جۇما, 19 شىلدە 2024
بيلىك 5578 0 پىكىر 5 قىركۇيەك, 2017 ساعات 10:53

 «رۋحاني جاڭعىرۋ» كەرۋەنى جولعا شىقتى

الماتى وبلىسىندا تۇڭعىش رەت ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسى اياسىندا «رۋحاني كەرۋەن» جوباسى باستاۋ الدى. الماتى وبلىستىق ءدىن ىستەرى باسقارماسى ۇيىمداستىرعان يگى شاراعا وبلىس اكىمىنىڭ ورىنباسارى جاقسىلىق ومار ارنايى كەلىپ، اق جول تىلەدى.

«رۋحاني كەرۋەن» جوباسى بارىسىندا وبلىسىمىزدىڭ زيالى قاۋىم وكىلدەرى جەرگىلىكتى ەلدى مەكەندەردى ارالاپ، ءوڭىردىڭ تىنىس-تىرشىلىگىمەن تانىسادى. كەرۋەننىڭ قۇرامىندا ءار ءتۇرلى سالانىڭ بىلىكتى دە ءبىلىمدى 50 مامانى بار. اتالمىش جوبا 3 ايعا سوزىلادى دەپ جوسپارلانۋدا.

كەرۋەن مۇشەلەرى وڭىردەگى قالا، اۋدانداردى ارالاپ، ءتۇسىندىرۋ جۇمىستارىن جۇرگىزەدى. تالدىقورعان قالاسىنىڭ «جاستار» ساياباعىندا ورىن العان «رۋحاني كەرۋەن» جوباسىنىڭ سالتاناتتى اشىلۋىندا الماتى وبلىسى اكىمىنىڭ ورىنباسارى جاقسىلىق مۇقاشۇلى شارانىڭ ماقساتى مەن مىندەتىن ايتا كەلە، كەرۋەنگە مۇشەلەرىنە اق جول تىلەدى.

– الەمدەگى ءدىني احۋالدىڭ قيىندىعىنا وزدەرىڭىز كۋا بولىپ جۇرسىزدەر. ونىڭ سالقىنى بىزگە دە تيۋدە. سوعان قارسى ەكسترەميزمدى بولدىرماۋ جانە اسىل ءدىنىمىز بەن ەجەلدەن قالىپتاسقان ۇلتتىق سالت-ءداستۇرىمىزدى جاڭعىرتۋ ماقساتىندا وسىنداي جوبانى قولعا الدىق. يگىلىكتى شارا كوپشىلىگىمىز ءۇشىن وتە ماڭىزدى. «رۋحاني كەرۋەن» مۇشەلەرىنە اق جول جانە ناتيجەلى جۇمىس تىلەيمىن. بۇل كەرۋەن ارقىلى ءبىز اسىرەسە، جاس ۇرپاققا ءدىن مەن سالت-ءداستۇردىڭ ەگىز ۇعىمىن ەكەنىن ءتۇسىندىرۋىمىز كەرەك. ۇلتتىق سانا مەن ۇلتتىق سالت-ءداستۇردى، ۇلتتىق سانانى جەكە دارا ءبولىپ قاراۋ مۇمكىن ەمەس. مۇنىڭ بارلىعى ءبىر تامىردىڭ وزەگىندەي دۇنيە ەكەنىن كوپشىلىككە ءتۇسىندىرۋىمىز كەرەك. وسى ماسەلەگە وڭ ناتيجە بەرۋ ماقساتىندا وبلىس اكىمىنىڭ قولداۋىمەن، وبلىستىق بيۋدجەتتەن ارنايى قارجى ءبولىنىپ، وبلىستىق ءدىن باسقارماسى، كەيىنگە تامان ءدىندى زەرتتەۋ ورتالىعى قۇرىلدى. وسى سالا ماماندارىنىڭ ۇيىمداستىرۋىمەن قولعا الىنعان جۇمىس ناتيجەسى بەرەكەلى ءارى جەمىستى بولادى دەپ ويلايمىن، – دەپ يگى شارا جايلى اڭگىمەلەدى.

