جۇما, 29 ناۋرىز 2024
وسى عوي ەندى... 6846 8 پىكىر 3 قازان, 2017 ساعات 20:26

قاسىموۆتىڭ قاي بۇيرىعىنا باعىنامىز؟ 

 

قازاقستان رەسپۋبليكاسى ىشكى ىستەر مينيسترلىگىنىڭ 2015 جىلعى 4 جەلتوقسانداعى №992 بۇيرىعىنىڭ 10 تارماعىنا  (نەگىزى، 6)-تارماقشاسىنا) «(قىتاي حالىق رەسپۋبليكاسى ازاماتتارىنىڭ ەتنيكالىق قازاقتارىن قوسپاعاندا، ەگەر وزگە حالىقارالىق شارتتاردا كوزدەلمەسە);» - دەگەن  تولىقتىرۋ ەنگىزىلىپ، ەسكەرتپە قوسىلعانىن، ءسويتىپ تۇراقتى تىركەۋگە تۇرۋدا قحر-دان كەلگەن قانداستارىمىزدان «سوتتىلىق تۋرالى» انىقتاما تالاپ ەتىلمەيتىنىن ەستىپ، قۋانعانىمىز كەشە عانا بولاتىن (http://abai.kz/post/59237 ).

بۇگىن تەمىربەك اتتى ازامات ارقا توسىنەن تەلەفون سوعىپ، اقمولا وبلىسىنىڭ اۋداندىق كوشى-قون پوليتسياسى بولىمدەرى "شەتەلدiكتەر مەن ازاماتتىعى جوق ادامداردى تiركەۋ جانە ولارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ", "ازاماتتىعى جوق ادامدارعا كۋالiكتەر جانە قازاقستان رەسپۋبليكاسىندا تۇراقتى تۇراتىن شەتەلدiكتەردىڭ تۇرۋىنا ىقتيارحات بەرۋ", "قازاقستان رەسپۋبليكاسىنىڭ ازاماتتىعىن الۋدى جانە ودان شىعۋدى تiركەۋ" جانە "قازاقستان رەسپۋبليكاسىندا بوسقىن مارتەبەسىن بەرۋ جانە ۇزارتۋ" مەملەكەتتىك كورسەتىلەتىن قىزمەتتەر ستاندارتتارىن بەكىتۋ تۋرالى» دەگەن قازاقستان رەسپۋبليكاسى ىشكى ءمينيسترىنىڭ 2015 جىلعى 7 ساۋىردەگى №315 بۇيرىعىن (http://adilet.zan.kz/kaz/docs/V1500011203 ) كەسە كولدەنەڭ تارتىپ، تۇراقتى تىركەۋگە تۇرۋعا ءوتىنىش بىلدىرگەن قحر-دان ورالعان قانداستارىمىزدان ءالى دە «سوتتىلىق تۋرالى» انىقتاما تالاپ ەتىپ وتىرعانىن جەتكىزدى.

اتالعان بۇيرىقتى اقتارىپ كورسەك، ايتتى-ايتپادى، №315 بۇيرىقتىڭ  «مەملەكەتتىك كورسەتىلەتىن قىزمەتتى الۋ ءۇشىن كورسەتىلەتىن قىزمەتتى الۋشى بولۋ ورنى بويىنشا ىشكى ىستەر ورگاندارىنا مىناداي قۇجاتتار ۇسىنادى:» دەگەن 9-تارماعىندا «ازاماتتىعى تيەسىلىلىگى جانە (نەمەسە) تۇراقتى تۇراتىن مەملەكەتتە سوتتىلىعى (سوتتىلىعىنىڭ بولماۋى) تۋرالى ءتيىستى مەملەكەتتىڭ قۇزىرەتتى ورگانى بەرگەن قۇجات;» دەگەن 7)-تارماقشانىڭ ەش وزگەرىسسىز، ەسكەرتپەسىز، سىرەسىپ تۇرعانى راس ەكەن.

كوشى-قون قىزمەتى پوليتسيالارى سونى سىلتاۋراتىپ، قانداستارىمىزدىڭ تۇراقتى تىركەۋگە تۇرۋعا ۇسىنعان قۇجاتتارىن قابىلداماي، تىستەي قاتىپ وتىرعان كورىنەدى...

ال، ءبىز بولساق، «قر ىشكى ىستەر ءمينيستىرى ق.قاسىموۆتىڭ قاي بۇيرىعىنا باعىنامىز؟!» دەپ، باسىمىز قاتۋدا..!

ءشارىپحان قايسار

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621