقىرۋ شارالارىنىڭ ساپاسى مەن شارتتارىن جاقسارتۋ، جەرگىلىكتى اسكەري باسقارمالاردا شاقىرۋ پۋنكتتەرى مەن مەديتسينالىق ساراپتاما جاسايتىن كوميسسيالاردىڭ جوعارى ساپالى بولۋىن قامتاماسىز ەتۋ بولىپ تابىلادى.

سونداي-اق،شاقىرۋ ناۋقانى باستالعانعا دەيىن مەديتسينالىق كوميسسيا قۇرامىن دارىگەر ماماندارىمەن، كەرەكتى قۇرال-جابدىقتارمەن، مۇلىكتەرمەن، ءتيىستى ءدارى-دارمەكتەرمەن قاماتاماسىز ەتۋ، شاقىىرىلۋشىلار اراسىنان الدىن الا دايىندالعان كوماندالار دايىنداۋ، تيىسىنشە ولار اسكەري بولىمشەلەردى الدىن الا زەرتتەپ، اسەري بولىمدەرىڭىڭ وكىلدەرى رەتىندە ۇسىنۋ شارالارى جاسالدى.دەمەك، بۇلار اسكەرگە شاقىرىلۋشىلاردىڭ ناقتى قاي اسكەري بولىمگە، قانداي ماماندىق بويىنشا، قاي سالاعا باراتىنىن انىقتايتىن بولادى.

بۇگىنگى تاڭدا اسكەري قىزمەتكە جاستاردى شاقىرۋدى جان-جاقتى ۇيىمداستىرۋ، ۇگىت-ناسيحات جۇمىستارىن ازاماتتار اراسىندا دۇرىستاپ جۇرگىزىۋ، جانە وسى ماسەلەلەردى بۇقارالىق-اقپارات قۇرالدارىندا كەڭىنەن، جان-جاقتى جاريالاۋ شارالارى اسا ماڭىزدى ەكەنى راس.

اتالارىمىزدان ۇرپاقتان ۇرپاققا عاسىرلار بويى جالعاسىپ كەلە جاتقان امانات -  وتاندى قورعاۋ جولىندا بەساسپاپ جاۋىنگەر بولىپ قىزمەت ەتۋ بۇگىنگى كۇننىڭ باستى تالاپتارىنىڭ ءبىرى دەسەك قاتەلەسپەيمىز.ەندەشە، اتالار اماناتىنا ادال بولۋ سىزدەرگە پارىز، جاس بۋىن، قازاقستان ساربازى!

-نيكولاي مامبەتۇلى، ۋاقىتىڭىزدى ءبولىپ، ساۋالدارىمىزعا جاۋاپ بەرگەنىڭىز ءۇشىن راحمەت.ەل قورعانى – جاس جاۋىنگەرلەردى جاساقتاۋ جولىنداعى جاۋاپكەرشىلىگى مول جۇمىستارىڭىزعا ساتتىلىك تىلەيمىز!

جاڭابەك تويبازاروۆ

الماتى قالاسى

Abai.kz