قۇلسارىنىڭ ماڭعىستاۋعا كەتەر جولىنداعى شامامەن 7-8 شاقىرىم جەردە ورنالاسقان "شلام يگەرگىش" مەكەمەگە شلام-قالدىقتارى اقتوبە مەن ورال قالالارىنان دا اكەلىنىپ تاسىمالدانۋدا. ورال تاسىمالىنىڭ ءبىر رەيسى 1 ملن 300 000 تگ.

ۇلتتىق رۋحى جوق، موينىندا قىرعىن نەسيەسى بار امالسىز جۇرگىزۋشىلەرگە "ەل تاعدىرى، ۇرپاق ماسەلەسى" دەگەن تۇسىنىكتەر ميىنا كىرىپ تە شىقپايدى. سوندا جىلوي اۋدانى بولاشاعىنان ءۇمىت كۇتتىرەتىن جاس قالا ما، الدە ء"بىرىڭ ءولىپ ءبىرىڭ قال" كىرپىشىنەن قالانعان قوقىس پوليگونى ما؟ مىنا كەلەڭسىزدىكتەردى كىم توقتاتادى؟ اكىمدەر بۇدان حاباردار ما؟

بۇل جەرگە قالدىق توكتىرۋگە كىم-كىمنىڭ دە رۇقسات بەرۋىنە حاقىسى جوق ەدى. بىراق، كوز قىستى، بارماق باستى ءامپاي-ءجامپايلار شامادان تىس شەكارادان شىعىپ بولدى. بۇل ماسەلەگە دە حالىق تۇيىلگەن قاباقپەن قاراۋدا.

وبلىس، اۋدان باسشىلارى، بۇل مەكەمەنى تەز جابۋعا شەشىم شىعارىڭدار! ەل جاپپاي نارازى بولعان جەردە بەرەكەت بولمايدى! ۇرپاق سوندا وسپەي جاتىپ ءوشۋ كەرەك پە؟ ونبەي جاتىپ ءولۋ كەرەك پە؟ بىزدە قانداي بولاشاق بار؟ ەل-حالىقتىڭ شامادان كوپ پايىزى اۋرۋ. جان ساقتاۋ بولىمىندە ورىن جوق. كوماعا تۇسكەندەرگە 1-2 اپپارات اۋىسپاي بەزەك قاعۋدا. ءولىمشى بولىپ جاتقان ادامدار كۇنى-ءتۇنى ءىى ءبولىمى الدىنان سالىنىپ جاتقان "كامەرا" قۇرىلىس عيماراتىنىڭ سمولا تۇتىنىمەن تىنىستاۋدا! ال ءبىزدىڭ اۋداننىڭ ەكولوگى قارا ۋىلدىرىقتاندا قىمباتتاپ كەتكەنىنە قاي زامان!

تۇرار شاپقارا

Abai.kz