2006 جىلدىڭ 14 ءنشى شىلدەسى. قازاق بيلىگى قالاعا قونىستانعان قازاققا تۇڭعىش رەت قول كوتەرگەن كۇن! الماتىنىڭ ىرگەسىندەگى «شاڭىراق» ىقشام اۋدانىنداعى بوس جەرگە ءوز ەرىكتەرىمەن قونىس تەپكەن قازاقتىڭ ماسەلەسىن شەشە الماعان قالالىق بيلىك جۇدىرىققا جۇگىنىپ، ءوز جەرىندە، بەيبىت جاتقان قازاقتى جاۋ شاپقانداي قىلىپ، جىلى ۇياسىن تالقانداپ، سول ءبىر باس جارىلىپ، قول سىنعان وقيعاعا ارون اتابەك باستاعان ءبىر توپ ازاماتتى كىنالى دەپ تاۋىپ، الدىن 18 جىلعا سوڭىن 14 جىلعا سوتتاپ جىبەرگەن بولاتىن. سودان بەرى دە ءتورت جىل ءوتتى. اراگىدىك تاۋەلسىز باق ى عانا تار ەسىك، تار بوساعا قاپاستا جاتقان، شاڭىراعىن قورعاعانى ءۇشىن ءىستى بولىپ سوتتالىپ كەتە بارعان ازاماتتاردىڭ اباقتىداعى حالىنەن قالىڭ جۇرتتى حاباردار ەتىپ كەلەدى. كوبى ول كەزدى ۇمىتتى.

استانادا كۇنى ەرتەڭ وتكەلى جاتقان ەقىۇ نىڭ سامميتىنە وراي، «شاڭىراق» ءىسى بويىنشا سوتتالعان: ارون اتابەك، قۇرمانعازى وتەگەنوۆ، ەرعانات تارانشيەۆ جانە رۇستەم تۇياقوۆتاردىڭ تۋىستارى سامميتكە دۇنيەنىڭ تۇكپىر-تۇكپىرىنەن كەلىپ جاتقان مارتەبەلى مىرزالار مەن ءتۇرلى حالىقارالىق ۇيىمداردىڭ جانە ەل پرەزيدەنتىنىڭ اتىنا ۇندەۋ جولدادى.

قاراشانىڭ 29 ى كۇنى ءباسپاسوز ءماسليحاتىنا كەلگەن انالار ەڭىرەگەندە ەتەكتەرى جاسقا تولىپ، ۇياسىن قورعايمىن دەپ ءىستى بولعان بالالارىنىڭ ەش جازىعى جوق ەكەنىن سوندىقتان دا ولاردىڭ ءىسىن قايتا قاراۋدى سۇراپ وتىر.

2006 جىلدىڭ 14 ءنشى شىلدەسى. قازاق بيلىگى قالاعا قونىستانعان قازاققا تۇڭعىش رەت قول كوتەرگەن كۇن! الماتىنىڭ ىرگەسىندەگى «شاڭىراق» ىقشام اۋدانىنداعى بوس جەرگە ءوز ەرىكتەرىمەن قونىس تەپكەن قازاقتىڭ ماسەلەسىن شەشە الماعان قالالىق بيلىك جۇدىرىققا جۇگىنىپ، ءوز جەرىندە، بەيبىت جاتقان قازاقتى جاۋ شاپقانداي قىلىپ، جىلى ۇياسىن تالقانداپ، سول ءبىر باس جارىلىپ، قول سىنعان وقيعاعا ارون اتابەك باستاعان ءبىر توپ ازاماتتى كىنالى دەپ تاۋىپ، الدىن 18 جىلعا سوڭىن 14 جىلعا سوتتاپ جىبەرگەن بولاتىن. سودان بەرى دە ءتورت جىل ءوتتى. اراگىدىك تاۋەلسىز باق ى عانا تار ەسىك، تار بوساعا قاپاستا جاتقان، شاڭىراعىن قورعاعانى ءۇشىن ءىستى بولىپ سوتتالىپ كەتە بارعان ازاماتتاردىڭ اباقتىداعى حالىنەن قالىڭ جۇرتتى حاباردار ەتىپ كەلەدى. كوبى ول كەزدى ۇمىتتى.

