رەسەي قىرعىزستاننىڭ بارلىق قارىزىن كەشىرە مە؟
المازبەك اتامباەۆتىڭ بيىل ماۋسىم ايىندا رەسەيگە بارعان ساپارى كەزىندە قىرعىزستاننىڭ رەسەي الدىنداعى بارلىق قارىزىن مەرزىمىنەن بۇرىن ءوشىرۋ جونىندەگى كەلىسىمگە قول قويىلدى. بۇل جونىندە پارلامەنتتىڭ قاراۋىنا جىبەرىلگەن كەلىسىمدى راتيفيكاتسيالاۋ جونىندەگى زاڭ جوباسىندا ايتىلعان.
زاڭ جوباسىن ۇسىنۋشى قارجى مينيسترلىگى رەسەي 2012 جىلى قىرعىزستاننىڭ 488,9 ملن دوللار قارىزىن وشىرۋگە كەلىسىم بەرگەنىن ايتادى. 2013 جىلى رەسەي 188,9 ملن دوللاردى الىپ تاستاعان. قالعان 300 ملن دوللاردى الداعى 10 جىل ىشىندە ءوشىرۋ كەرەك بولعان.
2017 جىلدىڭ 20 ماۋسىمىندا قىرعىز پرەزيدەنتى المازبەك اتامباەۆتىڭ رەسەيگە بارعان ساپارى كەزىندە 2012 جىلدان بەرگى قارىزدى مەرزىمىنەن بۇرىن ءوشىرۋ جونىندە كەلىسىمگە كەلگەن.
قىرعىزستاننىڭ قارجى مينيسترلىگىنىڭ حابارلاۋىنشا، 240 ملن دوللار كولەمىندەگى قارىزدى رەسەي كەشىرسە، ەلدىڭ ءىجو 3,8 پايىزعا وسەدى.
Abai.kz
