قاراعاندى. 4 ماۋسىم. قازتاگ – «نۇر وتان» حدپ وبلىستىق فيليالىنىڭ ساياسي كەڭەسى مەن پارتيالىق باقىلاۋ كوميسسياسىنىڭ سارسەنبى كۇنى وتكەن بىرلەسكەن وتىرىسىندا تارتىپتىك كەڭەستىڭ توراعاسى ايمان مۇرسالوۆتى پارتيا قاتارىنان شىعارۋ تۋرالى شەشىم قابىلداندى.

بۇل ماسەلە سارسەنبى كۇنى بىرلەسكەن وتىرىستا ەكى ساعاتقا جۋىق تالقىلاندى. ساياسي كەڭەستىڭ جانە پارتيالىق باقىلاۋ كوميسسياسىنىڭ مۇشەلەرى «ا. مۇرسالوۆتىڭ ارەكەتتەرى پارتيانىڭ جارعىسىنا قايشى كەلەتىنىن، پارتيانىڭ يميدجىنە جانە ول باسقاراتىن جاۋاپتى مەمورگاننىڭ بەدەلىنە نۇقسان كەلتىرەتىنىن» جەتكىزدى.

ا. مۇرسالوۆقا پارتيالىق ەتيكانى بۇزدى، وكىلەتتىكتەرىن اسىرا پايدالاندى، ەڭبەك زاڭناماسىن بۇزدى، قىزمەت بابىن اسىرا پايدالاندى، ادەپسىز ارەكەتتەر جاسادى دەگەن جانە تاعى دا باسقا ايىپتار تاعىلدى.

پارتيانىڭ وبلىستىق فيليالى توراعاسىنىڭ ورىنباسارى اسقار بازارباەۆ ا. مۇرسالوۆ سىندى قابىلدامايتىنىن جانە ءوز جۇمىسىندا «ءوزىن بۇكىل مەملەكەتتىڭ ورنىنا قويادى» دەپ اتاپ كورسەتتى. پارتيالىق باقىلاۋ كوميسسياسىنىڭ جانە ساياسي كەڭەستىڭ مۇشەلەرى– بيسەمباي جۇمابەكوۆ، ەرقارا ايماعامبەتوۆ، شايمەردەن ورازالينوۆ جانە باسقالارى وبلىستىق تارتىپتىك كەڭەس باسشىسىنىڭ كوپتەگەن لايىقسىز ارەكەتتەرىن مىسالعا كەلتىردى. سونىڭ ىشىندە قىزمەتكەرلەردى جۇمىستان زاڭسىز شىعارۋ، زاڭسىز تەكسەرۋلەر جۇرگىزۋ دەرەكتەرى دە بار. ءبارىن اشىندىرعان سوڭعى وقيعا مۇرسالوۆتىڭ قىزمەتتىك كولىگىندەگى مەملەكەتتىك نومەردى جەكە نومەرگە اۋىستىرۋى بولدى.

قاراعاندى. 4 ماۋسىم. قازتاگ – «نۇر وتان» حدپ وبلىستىق فيليالىنىڭ ساياسي كەڭەسى مەن پارتيالىق باقىلاۋ كوميسسياسىنىڭ سارسەنبى كۇنى وتكەن بىرلەسكەن وتىرىسىندا تارتىپتىك كەڭەستىڭ توراعاسى ايمان مۇرسالوۆتى پارتيا قاتارىنان شىعارۋ تۋرالى شەشىم قابىلداندى.

بۇل ماسەلە سارسەنبى كۇنى بىرلەسكەن وتىرىستا ەكى ساعاتقا جۋىق تالقىلاندى. ساياسي كەڭەستىڭ جانە پارتيالىق باقىلاۋ كوميسسياسىنىڭ مۇشەلەرى «ا. مۇرسالوۆتىڭ ارەكەتتەرى پارتيانىڭ جارعىسىنا قايشى كەلەتىنىن، پارتيانىڭ يميدجىنە جانە ول باسقاراتىن جاۋاپتى مەمورگاننىڭ بەدەلىنە نۇقسان كەلتىرەتىنىن» جەتكىزدى.

ا. مۇرسالوۆقا پارتيالىق ەتيكانى بۇزدى، وكىلەتتىكتەرىن اسىرا پايدالاندى، ەڭبەك زاڭناماسىن بۇزدى، قىزمەت بابىن اسىرا پايدالاندى، ادەپسىز ارەكەتتەر جاسادى دەگەن جانە تاعى دا باسقا ايىپتار تاعىلدى.

پارتيانىڭ وبلىستىق فيليالى توراعاسىنىڭ ورىنباسارى اسقار بازارباەۆ ا. مۇرسالوۆ سىندى قابىلدامايتىنىن جانە ءوز جۇمىسىندا «ءوزىن بۇكىل مەملەكەتتىڭ ورنىنا قويادى» دەپ اتاپ كورسەتتى. پارتيالىق باقىلاۋ كوميسسياسىنىڭ جانە ساياسي كەڭەستىڭ مۇشەلەرى– بيسەمباي جۇمابەكوۆ، ەرقارا ايماعامبەتوۆ، شايمەردەن ورازالينوۆ جانە باسقالارى وبلىستىق تارتىپتىك كەڭەس باسشىسىنىڭ كوپتەگەن لايىقسىز ارەكەتتەرىن مىسالعا كەلتىردى. سونىڭ ىشىندە قىزمەتكەرلەردى جۇمىستان زاڭسىز شىعارۋ، زاڭسىز تەكسەرۋلەر جۇرگىزۋ دەرەكتەرى دە بار. ءبارىن اشىندىرعان سوڭعى وقيعا مۇرسالوۆتىڭ قىزمەتتىك كولىگىندەگى مەملەكەتتىك نومەردى جەكە نومەرگە اۋىستىرۋى بولدى.

ايمان مۇرسالوۆ ءوز اتىنا ايتىلعان سىندى قابىلداعان جوق. «مۇنىڭ ءبارى شىندىققا سايكەس كەلمەيدى، ءبارى-وتىرىك. ەگەر بىرەۋگە مەنىڭ قىزمەتىم قاجەت بولسا، بۇل ورىندا باسقا ادام جۇمىس ىستەسىن. بىراق مەنى پارتيادا قالدىرىڭىزدار»، - دەپ ءمالىم ەتتى وتىرىستا ءتارتىپ بۇزۋشى توراعا.

ەكى ساعاتقا سوزىلعان تالقىلاۋدان كەيىن ساياسي كەڭەستىڭ جانە پارتيالىق باقىلاۋ كوميسسياسىنىڭ مۇشەلەرى ا. مۇرسالوۆتى «نۇر وتان» قاتارىنان شىعارۋ تۋرالى شەشىمدى ءبىراۋىزدان قابىلدادى. سونداي-اق، ونىڭ ءىسىن مەملەكەتتىك قىزمەت جونىندەگى اگەنتتىككە بەرىپ، قىزمەتىنەن بوساتۋعا كەڭەس بەرۋ تۋرالى شەشىم قابىلداندى.

ا. مۇرسالوۆ قاراعاندى وبلىسى بويىنشا تارتىپتىك كەڭەستىڭ توراعاسى بولىپ 2007 جىلدىڭ مامىرىنان بەرى قىزمەت ەتىپ كەلەدى. «نۇروتان» قاتارىنا 2004 جىلى كىرگەن.