اشحاباد. 8 ماۋسىم. قازتاگ – تۇركمەنستان كاسپي ماڭىنداعى باسقا ەلدەر، اسىرەسە ازەربايجان مەن قازاقستان سياقتى ءوز الدىنا كاسپي قايراڭىن يگەرۋ بويىنشا باتىل جوسپار قويىپ وتىر، دەپ حابارلايدى Trend Capital اقپارات اگەنتتىگى.

اقش-تىڭ Western Geco گەوفيزيكالىق كومپانياسىنىڭ باعالاۋىنشا، كاسپي قايراڭىنىڭ تۇركمەنستاندىق سەكتورىنىڭ قورى  كەلىسىمشارت جاسالعان بلوكتاردى ەسەپتەمەگەندە، 11 ملرد توننا مۇناي جانە 5,5 ترلن تەكشە مەتر گازدى قۇرايدى. تۇركمەنيالىق دەرەككوزدەردىڭ اتاپ كورسەتۋىنشە، بۇل - بۇكىل ەل شەڭبەرىندەگى مۇناي قورىنىڭ جارتىسىنان استامى جانە گازدىڭ تورتتەن ءبىر بولىگى.

كومىرسۋتەك رەسۋرسىنىڭ الەۋەتىن كەڭەيتۋ، نەگىزىنەن كەن ورىندارى الىس ورنالاسقان كاسپيدە باتىس تەحنولوگيالارىن ەنگىزۋ ارقىلى تۇركمەنستان 2030 جىلعا قاراي جىل سايىن 250 ملرد تەكشە مەترگە دەيىن گاز جانە 110 ملن توننا مۇناي ءوندىرۋدى جوسپارلاپ وتىر. اعىمداعى ءوندىرۋ كولەمى - 70 ملرد تەكشە مەتر گاز جانە 10 ملن توننا مۇناي.

تۇركمەنستاننىڭ وەك-ءنىڭ تيىمدىلىگى ءۇشىن شەتەلدەن تارتىلاتىن تىكەلەي ينۆەستيتسيالاردىڭ جىل سايىنعى كولەمى $10 ملرد-قا جۋىقتاۋعا ءتيىس. بولجام بويىنشا، 2009 جىلى ينۆەستيتسيالىق قارجى $4 ملرد-تى قۇراۋعا ءتيىس، ال وتكەن جىلى $2,3,  2007 جىلى شامامەن $900 ملن،  2006 جىلى $650 ملن-عا جۋىق ينۆەستيتسيا قۇيىلعان بولاتىن .

اشحاباد. 8 ماۋسىم. قازتاگ – تۇركمەنستان كاسپي ماڭىنداعى باسقا ەلدەر، اسىرەسە ازەربايجان مەن قازاقستان سياقتى ءوز الدىنا كاسپي قايراڭىن يگەرۋ بويىنشا باتىل جوسپار قويىپ وتىر، دەپ حابارلايدى Trend Capital اقپارات اگەنتتىگى.

اقش-تىڭ Western Geco گەوفيزيكالىق كومپانياسىنىڭ باعالاۋىنشا، كاسپي قايراڭىنىڭ تۇركمەنستاندىق سەكتورىنىڭ قورى  كەلىسىمشارت جاسالعان بلوكتاردى ەسەپتەمەگەندە، 11 ملرد توننا مۇناي جانە 5,5 ترلن تەكشە مەتر گازدى قۇرايدى. تۇركمەنيالىق دەرەككوزدەردىڭ اتاپ كورسەتۋىنشە، بۇل - بۇكىل ەل شەڭبەرىندەگى مۇناي قورىنىڭ جارتىسىنان استامى جانە گازدىڭ تورتتەن ءبىر بولىگى.

كومىرسۋتەك رەسۋرسىنىڭ الەۋەتىن كەڭەيتۋ، نەگىزىنەن كەن ورىندارى الىس ورنالاسقان كاسپيدە باتىس تەحنولوگيالارىن ەنگىزۋ ارقىلى تۇركمەنستان 2030 جىلعا قاراي جىل سايىن 250 ملرد تەكشە مەترگە دەيىن گاز جانە 110 ملن توننا مۇناي ءوندىرۋدى جوسپارلاپ وتىر. اعىمداعى ءوندىرۋ كولەمى - 70 ملرد تەكشە مەتر گاز جانە 10 ملن توننا مۇناي.

