ەلۋباي ومىرزاقوۆ اتىنداعى قوستاناي وبلىستىق فيلارمونياسىنىڭ كونتسەرت زالى. ماۋسىم، 2009 جىل.

بيىلعى جىلى قوستاناي وبلىستىق فيلارمونياسىنىڭ كونتسەرت زالى كۇردەلى جوندەۋدەن ءوتىپ، پايدالانۋعا بەرىلدى. جاقىندا قوستانايلىقتار جاڭادان قۇرىلعان ونەر ۇجىمى - قازاق ۇلت اسپاپتارى وركەسترىنىڭ تۇساۋ كەسەر كونتسەرتىن تاماشالادى. ال حالىق ءارتيسى بولعان ەلۋباي ومىرزاقوۆقا ەسكەرتكىش ورناتۋدى ەشكىم ويلار ەمەس.
قوستانايدا بۇدان بۇرىن قۇرىلعان «اق جەلەڭ» ءانسامبلىنىڭ ارتىستەرى قازاق ۇلت اسپاپتارى وركەسترىنىڭ نەگىزىن قالادى. وركەستردى باسقارۋعا كوپتەگەن مۋزىكالىق اسپاپتاردى مەڭگەرگەن جاس مامان، قازاق ۇلتتىق مۋزىكا اكادەمياسىنىڭ تۇلەگى بەرىك ورازالين شاقىرىلدى.
وركەستردىڭ رەپەرتۋارىندا قازاقتىڭ ۇلى كۇيشىلەرى مەن قازىرگى زامان كومپوزيتورلارىنىڭ شىعارمالارى، حالىق اندەرى، باتىس ەۋروپا مەن ورىس كومپوزيتورلارىنىڭ تۋىندىلارى، الەم حالىقتارىنىڭ ۆوكالدىق شىعارمالارى بار. كورەرمەندەر كۇي اتاسى قۇرمانعازىنىڭ ”سەرپەر”، “سارىارقا” سەكىلدى سەرپىندى كۇيلەرىمەن بىرگە الەم مۋزىكاسىنىڭ وزىق ۇلگىلەرىن تىڭداۋعا مۇمكىندىك الدى.

ەلۋباي ومىرزاقوۆ اتىنداعى قوستاناي وبلىستىق فيلارمونياسىنىڭ كونتسەرت زالى. ماۋسىم، 2009 جىل.

