سۋەتسك كانالىنىڭ اشىلۋ قۇرمەتىنە وراي ەگيپەت بيلەۋشىسى يسمايل پاشا (يبراگيم پاشانىڭ ءۇشىنشى ۇلى عوي) ەلىندە تۇڭعىش رەت وپەرا تەاترىن سالعىزادى. سالتاناتتى شارانى جاڭا تىڭ ءبىر دۇنيەمەن اشۋ ءۇشىن يسمايل پاشا اتاقتى يتالياندىق كومپوزيتور دجۋزەپپە ۆەرديگە مۋزىكالىق شىعارما جازۋعا تاپسىرىس بەرىپتى.

كومپوزيتور قوماقتى گونورارعا "ايدا" وپەراسىن جازىپ شىعادى. بۇگىندە ەگيپەت بيلەۋشىسى ۇمىت بولدى، ەگيپەت مەملەكەتىنە جىلىنا ءالى كۇنگە 4-5 ملرد دوللار تابىس اكەپ تۇرعان سۋەتس كانالىنىڭ دا 2 جىل بۇرىن جاڭاسى سالىندى، ال بىراق، پالەنباي عاسىر بۇرىن تاپسىرىسپەن جازىلعان دۇنيەنىڭ ءالى كۇنگە الەمدىك وپەرا ساحنالارىنىڭ تورىنەن تۇسپەيتىن ولمەس ونەر تۋىندىسىنا اينالدى دەگەنگە كىم سەنەدى.

سول سەكىلدى، ەرتەڭ "رۋحاني جاڭعىرۋ" باعدارلاماسى، ونىڭ نەگىزگى اۆتورى مارات ءتاجين، بۇگىن قازاقتىڭ اقىن-جازۋشىلارىن قوماقتى گونورارمەن ءبىر سەرپىلتكەن "رۋح" ادەبي سىيلىعى دا ۇمىت بولار. ال بىراق ادەبي سىيلىق ءۇشىن جازىلعان شىعارمالاردىڭ ىشىندە الەمدىك شەدەۆرلەر بولىپ قالۋى ابدەن مۇمكىن عوي. ەگەر سولاي بولسا، ءتاجين كومانداسىنىڭ ەڭبەگى اقتالعان بولار ەدى... جۇلدەگە يە بولعان بارلىق ازاماتتاردى قۇتتىقتايمىن!

ايتپاقشى، "ايدا" دەمەكشى، "رۋx" ادەبي سىيلىعى يدەياسىنىڭ نەگىزگى اۆتورى، ۇكىمەتتەن قارجى بولگىزىپ، باستامانىڭ كونسەپتسياسىن جازىپ، دۇركىرەپ وتۋىنە مۇرىندىق بولعان ايدا بالاەۆا xانىمعا رەسپەكت!

دينا ەلگەزەك

Facebook-تەگى پاراقشاسىنان