تۇركمەنستاننىڭ وەك-ءنىڭ تيىمدىلىگى ءۇشىن شەتەلدەن تارتىلاتىن تىكەلەي ينۆەستيتسيالاردىڭ جىل سايىنعى كولەمى $10 ملرد-قا جۋىقتاۋعا ءتيىس. بولجام بويىنشا، 2009 جىلى ينۆەستيتسيالىق قارجى $4 ملرد-تى قۇراۋعا ءتيىس، ال وتكەن جىلى $2,3,  2007 جىلى شامامەن $900 ملن،  2006 جىلى $650 ملن-عا جۋىق ينۆەستيتسيا قۇيىلعان بولاتىن .

تۇركمەنستاندىق رەسمي اقپارات كوزىنىڭ حابارلاۋىنشا، 32 ليتسەنزيالىق بلوك حالىقارالىق تەندەرگە شىعارىلدى. كەلىسسوز پروتسەسىنە امەريكاندىق Chevron, ConocoPhilips, Marathon, Midland Oil & Gas, بريتاندىق British Petroleum, نەمىستىڭ RWE, اۋۆستريالىق OMV, نورۆەگيالىق Statoil Hydro, فرانتسۋزدىڭ Total, رەسەيلىك يتەرا، لۋكويل جانە قيىر شىعىس پەن پارسى شىعاناعىنىڭ بىرنەشە كومپانياسى ەنگىزىلىپ وتىر. بۇل كومپانيالاردىڭ بارلىعى دەرلىك اشحابادتا ءوز وكىلدىكتەرىن اشتى. كەلىسسوزدەرگە جاقىن جۇرگەن دەرەككوزدىڭ حابارلاۋىنشا، قازىرگى كەزدە جوبالاردى تەحنيكالىق تالقىلاۋ بەلسەندى ءجۇرىپ جاتىر جانە ونىڭ ايتۋىنشا، جاقىن ۋاقىتتا بىرقاتار مۇناي-گاز كەلىسىمشارتتارى جاسالۋى مۇمكىن.

«شەتەلدىك كومپانيالاردىڭ بۇل ايماققا (كاسپيدىڭ) دەگەن قىزىعۋشىلىعىنا كومىرسۋتەك شيكىزاتى بويىنشا ۇلكەن مۇمكىندىكتەر، ەۋروپا مەن ازيانىڭ توعىسىنداعى ءتيىمدى گەوگرافيالىق ورنالاسۋى، ەلىمىزدەگى تۇراقتى ساياسي احۋال جانە شەتەلدىك ينۆەستيتسيالار ءۇشىن زاڭ جۇزىندە بەكىتىلگەن كەپىلدەمەلەر سەبەپ بولىپ وتىر»، - دەپ ءمالىم ەتتى ءوز بايانداماسىندا «تۇركمەنمۇناي» مەملەكەتتىك كونتسەرنىنىڭ توراعاسى تاشليەۆ گارياگدى كونفەرەنتسيالاردىڭ بىرىندە.

«تۇركمەنمۇناي» ماماندارى ءوز ەسەپتەرىندە اتاپ كورستكەندەي، قايراڭداعى كومىرسۋتەك قورىنىڭ 80% استامى 3 مىڭ مەتر تەرەڭدىكتە ورنالاسقان شوگىندىلەردە جانە مۇنايگاز جيناقتالعان از زەرتتەلگەن ايماقتاردا جاتىر، سوندىقتان مۇناي مەن گازدىڭ جاڭا كەن ورىندارى اشىلادى دەگەن مۇمكىندىك جوعارى. اسىرەسە، ورتا كاسپي جانە وڭتۇستىك كاسپي مۇناي-گاز باسسەيندەرىنە قاتىستى ۇلكەن ءۇمىت بار.

تۇركمەنستاندا قازىرگى ۋاقىتتا اۋستريا، ۇلىبريتانيا، گفر، يتاليا، ءۇندىستان، مالايزيا، ءباا، دانيا، كانادا جانە قىتاي سياقتى ون ەلدىڭ مۇناي-گاز كومپانيالارىنىڭ قاتىسۋىمەن جەتى جوبا جۇزەگە اسىرىلىپ جاتىر، ونىڭ تورتەۋى كاسپي قايراڭىندا.