جۇما, 29 ناۋرىز 2024
كەشە مەن بۇگىن 4402 2 پىكىر 11 قازان, 2017 ساعات 11:26

جانارماي تاپشىلىعى ماسەلەسى اپتا سوڭىنا دەيىن شەشىلۋى ءتيىس – ل.تۇرلاشەۆ

«وتكەن اپتانىڭ بەيسەنبىسىنەن باستاپ، الماتى وبلىسى اۋماعىندا جانارماي تاپشىلىعى بولىپ جاتىر. ونىڭ باستى سەبەبى، ەلىمىزدەگى ەڭ ءىرى - پاۆلودار مۇناي وڭدەۋ زاۋىتى جوندەۋ جۇمىستارىنا بايلانىستى توقتاپ قالدى. سونىڭ سالدارىنان، وندىرىلەتىن بەنزين ازايدى. وسىنداي جاعدايدا سۇرانىس تا ءوسىپ كەتەدى. «بەنزين جوق» دەگەندى ەستىگەن حالىق جاپا-تارماعاي بەنزين الۋعا ۇمتىلىپ، سۇرانىس ادەتتەگىدەن 2-3 ەسەگە ارتادى. دەگەنمەن، جاعداي تولىق باقىلاۋدا. ەنەرگەتيكا مينيسترلىگىنەن دە، جەرگىلىكتى اكىمدىكتەن دە سالاعا جاۋاپتى ماماندار بەكىتىلگەن. قازىر سۇرانىستى قاناعاتتاندىرۋ ءۇشىن بارلىق جاعداي جاسالىپ جاتىر».

بۇگىن جۋرناليستەرگە ارنايى ءباسپاسوز-ءماسليحاتىن وتكىزگەن الماتى وبلىسى اكىمىنىڭ ءبىرىنشى ورىنباسارى ءلاززات تۇرلاشەۆ وسىلاي دەدى.

ماسليحاتقا الماتى وبلىسىنىڭ كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ باسشىسى اليمجان توحتاسۋنوۆ، ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى اسەت قاناعاتوۆ جانە تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى وبلىسى بويىنشا دەپارتامەنتىنىڭ باسشىسى تۇرسىنباي گالينوۆ قاتىستى.

«وبلىس اۋماعىندا 335 جانارماي بەكەتى بار. ونىڭ 134-ىندە بەنزينمەن قوسا گاز قۇيىلادى. قازىر بەكەتتەردە 22 مىڭ توننادان استام جانارماي قورى بار. وبلىس اۋماعىندا اي-92 ماركالى بەنزين باعاسى 147-159 تەڭگە اينالاسىندا تۇر. «گازپرومنەفت» بەكەتتەرىندە بەنزين قۇيۋدا ەش ماسەلە جوق» دەيدى اليمجان توحتاسۋنوۆ.

«بۇگىندە ۇكىمەت بوپ، جەرگىلىكتى اكىمدىكتەر بوپ ماسەلەنى قاتاڭ باقىلاۋدا ۇستاپ وتىرمىز. قازىر سۇرانىس يمپورتپەن جابىلىپ جاتىر. سول سەبەپتى، جانارماي باعاسى قىمباتتادى. مەملەكەت باعانىڭ شارىقتاپ كەتپەۋىن قاداعالاپ وتىر. وسى اپتانىڭ سوڭىنا دەيىن ماسەلە تولىق شەشىمىن تابادى دەپ ويلايمىن» دەدى وبلىس اكىمىنىڭ ءبىرىشى ورىنباسارى.

«جانارماي باعاسىنىڭ قىمباتتاۋى – ازىق-تۇلىك باعاسىنىڭ قىمباتتاۋىنا اكەلۋى مۇمكىن بە؟ الدە جاعداي باقىلاۋدا ما؟» دەگەن «قازاقستان» ۇلتتىق ارناسىنىڭ مەنشكتى ءتىلشىسى قۋانىش قاناتۇلىنىڭ سۇراعىنا تۇرسىنباي گالينوۆ جاۋاپ بەردى.

«ارينە، بەنزيننىڭ قىمباتتاۋى بارلىق تاۋاردىڭ قىمباتتاۋىنا اكەلۋى مۇمكىن. بىراق، ءبىز جانارماي باعاسىنىڭ نەگىزسىز وسىمىنە جول بەرمەيمىز. ونداي بولعان جاعدايدا، ادەيىلەپ باعانى كوتەرگەن مەكەمەلەردى جاۋاپقا تارتامىز» دەگەن ت.گالينوۆ ءدال قازىرگى ۋاقىتتا كوميتەت قۇزىرىندا اي-80 ماركالى بەنزيننىڭ باعاسىن باقىلاۋ عانا بار ەكەنىن جەتكىزدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2273
عيبىرات

قايسار رۋحتى عازيز جان

مۇحتار قۇل-مۇحاممەد 3590