جەكسەنبى, 24 ماۋسىم 2018
كورشىنىڭ كولەڭكەسى 1451 9 پىكىر 7 جەلتوقسان, 2017 ساعات 09:50

پۋتين سايلاۋعا تۇسەتىنىن مالىمدەدى

رەسەي پرەزيدەنتى ۆلاديمير پۋتين 2018 جىلى وتەتىن پرەزيدەنت سايلاۋىنا تۇسەتىنىن مالىمدەدى. ول شەشىمىن نيجني نوۆگورودتاعى "گاز" زاۋىتىنىڭ 85 جىلدىعىن اتاپ ءوتۋ شاراسى كەزىندە جاريا قىلدى.

2017 جىلى پۋتين سايلاۋعا ءتۇسۋ تۋرالى ساۋالدارعا جاۋاپ بەرمەي كەلگەن. 65 جاستاعى ساياساتكەر رەسەيدى 1999 جىلدىڭ سوڭىنان بەرى باسقارىپ وتىر. ول 13 جىل پرەزيدەنت، ءتورت جىل پرەمەر-مينيستر قىزمەتىن اتقاردى. ونىڭ الدىندا پۋتين رەسەيدىڭ فەدەرالدىق قاۋىپسىزدىك قىزمەتىنىڭ باسشىسى بولعان.

رەسەيدەگى 2018 جىلعى پرەزيدەنت سايلاۋىنا قاتىسۋعا تەلەجۇرگىزۋشى كسەنيا سوبچاك، "يابلوكو" پارتياسىنىڭ جەتەكشىسى گريگوري ياۆلينسكي، لدپر توراعاسى ۆلاديمير جيرينوۆسكي مەن بيزنەسمەن سەرگەي پولونسكي نيەت بىلدىرگەن. سايلاۋعا وپپوزيتسيالىق ساياساتكەر الەكسەي ناۆالنىيدىڭ دا تۇسكىسى كەلىپ ەدى، بىراق بيلىك ونىڭ بۇرىن جاۋاپقا تارتىلعانىن ايتىپ تىركەمەدى. ناۆالنىي سوعان قاراماستان سايلاۋالدى ۇگىت-ناسيحات كامپانياسىن جالعاستىرىپ جاتىر.

Abai.kz

9 پىكىر