مىنە، ءدال وسىنداي وسىنداي اتاۋمەن «قوعامدىق كەلىسىم» كمم-دە مەدياتسيا سياقتى ماڭىزدى جانە قاجەتتى باعىتتى دامىتۋ ماسەلەلەرىنە ارنالعان دوڭگەلەك ۇستەل وتكىزىلدى.

ءىس-شاراعا اقمولا وبلىسىنىڭ پروكۋرورى، ءىىد وكىلدەرى، قورعاۋشىلار، نوتاريۋستار، «قوعامدىق كەلىسىم» كمم وكىلدەرى، جەرگىلىكتى سوت سۋديالارى، كاسىبي جانە كاسىبي ەمەس مەدياتورلار قاتىستى.

اقمولا وبلىستىق سوتىنىڭ توراعاسى دوسجان اميروۆ، «دوڭگەلەك ۇستەلدىڭ» جۇمىسىن اشا وتىرا، 2011 جىلعى 28 قاڭتاردا قر «مەدياتسيا تۋرالى» زاڭىنىڭ قابىلدانىپ، وندا مەدياتسيا – ول تاراپتاردىڭ ەرىكتى كەلىسىمى بويىنشا ىسكە اسىرىلاتىن مەدياتوردىڭ (مەدياتورلاردىڭ) قاتىسۋىمەن داۋلى ماسەلەنى (جانجالدى) رەتتەۋ ءۇردىسى ەكەنىن اتاپ ءوتتى.

د.اميروۆ قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ قازاقستان رەسپۋبليكاسى سۋديالارىنىڭ VI سەزىندە سويلەگەن ءسوزىن ەسكە سالىپ ءوتتى: «قازاقستاندا سوتتان تىس دەلدالدىڭ كومەگىمەن تاراپتاردى تاتۋلاستىرۋ ءۇردىسى - مەدياتسيا ينستيتۋتى بەكىتىلگەن. ول ەكى جاق ءۇشىن ءتيىمدى شەشىمدەر قابىلداپ، سوتتاردى ىستەردى قاراستىرۋدان بوساتۋدى جالعاستىرۋ ءۇشىن العىشارت بولادى. اتالمىش ينستيتۋتتى دامىتىپ، الەمدىك دارەجەگە جەتكىزۋ قاجەت».

اعىمدىق جىلدىڭ 7 ايى ىشىندە وبلىستىڭ سوتتارى 27 454 قىلمىستىق، ازاماتتىق جانە اكىمشىلىكتىك ىستەردى شەشتى، ولاردىڭ ىشىندە مەدياتسيانى قولدانۋمەن 851 ءىس قاراستىرىلعان، ول 3,1 پايىزدى، رەسپۋبليكالىق كورسەتكىش 4,0 پايىزدى قۇرايدى، وسىعان بايلانىستى وڭىردە اتالمىش باعىتتاعى جۇمىستى بەلسەندىلەندىرۋ قاجەت دەپ د.اميروۆ اتاپ ءوتتى.

تاتۋلاستىرۋ ۇردىستەرىن دامىتۋ ماقساتىندا اقمولا وبلىستىق سوتى «قوعامدىق كەلىسىم» كمم بىرگە دوستىق ءۇيىنىڭ سايتىندا «مەدياتورعا ءوتىنىم ءبىلدىرۋ» قىزمەتىن ۇيىمداستىردى. بۇل قىزمەتتىڭ جۇمىسى تۋرالى اقمولا وبلىسى بويىنشا سوتتاردىڭ اكىمشىلىگىنىڭ اقپاراتتىق تەحنولوگيالار مەن اقپاراتتىق رەسۋرستاردى قورعاۋ ءبولىمىنىڭ باسشىسى ا.ماكيشەۆ تولىعىراق ايتىپ بەردى.

ءىس-شارانىڭ بارىسىندا قىزمەتتەن كەتكەن سۋديا ع. سىزدىقوۆا «وڭىردەگى مەدياتسيانى دامىتۋدىڭ بولەك ماسەلەلەرى» تاقىرىبىندا، «اقمولا وبلىسى بويىنشا مەدياتسيانى دامىتۋ ورتالىعى» رقب وكىلەتتىلىگىنىڭ ديرەكتورى ا. ءامىرجانوۆ «مەدياتسيانىڭ ماسەلەلىك سۇراقتارى» تاقىرىبىندا، اقمولا وبلىسى بويىنشا مەدياتسيا ورتالىعىنىڭ باسشىسى ا. قازىبەكوۆ «مەدياتورلاردى دايىنداۋ ماسەلەلەرى» تاقىرىبىندا، قورعاۋشىلار كوللەگياسىنىڭ قورعاۋشىسى س. دۇكەنوۆا «تاتۋلاستىرۋ ۇردىستەرىن دامىتۋداعى قورعاۋشىلىق سالانىڭ ءرولى» تاقىرىبىندا، نوتاريالدىق پالاتا وكىلى ن. كۋبيتاەۆا «نوتاريالدىق قىزمەتتەگى مەدياتسيا» تاقىرىبىندا، اقمولا وبلىسى ءىىب ايماقتىق باقىلاۋ تەرگەۋشىسى گ.كابيبۋللينا مەدياتسيا ماسەلەلەرى بويىنشا بايانداما وقىدى.

«دوڭگەلەك ۇستەل» اياقتالعان كەزدە قاتىسۋشىلار كاسىبي ەمەس مەدياتورلار سانىن ارتتىرۋ ماسەلەلەرىن تالقىلاپ، سايكەستەندىرىلگەن ۇسىنىستار ەنگىزدى.

ەرعالي بەرىكۇلى

Abai.kz