استانادا كۇنى ەرتەڭ وتكەلى جاتقان ەقىۇ نىڭ سامميتىنە وراي، «شاڭىراق» ءىسى بويىنشا سوتتالعان: ارون اتابەك، قۇرمانعازى وتەگەنوۆ، ەرعانات تارانشيەۆ جانە رۇستەم تۇياقوۆتاردىڭ تۋىستارى سامميتكە دۇنيەنىڭ تۇكپىر-تۇكپىرىنەن كەلىپ جاتقان مارتەبەلى مىرزالار مەن ءتۇرلى حالىقارالىق ۇيىمداردىڭ جانە ەل پرەزيدەنتىنىڭ اتىنا ۇندەۋ جولدادى.

قاراشانىڭ 29 ى كۇنى ءباسپاسوز ءماسليحاتىنا كەلگەن انالار ەڭىرەگەندە ەتەكتەرى جاسقا تولىپ، ۇياسىن قورعايمىن دەپ ءىستى بولعان بالالارىنىڭ ەش جازىعى جوق ەكەنىن سوندىقتان دا ولاردىڭ ءىسىن قايتا قاراۋدى سۇراپ وتىر.

سول جەردە ءسوز العان رۇستەم تۇياقوۆتىڭ اناسى «شاڭىراق» ءىسى بويىنشا سوتتالعان ۇلى رۇستەم ءوزىنىڭ اقتىعىن ايعاقتاۋ ءۇشىن پوليتسياعا بارعان بالاسىن ءبىزدىڭ قۇقىمىز بەن قاۋىپسىزدىگىمىزدى كىرپىك قاقپاي كۇزەتەتىن پوليتسيا ۇرىپ-سوعىپ، ازاپتاپ، يتشە تەپكىلەپ وتىرىپ، 17 قاعازعا قول قويدىرتقان دەپ وتىر.

- شاڭىراقتا ءتورت مىڭداي وتباسى تۇرادى. سولاردىڭ كوبى جەرلەرىن زاڭداستىرىپ الدى. كۇلىپ، ويناپ ۇيلەرىندە وتىر. ال، مەن بولسام، كوزىمنەن قان اعىپ، بالام تۇرمەدە وتىر. وسى تقرت بالانى بوساتسا، ىستەرىن قايتا قاراسا دەيمىن، - دەيدى رايحان تۇياقوۆا.

وزگە انالاردا بالالارىنىڭ اقتىعىن ايتىستى. كوز جاستارىنا ەرىك بەردى.

الايدا، اۆتوماشيناسىمەن ادام قاققان ءجوۆتيستى جارتى الەمگە جار سالا جەتكىزگەن ەۋروپانىڭ «شاڭىراقپەن» ءىسى بولا قويماس. ادىلدىك اتاۋلىنىڭ ءبارى باستىستان كەلەدى دەيتىن جاڭساق تۇسىنىكتىڭ دە ءتۇبى كورىنگەلى قاشان. ءبىزدىڭ قازاق بيلىگىنىڭ دە «شاڭىراقتىڭ» شىندىعىن بىلۋگە قۇمارتىپ وتىرعانى شامالى. وزىمەن ءوزى اۋرە. بىراق قاپاستا جاتقان ازاماتتارمەن قازاقتىڭ جانى بىرگە. اللا بىلەتىن اقيقاتتىڭ سالتانات قۇرعانىن بارىمىزدە قالايمىز. امال قايسى، زاماننىڭ سۇرقى مىناۋ. ازاماتىنىڭ اقتىعىنا جۇرت كۋا. اعارىپ، اعايىننىڭ ورتاسىنا ماڭدايى جارقىراپ ورالار كۇندە الىس ەمەس شىعار. ءلايىم، سولاي بولعاي!

ايتپاقشى، «ازاتتىق» راديوسىنىڭ حابارلاۋىنشا، «شاڭىراق» ءىسى بويىنشا، 18 جىلعا سوتتالعان ارون اتابەك سينگاپۋرلىق Freedom to Create حالىقارالىق سىيلىعىنا لايىق دەپ تابىلىپتى. بۇعاندا شۇكىر.

«اباي-اقپارات»