قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ مەملەكەتتىك تاپسىرماسى نەگىزىندە
ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى مەن «قازاقستان كۆن وداعى» رەسپۋبليكالىق جاستار قوعامدىق بىرلەستىگى بىرلەسىپ، ءتىل فەستيۆالى اياسىندا حالىقارالىق «جايدارمان» ويىنىن وتكىزەدى.

«جايدارمان»  ويىندارى  جاستاردىڭ شىعارماشىلىق الاڭى عانا ەمەس، قوعامداعى تۇيتكىل ماسەلەلەردى ازىلمەن استارلاي جەتكىزەتىن ونەر دوداسىنا اينالعان جانە قازاقستاندىقتار ءسۇيىپ كورەتىن تەلەۆيزيالىق جوبا رەتىندە قالىپتاستى. «جايدارمان» الاڭىنىڭ مەكتەپ جاسىنداعى جەتكىنشەكتەرمەن قاتار ستۋدەنتتەردى، جۇمىسشى جاستاردى قوسا العاندا   200 مىڭعا جۋىق تالانتتىلاردى توپتاستىرعانى كوڭىل قۋانتادى.

بۇگىندە پرەزيدەنتىمىزدىڭ رۋحاني جاڭعىرۋ جونىندەگى تاعدىرشەشتى ۇندەۋىن جاستارمەن ۇشتاستىرۋ ماقساتى پايدا بولدى. وسى ۇندەۋدەگى – ۇلتتىق سانا، ۇلتتىق بىرەگەيلىكتى ساقتاۋ، ءبىلىمنىڭ سالتانات قۇرۋى تۋرالى بولىمدەر – ەڭ الدىمەن، قازاق جاستارىنا باعىتتالعان ۇستازدىق اقىل مەن تالاپ دەپ تۇسىنەمىز. سونىمەن قاتار جوبانىڭ EXPO-2017 كۇندەرى كەزىندە وتكىزىلۋى وڭ رەزونانس تۋدىراتىندىعىنا سەنىمدىمىز.

جوباعا قازاقستان، رەسەي (قۇمىق، نوعاي، بالقار، قاراشاي، تاتار، باشقۇرت، حاكاس), موڭعوليا، قىتاي، قىرعىزستان، وزبەكستان (وزبەك، قاراقالپاق), ءازىربايجان ەلدەرىنەن  10-نان استام  كوماندا قاتىسادى دەپ كۇتىلۋدە.

وتەتىن ورنى: استانا قالاسى "استانا" كونتسەرت زالى

باستالۋى:      2017 جىلعى 25 تامىز  ساع.: 18:30-دە 

جوبانى «قازاقستان» ۇلتتىق ارناسى ەفيرىنەن كورسەتۋ جوسپارلانعان.

Abai.kz