الماتى وبلىسىندا ورىن العان كەز-كەلگەن شارانىڭ باسى-قاسىندا ءجۇرىپ، اقىل-كەڭەسى مەن ومىرلىك تاجىريبەسىمەن ءبولىسىپ جۇرەتىن وبلىستىق ارداگەرلەر كەڭەسىنىڭ توراعاسى ەرمەك كەلەمسەيىت ۇلتتىق سالت-ءداستۇرىمىز بەن مادەنيەتىمىزدى جانداندىرىپ، جاستاردىڭ جۇرەگىندەگى وتانعا، تۋعان ەلگە، جەرگە دەگەن پاتريوتتىق سەزىمدەرىن وياتۋ قازىرگى كۇننىڭ باستى تاقىرىبى ەكەنىن تىلگە تيەك ەتتى. الماتى وبلىسىنىڭ قۇرمەتتى ازاماتى، كينواكتەر الىمعازى رايىمبەكوۆ كەرۋەن مۇشەلەرىنە اق باتاسىن ارنادى.

«رۋحاني كەرۋەن» جوباسى اياسىندا قۇرىلعان جۇمىس توبى ەلدى مەكەندەردى ارالاۋ بارىسىندا «رۋحاني جاڭعىرۋ: ەل ەرتەڭىنىڭ باستاۋى» تاقىرىبىندا زيالى قاۋىم وكىلدەرىمەن كەلەلى كەزدەسۋ، «دەنساۋلىق – بولاشاق كەپىلى!» تاقىرىبىندا ءدىني سەبەپتەرمەن ەكپە، قان قۇيۋدان باس تارتقان ازاماتتارمەن كەزدەسىپ، تۇسىندىرمە جۇمىستارى جۇرگىزىلەدى. «رۋحاني جاڭعىرۋ: تۋعان جەر – التىن بەسىك» اتتى سۋرەت جانە كىتاپ كورمەسى مەن «اقپاراتتىق ءتۇسىندىرۋ جۇمىسى – ءدىني ساۋاتتىلىقتى ارتتىرىپ، رۋحاني بايلىعىمىزدى دارىپتەيدى» تاقىرىبىندا بىلىكتى ءدىن تانۋشى عالىمدارمەن دوڭگەلەك ۇستەل ۇيىمداستىرىلادى. دەسكرۋكتيۆتى ءدىني اعىم ىقپالىنا تۇسكەن ازاماتتارعا وڭ جولدى نۇسقاۋ ماقساتىندا «رۋحاني مۇرا» اتتى كونتسەرتتىك باعدارلاما، شىعارماشىلىق توپتىڭ «دەرتكە داۋا – حاق جولى» اتتى قويىلىمدارى قويىلماق.

ءاربىر قازاقستان ازاماتىنىڭ رۋحاني ساناسىن جاڭعىرتۋ، تۋعان جەرىنە دەگەن سۇيىسپەنشىلىك جانە پاتريوتتىق سەزىمدەرىن ارتتىرۋ ماقساتىندا جولعا شىققان «رۋحاني كەرۋەن» تومەندەگى باعىتتار بويىنشا ءوز جۇمىستارىن جۇزەگە اسىرادى.

1. 4 – 7 قىركۇيەك: جامبىل،قاراساي،تالعار

2. 20 – 22 قىركۇيەك : اقسۋ،سارقان،الاكول

III. 4 – 6 قازان: پانفيلوۆ،ۇيعىر،رايىمبەك

IIII. 18 – 20 قازان: ەنبەكشىقازاق،ىلە،قاپشاعاي

3. 1 – 3 قاراشا: كوكسۋ،كەربۇلاق،بالقاش

4. 8 – 10 قاراشا: ەسكەلدى،تەكەلى،قاراتال

VII. 17 قاراشا: تالدىقورعان قالاسى.

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1297
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2030
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2076