الماتى. 4 ماۋسىم. قازتاگ – سىرتقى قارىزدارى قايتا قۇرىلىمدانعان سوڭ «بتا بانك» كىشىرەيىپ، بۇرىنعىدان دا ءتيىمدى بولادى. «بتا بانك» اق ديرەكتورلار كەڭەسىنىڭ توراعاسى ارمان دۋناەۆ «ۆرەميا» گازەتىنە سۇحبات بەرگەندە وسىنداي پىكىر ءبىلدىردى. سۇحبات گازەتتىڭ بەيسەنبى كۇنگى سانىندا جارىق كوردى.

«بانكتىڭ اكتسيونەرلەرى مەن مەنەدجمەنتىندە بانكتىڭ سىرتقى مىندەتتەمەلەرىن جانە نەسيەلىك پورتفەلىن قايتا قۇرىلىمداۋعا بايلانىستى جوسپارى بار. ارينە، بۇل بانكتىڭ كولەمىن شامادان تىس ۇلكەيتىلگەننەن ەلدىڭ ىشكى ەكونوميكاسىنا باعىتتالعان ءتيىمدى كولەمگە دەيىن كىشىرەيتۋگە الىپ كەلۋى مۇمكىن»، - دەدى ول.

ول اتاپ كورسەتكەندەي، «بانك اكتيۆتەرىنىڭ قۇنسىزدانۋ دەڭگەيى ايتارلىقتاي جانە رەتتەۋشىنىڭ پەسسيميتىك بولجامىنان دا اسىپ ءتۇستى». «دەگەنمەن، ولاردى باسقارۋعا بولادى»، - دەپ ءمالىم ەتتى بانكير.

«بتا بانك» بۇگىن كورسەتىپ وتىرعان شىعىندار - شىن مانىندە بانكتىڭ وتكەن جىلداعى شىعىندارى.

الماتى. 4 ماۋسىم. قازتاگ – سىرتقى قارىزدارى قايتا قۇرىلىمدانعان سوڭ «بتا بانك» كىشىرەيىپ، بۇرىنعىدان دا ءتيىمدى بولادى. «بتا بانك» اق ديرەكتورلار كەڭەسىنىڭ توراعاسى ارمان دۋناەۆ «ۆرەميا» گازەتىنە سۇحبات بەرگەندە وسىنداي پىكىر ءبىلدىردى. سۇحبات گازەتتىڭ بەيسەنبى كۇنگى سانىندا جارىق كوردى.

«بانكتىڭ اكتسيونەرلەرى مەن مەنەدجمەنتىندە بانكتىڭ سىرتقى مىندەتتەمەلەرىن جانە نەسيەلىك پورتفەلىن قايتا قۇرىلىمداۋعا بايلانىستى جوسپارى بار. ارينە، بۇل بانكتىڭ كولەمىن شامادان تىس ۇلكەيتىلگەننەن ەلدىڭ ىشكى ەكونوميكاسىنا باعىتتالعان ءتيىمدى كولەمگە دەيىن كىشىرەيتۋگە الىپ كەلۋى مۇمكىن»، - دەدى ول.

ول اتاپ كورسەتكەندەي، «بانك اكتيۆتەرىنىڭ قۇنسىزدانۋ دەڭگەيى ايتارلىقتاي جانە رەتتەۋشىنىڭ پەسسيميتىك بولجامىنان دا اسىپ ءتۇستى». «دەگەنمەن، ولاردى باسقارۋعا بولادى»، - دەپ ءمالىم ەتتى بانكير.

«بتا بانك» بۇگىن كورسەتىپ وتىرعان شىعىندار - شىن مانىندە بانكتىڭ وتكەن جىلداعى شىعىندارى.

«ءاۋديتتىڭ قورىتىندىسىندا انىق كورسەتىلگەندەي، بانكتىڭ شىعىندارى بتا-عا مەملەكەت كەلگەنگە دەيىن پايدا بولدى. بۇل شىعىندار – بانكتىڭ بۇرىنعى باسشىلىعى جۇرگىزگەن قىزمەتتىڭ تىكەلەي ناتيجەسى… بۇل شىعىنداردىڭ باسىم بولىگى - ءىس جۇزىندە «تۇسىنىكسىز» ءۇشىنشى تۇلعالاردىڭ پايداسىنا بەرىلگەن بانكتىڭ قۇندى قاعازدارىنىڭ قۇنسىزدانۋىنىڭ ناتيجەسى; بانكتىڭ بۇرىنعى باسشىلىعىمەن بايلانىسى بار كومپانيالارعا بەرىلگەن نەسيەلەردىڭ قۇنسىزدانۋىنان; وسىنداي نەسيەلەر بويىنشا قۇقىق ورناتۋشى قۇجاتتاردىڭ جوق بولۋىنان نەمەسە جوعالىپ كەتۋىنەن; ەسكەرىلمەگەن كەپىلدەردەن; كەپىلدەردى قاساقانا شىعارۋدان نەمەسە الماستىرۋدان بولدى»، - دەدى ا.دۋناەۆ.

«بتا بانك» قازاقستان بانك جۇيەسىنىڭ كوشباسشىلارىنىڭ ءبىرى بولىپ تابىلادى. ققا مالىمەتتەرىنە سايكەس، 2009 جىلدىڭ قاڭتار-ناۋرىزىندا «بتا بانكتىڭ» اكتيۆتەرى 3,8 ترلن تەڭگەنى قۇرادى، جەكە كاپيتالى - 367,3 ملرد تەڭگەنى قۇرادى. 2009 جىلدىڭ 1 مامىرىنداعى جاعداي بويىنشا، بانك 257 ملرد تەڭگە كولەمىندە شىعىن كوردى. 2009 جىلدىڭ 2 اقپانىندا بانكتىڭ قاراپايىم اكتسيالارىنىڭ «سامۇرىق-قازىنا» ۇاق-نىڭ پايداسىنا ءماجبۇرلى ەميسسياسى تۋرالى جاريالانعان بولاتىن. 2009 جىلدىڭ 18 ناۋرىزىندا «سامۇرىق-قازىنا» ۇاق-نىڭ يەلىگىندەگى اكتسيالاردىڭ كولەمى 75,1% بولدى. 2009 جىلدىڭ 20 ساۋىرىندە بانك كرەديتورلارعا نەگىزگى قارىز بويىنشا تولەمدەردى ۋاقىتشا توقتاتاتىنىن جاريالادى. ۇاق بانكتىڭ اكتسيالار پاكەتىن رەسەيلىك سبەربانككە ساتۋ جونىندە كەلىسسوزدەر جۇرگىزىپ جاتىر.