وڭتۇستىك قازاقستان وبلىسى اكىمىنىڭ ورىنباسارى ۇلاسبەك سادىبەكوۆ تۇركىستان قالاسىنا جاساعان ساپارى بارىسىندا ەلباسى ايتقان ۇلتتىق سانانىڭ جاڭعىرۋى وسى رۋحاني قالادان باستالۋ قاجەتتىگىن ايتتى.

جۇمىس ساپارى اياسىندا ۇلاسبەك سادىبەكۇلى باستاعان ارنايى توپ ەڭ الدىمەن №15 م.جۇماباەۆ اتىنداعى مەكتەپ-گيمنازياسىنىڭ جاڭارتىلعان ءبىلىم بەرۋ مازمۇنى بويىنشا اپروباتسيادان ءوتۋىن پىسىقتادى. مۇنان سوڭ، تۇركىستان گۋمانيتارلىق-تەحنيكالىق كوللەدجىندە «رۋحاني جاڭعىرۋ» باعدارلاماسى بويىنشا جاڭا سپورت كەشەنىنىڭ اشىلۋ راسىمىنە قاتىستى.

جاسامپاز ەلىمىزدىڭ باستى بايلىقتارىنىڭ ءبىرى – دەنساۋلىق، سالاۋاتتىلىق ەكەنىن ايتقان وبلىس اكىمىنىڭ ورىنباسارى قايتا جاڭعىرۋ كەزەڭىندە سپورتتى جاڭعىرتۋ ماقساتتارىمىزدىڭ ءبىرى بولۋى ءتيىس ەكەنىن جەتكىزدى. سونىمەن قاتار، ول 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىنە تارتۋ بولعان بۇل سپورت كەشەنى جاستاردىڭ سالاۋاتتى ءومىرىن قالىپتاستىرۋدا، بۇقارالىق سپورتتى دامىتىپ، الەۋمەتتىك جاعدايى تومەن ايماق جاستارىنىڭ سپورتتىق ساناسىن دامىتۋدا ماڭىزى ەرەكشە بولاتىنىن اتاپ ءوتتى.

وسى كۇنى جۇمىسشى توپ «قازاقستاننىڭ كيەلى جەرلەرىنىڭ گەوگرافياسى» جوباسىنا اياسىندا شورناق اۋىلدىق وكرۋگىندەگى ەسكى سيداق قالاسىندا جۇرگىزىلىپ جاتقان جۇمىستارمەن تانىستى.

ساپار سوڭىندا اۋدان اكىمدىگىندە كەڭەيتىلگەن ءماجىلىس ءوتىپ، وندا مەملەكەت باسشىسىنىڭ «بولاشاققا باعدار:رۋحاني جاڭعىرۋ» باعدارلامالىق ماقالاسىندا ايتىلعان مىندەتتەردىڭ قالادا جۇزەگە اسىرىلۋ جايى قارالدى.

ماجىلىسكە اۋدان اكىمى ءا.وسەرباەۆ، اۋدان اكىمىنىڭ ورىنباسارلارى، اۋىلدىق وكرۋگ، پوسەلكە  اكىمدەرى، دەربەس ءبولىم باسشىلارى، اۋداندىق قوعامدىق كەڭەس توراعاسى، اۋداندىق ارداگەرلەر كەڭەسىنىڭ توراعاسى، اۋدان يمامى، ەتنو-مادەني بىرلەستىكتەر قاتىستى.

Abai.kz