استانا قالاسىنىڭ اكىمى Astana Innovations Challenge ستارتاپ مارافونىنىڭ جەڭىمپازدارىمەن كەزدەسىپ، وندا قاتىسۋشىلار ءىس-شارالاردان العان اسەرلەرىمەن ءبولىسىپ، ءوز جوبالارى جايىندا قىسقاشا ايتىپ بەردى، دەپ حابارلايدى اباي اقپارات اگەنتتىگى.

«سمارت استانا» تۇجىرىمداماسىن ىسكە اسىرۋ اياسىندا استانا قالاسى اكىمدىگىنىڭ تاراپىنان يننوۆاتسيالىق ەكوجۇيەنى دامىتۋعا جانە قالانى دامىتۋعا دارىندى جاستاردى جۇمىلدىرۋعا كوپ كوڭىل بولىنۋدە. وسىلايشا، وسى جىلدىڭ شىلدە ايىندا استانا قالاسىنىڭ اكىمدىگى اتىنان «استانا Innovations» اق MOST بيزنەس-ينكۋباتورىمەن بىرلەسىپ، Astana Innovations Challenge ستارتاپ مارافونىن ىسكە قوستى.

جارتى جىل ىشىندە 6 ستارتاپ-بايقاۋ (4 ستارتاپ ۋيكەند جانە 2 حاكاتون) وتكىزىلدى. ءىس-شاراعا رەسپۋبليكانىڭ تۇكپىر-تۇكپىرىنەن 1500-دەن استام ادام قاتىسىپ، ولار ءوزارا 150 كوماندا قۇردى. ستارتاپ مارافوننىڭ بارىسىندا قازىلار القاسى 60 ۇمىتكەردى انىقتاپ، ولاردىڭ اراسىنان 18 كوماندا جەڭىمپاز اتاندى. جوبالاردى باعالاۋ ءۇشىن الەمنىڭ 8 ەلى مەن حالىقارالىق ۇيىمداردان 90-نان استام ساراپشى شاقىرىلدى.

كەزدەسۋ بارىسىندا قالا اكىمى اسەت يسەكەشەۆ: «مەن سىزدەر سياقتى جاس، يدەياسى كوپ، بەلسەندى جاندارمەن كەزدەسكەنىمە قۋانىشتىمىن. استانا جاڭا يدەيالار مەن جاڭا تەحنولوگيالار ورتالىعى بولۋدا جانە ونى ارى قاراي دا دامىتۋعا سىزدەرگە بارلىق مۇمكىندىك جاسالادى، ەل ەكونوميكاسىنداعى جاھاندىق جانە تەحنولوگيالىق وزگەرىستەر داۋىرىندە باستى رولگە عىلىم مەن يننوۆاتسيالار يە»، - دەدى.

ءوز كەزەگىندە جاستار جاساعان جوبالارى تۋرالى قىسقاشا ايتىپ بەردى. مىسالى، جاڭا تەحنولوگيالاردى قولدانا وتىرىپ قالانى قاردان تازالاۋدى ءتيىمدى، ساپالى، ۇنەمدى ەتۋگە بولاتىنى، ۇيدەن شىعار قوقىستى قاتتى جانە سۇيىق تۇرگە بولۋگە تۇرعىنداردى ىنتالاندىرۋ، كوشەنى ەنەرگيا ۇنەمدەگىش شامدارمەن جانە بالامالى ەنەرگيا كوزىمەن قامتاماسىز ەتۋ جانە دە دەنساۋلىق سالاسىنىڭ ساپاسىن كوتەرۋگە بايلانىستى جوبالار.

كەزدەسۋگە كەلگەن الكەي امانجولوۆ دەنساۋلىق سالاسىنىڭ ساپاسىن كوتەرۋگە بايلانىستى يدەياسىن ايتىپ بەردى. «دارىگەرلەردە اۋرۋدىڭ الدىن الۋعا ۋاقىت تا، مۇمكىندىك تە جوق. ءبىز ءبىر-بىرىنە تاۋەلدى ەمەس 3 تەحنولوگيا ارقىلى وسى سۇراقتىڭ شەشۋ جولدارىن قاراستىرىپ جاتىرمىز. داتچيكتەر ارقىلى اقپارات جيناۋ، بلوكچەين ارقىلى ساقتاۋ، الگوريتم ارقىلى نەيروندى جۇيە سىرقاتتىڭ الدىن الۋعا كومەك بەرەدى. بىرەر جىلدان سوڭ ءبىز سىرقاتتىڭ قاندايدا ءبىر اۋرۋمەن اۋرۋى مۇمكىندىگىن الدىن الا ءبىلىپ، جولىن كەسۋ مۇمكىندىك الامىز»، - دەدى ول.

استانا قالاسىنىڭ اكىمى ءاردايىم ديالوگقا اشىق ەكەنىن جانە جان-جاقتى قولداۋ بىلدىرۋگە دايىن ەكەنىن ايتىپ ءوتتى. قالا ومىرىنە دارىندى ادامدار مەن جاستاردى تارتقىسى كەلەتىنىن، سوندىقتان بار ماسەلەلەر مەن مىندەتتەردىشەشۋ ءۇشىن تەحنولوگيالىق شەشىمدەر تابۋدى ۇسىناتىنىن ءبىلدىردى.

قورىتىندىلاي كەلە، اكىم قاتىسۋشىلارعا Astana Innovations Challengeستارتاپ-مارافونى كەلەسى جىلى ءوز جۇمىسىن جالعاستىراتىنىن حابارلاپ، وعان بەلسەنە قاتىسۋعا، سونداي-اق، ءوز يدەيالارىن ىسكە اسىرىپ، جەتەكشى حالىقارالىق ساراپشىلاردىڭ پىكىرلەرىن ەستۋگە شاقىردى.

ەرعالي بەرىكۇلى

Abai.kz