پاۆلودار وبلىستىق قازاقستان حالقى اسسامبلەياسى ەكسپو-2017 كورمەسىنە ارناپ وتكىزىپ جاتقان جازعى فەستيۆالدىڭ اياسىندا، دەمالىس كۇندەرى چۋۆاش ەتنومادەني بىرلەستىگى ءوز ونەرىن كورسەتتى. وبلىسقا تانىمال «سەسپەل» چۋۆاش فولكلورلىق ءانسامبلى حالىق اندەرى مەن بيلەرىن ورىندادى. قالالىق ساياباققا جينالعان تۇرعىندار چۋۆاش حالقىنىڭ مادەنيەتىمەن، ۇلتتىق تاعامدارىمەن جانە سالت-داستۇرلەرىمەن تانىستى.

«بۇگىن  بىز چۋۆاش حالقىنىڭ  مادەنيەتى كۇنىن تويلاۋدا. ءبىز دايىنداعان باعدارلامادا چۋۆاش تىلىندە عانا ەمەس، ورىس تا، قازاق تىلىندە اندەرى بار، سەبەبى ءبىز قازاقستاندا ءومىر سۇرەمىز، سوندىقتان مەملەكەتتىك ءتىلدى ءبىلۋى ءتيىسپىز. وزدەرىنىڭ داستۇرلەردى ساقتاي وتىرىپ، مەرەكە ءۇشىن ازىرلەنگەن كورەرمەندەرگە ۇلتتىق بالىشتەردى ءدامىن تاتۋعا بولادى»، -  دەيدى چۋۆاش بىرلەستىكتىڭ توراعاسى ەلەنا يۆانوۆنا سافرونوۆا. سوعان قوسا، ورتالىقتىڭ ۇيىمداستىرۋشىسى، چۋۆاش ەلىنەن كەلگەن سىيلى قوناق، چۋۆاش ۇلتتىق كونگرەسىنىڭ مۇشەسى، پروفەسسور، فيلوسوفيا عىلىمدارىنىڭ دوكتورى، فەدوتوۆ ۆاسيلي ارتەمەۆيچ قۇتتىقتاۋ ءسوز سويلەدى.  ول وسى شارانىڭ ماڭىزدىلىعىن اتاپ، 20 جىل بۇرىن بىرلەستىگىنىڭ ءبىرىنشى باستامالارىن ايتتىپ، ورتالىعىنىڭ مۇشەلەرىنە جانە شىعارماشىلىق ۇجىمدارىنا وركەندەۋىن جانە تابىس تىلەدى.

ءىس-شارا شەڭبەرىندە كورەرمەندەر اراسىندا سۇراقتار قويىلىپ، ۆيكتورينالار وتكىزىلدى. بۇل ويىندار ارقاسىندا بارلىق قوناقتار چۋۆاش حالقىنىڭ تاريحى،  ۇلتتىق تاعامدار مەن داستۇرلەرى تۋرالى كوپ ماعلۇمات الدى. ەڭ بەلسەندى قاتىسۋشىلار سىيلىقتارىمەن ماراپاتتالدى.

چۋۆاش ەتنومادەني بىرلەستىگىنىڭ مادەنيەتى كۇنىنە ارنالعان مەرەكەلىك باعدارلاماسى ۇلتتىق اسەرلى بيىمەن اياقتالدى.

ماقسات ايتپاەۆ

Abai.kz