1999 جىلى ەلتاي اۋىلىنداعى تويعا باردىق. ول كەزدە التىدامىن. ەمىس-ەمىس تويدىڭ فراگمەنتتەرى ەسىمدە قالىپتى. توقىراۋ جىلدارى تويدىڭ توقسان پايىزى كوك پالاتكادا وتەتىن ەدى عوي. شاقىرۋ بيلەتى ءبىر ديزاينمەن شىعادى.

اق-قارا ءتۇستىڭ ۇيلەسىمدىگىمەن، تومەنگى جاعىندا اققۋ جۇزگەن ءبىر ءتيپتى شاقىرۋ بيلەتتەرى. بيلەتتە قازىرگىدەي رەستوراننىڭ مەكەن-جايى ەمەس، كوشە جانە ءۇيدىڭ ءنومىرى جازىلادى. ەلتاي اۋىلى، اباي كوشەسى، 43 ءۇي دەگەندەي.

ونداعى جاس جۇبايلاردىڭ سۋرەتىن ءسىز سۇراماڭىز، مەن ايتپايىن. كوبىسى مەيكاپقا سۇرانىپ تۇرعان تۇرلەر. ونداي شاقىرۋ بيلەتى مەنىڭ اتا-انامدا دا، ءسىزدىڭ دە اتا-اناڭىزدا بارىنا كەپىلمىن. تويدا ورىن جەتپەۋ دەگەن جوق. كوڭىل سىيعاندىقتان، ءبارى سياتىن. جەكە ورىندىقتار ەمەس، ۇزىن ورىندىقتار. توردە جاس جۇبايدىڭ اتى ماقتامەن جازىلعان كىلەم جارىقتىققا جارىقتى ەرەكشە ءتۇسىرىپ قويادى. الدىندا جاس جۇبايلار، سوسىن اركىم ءوز ستاتۋسىمەن جايعاساتىن.

ويىن بالاسى ءبىز ايتەۋىر كىرىپ-شىعىپ ءتاتتى، الما، كامپيت الىپ، ويناپ جۇرەتىنبىز. تىم قاراپايىم توي. بالكىم بىرەۋگە كۇلكىلى شىعار. ەسەسىنە - نەسيەسىز. ول ۋاقىتتا كيت دەگەنگە نە سالاتىنىن بىلمەيمىن، بىراق بۇگىن كيتكە سالاتىن زاتتىڭ ءوزى سول تويدى ون ورايتىن شىعار.

پىسى: بىرەۋ تويعا 3,5 ملن نەسيە الدىم دەگەندە ەسكە تۇسكەن ەستەلىك قوي. سونى ويلاسام توقساننىڭ "پونتسىز ءپاتيى" دۇرىس ەكەن دەپ قالامىن. 

اسحات قاسەنعالي

Facebook-تەگى پاراقشاسىنان