بەيسەنبى, 28 ناۋرىز 2024
كورشىنىڭ كولەڭكەسى 7701 6 پىكىر 30 قازان, 2017 ساعات 10:20

رەسەيدىڭ قىرعىزدارعا جاساعان قوقان-لوققىسى

رەسەي شالا ءبۇلىنىپ جاتىر. بۇل جولعى قاھارى قىرعىز باۋىرلارىمىزعا ءتۇسىپتى. ماسەلەنىڭ ءمانىسى شوۆينيزممەن ۋلانعان ساياساتقا ءتۇسىپ تۇر. جاقىندا قىرعىز رەسپۋبليكاسىنىڭ پرەزيدەنتى المازبەك اتامباەۆ قازان رەۆوليۋتسياسى كۇنى مەرەكەسىن وزگەرتىپ، ونى تاريح پەن اتا-بابالارعا ەسكەرتكىش كۇنى دەپ اتاۋدى ۇيعارىپتى. پرەزيدەنت جارعىسىندا بۇل شەشىم 1916 جىلعى ۇلت-ازاتتىق كوتەرىلىسكە جانە قايعىلى وقيعاعا، 1917 جىلعى اقپان جانە قازان رەۆوليۋتسيالارىنا، دامۋدىڭ كەڭەستىك تاعىلىمى مەن مۇراسىنا، حح عاسىرداعى ساياسي قۋعىن-سۇرگىننىڭ سالدارىنا وبەكتيۆتى تاريحي باعا بەرۋ ماقساتىنا ارنالعاندىعى انىق ايتىلعان. مىنەكەي، ۇلى رەسەيگە جاقپاي قالعانى وسى جايت.

ەندى نە ىستەيدى؟ ارينە، وزىنشە ءوش الادى، كەك قايتارادى، وزگەلەرگە ساباق بولاتىنداي قادامدار جاسايدى. سونداعى ىستەگەندەرى قاتتىراق ايتقاندا قاتىننىڭ ءىسى. ەندى بۇرىن قىرعىز جۇرگىزۋشىلەرى رەسەيگە قىرعىزشا تاپسىرىلعان جۇرگىزۋ قۇقىعىمەن كىرە بەرەتىن بولسا، وعان ەندى مۇلدەم تيىم سالىنادى. رەسەيگە ەندى تەك وسى ەلگە كەلىپ ورىس تىلىندە ەمتيحان تاپسىرىپ العان قۇقىعى عانا جارامدى.  ولاي ىستەگىڭ كەلمەسە، ەلىڭە قاراي قايقاي. ال مۇنى اناۋ-مىناۋ ەمەس، مەملەكەت دۋمانىڭ ۆيتسە-سپيكەرى رەسەيدىڭ ليبەرالدىق-دەموكراتيالىق پارتياسى (لدپر) اتىنان يگور لەبەدەۆ ءوز اۋزىمەن ايتىپتى.

ءبىر قىزىعى وسى جىلدىڭ شىلدە ايىندا رەسەي پرەزيدەنتى ۆلاديمير پۋتين قىرعىز جۇرگىزۋشىلەرىنە قىرعىز تىلىندەگى جۇرگىزۋ قۇقىقتارىمەن ەمىن-ەركىن جۇرە بەرۋگە رۇقسات ەتەتىن ارناۋلى زاڭ قابىلداعان ەدى. سوندا قالاي، كورشىمىزدە پرەزيدەنتتىڭ پارمەنى كۇشتى مە، الدە لدپر-ءدىڭ ءبىر مۇشەسىنڭ پارمەنى مىقتى ما؟

ءبىر قىزىعى، قىرعىز باسشىسىنىڭ وتكەن ءبىر تاريحي وقيعاعا باعا بەرۋگە تالپىنۋىن لەبەدەۆ قىزا-قىزا كەلە بۇل «رەسەيگە قارسى كۇرەس كۇنى»، «ءبىزدىڭ ەلگە باعىتتالعان دوستىق ەمەس دۇنيە» دەپ ءبىراز جەرگە اپارىپ تاستاپتى.

بۇگىن كورشىمىزدەن پالە ىزدەپ تيىسسە، كۇنى ەرتەڭ بىزگە دە ءبىر سىلتاۋ تاۋىپ، ارانداتپاسىنا كىم كەپىل. ساق بولايىق، اعايىن.

جايبەرگەن بولاتوۆ، قوستاناي

Abai.kz

 

 

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525