بەيسەنبى, 28 ناۋرىز 2024
وسى عوي ەندى... 4947 2 پىكىر 6 جەلتوقسان, 2017 ساعات 13:52

قوستانايدا اقشا كوپ، تەك ونى شاشا ءبىل...

كەيىنگى كەزدە «برەند» دەگەن شەتەلدىڭ ءسوزى تىرشىلىگىمىزگە مىقتاپ ەنىپ الدى. ونىڭ ەندى ورەسكەلدىگى جوق شىعار. اتىڭدى بىردەن تانىمال ەتەتىن، ونى كورگەندى بۇل تاپ سەنىڭ ءونىمىڭ ەكەنىڭدى تايعا تاڭبا باسقانداي ەتىپ كورسەتەتىن سيمۆولدىق بەلگى ءوزى ادەمى، ءوزى تارتىمدى بولسا جاراسىپ تۇرارى ءسوزسىز. كىم مۇندايدان قاشسىن. ءبىزدىڭ قوستاناي وبلىسىنىڭ باسشىلارىنا «اۋ، وسى دۇنيە دە بىزگە دە قاجەت شىعار» دەگەن تاماشا وي كەلە قالىپتى. وي كەلدى، ءبىتتى، ونى جۇزەگە اسىرۋ كەرەك. بەدەل دەگەن ارزان بولمايدى. ودان اياعان اقشانى يت جەسىن. وبلىس باسشلارى وسىلاي دەپ توقتامعا كەلدى دە اي-شايعا قاراماستان ايماقتىق برەندتكە دەپ 2 ميلليون 090 مىڭ تەڭگەنى ءبولدى دە جىبەردى.

«ۇرىستا تۇرىس جوق» دەگەندەي، ەندى ءاپ-ساتتە قوستاناي ىشكى ساياسات باسقارماسى مەن «كەلەشەك-2050» قوعامدىق قور اراسىندا قاتىرىپ تۇرىپ كەلىسىم جاسالدى. قور بولسا بىلەكتى سىبانىپ جىبەرىپ، كوكتەم شىعىسىمەن ىسكە كىرىسىپ كەتتى. ۇزدىك برەندتكە دەپ ارنايى كونكرۋس جاريالاندى. وعان ءجۇز قارارالى جۇمىس كەلىپ ءتۇستى. ولار ينتەرنەتكە قويىلىپ، حالىقتان داۋىس جينالدى. ودان ۇتىپ شىققاندار ساراپتامالىق كوميسسياعا جىبەرىلدى. ونىڭ ون بەسى قايتا جوندەلىپ، دۇرىستالىپ، قىرلاپ-سىرلاۋعا دەپ اۆتورىنا قايتارىلدى. اقىرى، ايتىپ-ايتپاي نە كەرەك دەگەندەي، شىلدە ايىندا ساراپتامالىق كوميسسيانىڭ قورىتىندىسى شىقتى. سونىمەن نە بولدى دەيسىز عوي؟ ەشتەڭە دە. يا، ەشتەڭە دە بولعان جوق. كوميسسيا سۇرىپتالىپ الىنعان دۇنيەنىڭ ەشقايسىسىن دا جاراتپاي تاستالدى. نە ءۇشىن؟ قاي جەرى ۇناماي قالىپتى؟ قايسىسىن دۇرىستاپ، جونگە كەلتىرۋگە بولادى؟ بۇل سۇراققا ەشقانداي دا  تولىمدى دا، تۇعىرىمدى دا جاۋاپ جوق.

ەڭ قىزىعى ول ەمەس. ەڭ عاجابى، كونكۋرس تالابىنا ساي ىشكى ساياسات باسقارماسى ءوزى شارت جاساسقان «كەلەشەك-2050» قورىنا اتتاي 627 مىڭ تەڭگەنى سوزگە كەلمەستەن اۋدارىپ جىبەرگەن. ول اقشا ەندى جۇمىس اتقارىلماسا دا ءۇز-ءتۇزسىز قورعا كەتتى. ونى ەندى ەشكىم دە قايتارا المايدى. ويتكەنى كونكرۋس تۋرالى ەرەجەدە بۇل قاتاڭ قاراستىرىلعان. ءبىزدىڭ ويىمىزشا، وسىعان، ياعني بيۋدجەت اقشاسىنا جانى اشىپ وتىرعان ادام بايقالا قويمايدى. سول باياعى، ءىس ءبىتتى، قۋ كەتتى، بۇلىنگەن ەشتەڭە جوق. ال مىنا ءسىز بەن ءبىزدىڭ اقشامىزدىڭ ءار تيىنىن ەسەپتەپ ونى جۇمساعاۋعا جاۋاپكەرشىلىكپەن قاراۋعا ءبىزدىڭ شەنەۋنىكتەر ەش ۋاقىتتا داعدىلانباعان.

ونى ايتاسىز، جوعارىدا ءبىز ءسوز ەتكەن «كەلەشەك-2050» قورىنداعىلار 2 ميلليوننان قالعان سومانى دا الىپ قالۋعا دامەسى بار. ونىسى قيسىنسىز دا ەمەس. ويتكەنى ولاردىڭ ويىنشا بۇلار ءوز جۇمىسىن تولىق اتقارعان. تالاپكەرلەردى تاۋىپ، ولاردىڭ برەندتىك دۇنيەلەرىن ينتەرنەتكە سالىپ، حالىقتىڭ تالقىسىنان وتكىزگەن. ال ەندى الدەبىر كوميسسيا مۇنى جاراتپاي تاستاسا «كەلەشەك-2050» قورىنىڭ قانداي كىناسى بار؟ بۇلار ءوز مىندەتتەرىن ويداعىداي ورىندادى ەمەس پە؟  نەسى بار، قيسىندى پىكىر. تەك ءبىر سۇراق قانا ءبىزدى مازالاي بەرەدى. سوندا بيۋدجەتتەن ءبولىنىپ، ودان ەشقانداي دا قايتارىم بولماعان 2 ميلليون تەڭگەگە كىم جاۋاپ بەرەدى؟ الدە بيۋدجەتتىڭ اقشاسىن وڭدى-سولدى شاشا بەرۋ قوستانايدا داعدىعا اينالعان قۇبىلىس پا؟

جايبەرگەن بولاتوۆ، قوستاناي

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530