بيىلعى جىلى قوستاناي وبلىستىق فيلارمونياسىنىڭ كونتسەرت زالى كۇردەلى جوندەۋدەن ءوتىپ، پايدالانۋعا بەرىلدى. جاقىندا قوستانايلىقتار جاڭادان قۇرىلعان ونەر ۇجىمى - قازاق ۇلت اسپاپتارى وركەسترىنىڭ تۇساۋ كەسەر كونتسەرتىن تاماشالادى. ال حالىق ءارتيسى بولعان ەلۋباي ومىرزاقوۆقا ەسكەرتكىش ورناتۋدى ەشكىم ويلار ەمەس.
قوستانايدا بۇدان بۇرىن قۇرىلعان «اق جەلەڭ» ءانسامبلىنىڭ ارتىستەرى قازاق ۇلت اسپاپتارى وركەسترىنىڭ نەگىزىن قالادى. وركەستردى باسقارۋعا كوپتەگەن مۋزىكالىق اسپاپتاردى مەڭگەرگەن جاس مامان، قازاق ۇلتتىق مۋزىكا اكادەمياسىنىڭ تۇلەگى بەرىك ورازالين شاقىرىلدى.
وركەستردىڭ رەپەرتۋارىندا قازاقتىڭ ۇلى كۇيشىلەرى مەن قازىرگى زامان كومپوزيتورلارىنىڭ شىعارمالارى، حالىق اندەرى، باتىس ەۋروپا مەن ورىس كومپوزيتورلارىنىڭ تۋىندىلارى، الەم حالىقتارىنىڭ ۆوكالدىق شىعارمالارى بار. كورەرمەندەر كۇي اتاسى قۇرمانعازىنىڭ ”سەرپەر”، “سارىارقا” سەكىلدى سەرپىندى كۇيلەرىمەن بىرگە الەم مۋزىكاسىنىڭ وزىق ۇلگىلەرىن تىڭداۋعا مۇمكىندىك الدى.
“ەلۋباي ومىرزاقوۆ اتىنداعى قوستاناي وبلىستىق فيلارمونياسىنىڭ قۇرامىندا بۇعان دەيىن ون سەگىز ۇجىم ونەر كورسەتىپ كەلگەن ەدى. 1992 جىلى فيلارمونيا باسشىلىعى قۇرمانعازى اتىنداعى مەملەكەتتىك كونسەرۆاتورياعا جاستاردىڭ فولكلورلىق-ەتنوگرافيالىق ءانسامبلىن قۇرۋ تۋرالى ۇسىنىس جاساعاندا، كونسەرۆاتوريا رەكتوراتى بۇل يدەيانى قولداپ قانا قويماي، قاجەتتى مامان كادرلارمەن قامتاماسىز ەتكەن بولاتىن. ءسويتىپ، العاشقى ۇلتتىق اسپاپتار انسامبلىنەن باستالعان جاقسى ءىس ەندى دەربەس ۇلت اسپاپتار وركەسترىن قۇرۋمەن اياقتالدى. وركەستردىڭ كورەرمەندەردىڭ ريزاشىلىعىنا جانە ىستىق ىقىلاسىنا بولەنگەن تۇساۋ كەسەر كونتسەرتى سولتۇستىك ايماقتا قوستانايدىڭ مۋزىكالىق ورتالىققا اينالىپ كەلە جاتقانىنىڭ دالەلى”، - دەيدى فيلارمونيا ديرەكتورى الەكساندر ەۆسيۋكوۆ.
«مادەني مۇرا» ايماقتىق باعدارلاماسىنىڭ جانە «وبلىستىڭ مۋزىكا ونەرىن دامىتۋ كونتسەپتسياسى» اياسىندا قۇرىلعان قازاق ۇلت اسپاپتارى وركەسترىنىڭ قوستانايدا ونەر كورسەتۋى وبلىستىڭ مادەني ومىرىندەگى ەلەۋلى وقيعا بولدى. ونىڭ قۇرامىنا ۇلتتىق مۋزىكا اكادەمياسىنىڭ تۇلەكتەرى جانە استانا، كوكشەتاۋ، قاراعاندى، تالدىقورعان قالالارىنان مۋزىكانتتار شاقىرىلدى.
ماسەلەن، قوبىزشى اينۇر قيالبەكوۆا الماتى وبلىستىق ءسۇيىنباي اتىنداعى فيلارمونياسىنان ارنايى شاقىرتىلدى. مۋزىكالىق اسپاپتار الۋعا، كيىم-كەشەك تىگۋگە، مۋزىكانتتارعا ەڭبەكاقى تاعايىنداۋعا وبلىستىق بيۋدجەتتەن ەلۋ ميلليون تەڭگە كولەمىندە قارجى ءبولىندى. كەلەشەكتە جاس مامانداردى پاتەرمەن قامتاماسىز ەتۋ مىندەتى تۇر.
“قازاق ۇلت اسپاپتارى وركەسترىنىڭ اشىلۋى ۇلت ونەرىنىڭ شىنايى باعالاۋشىلارى ءۇشىن كوپتەن كۇتكەن ايتۋلى وقيعا بولىپ تابىلادى. وتكەن عاسىر مۋزىكانتتارىنىڭ شىعارمالارىن دارىپتەپ، جەرگىلىكتى كومپوزيتورلاردىڭ شىعارماشىلىعىمەن تانىستىرۋ، قوعام ءۇشىن پايداسى مول، رۋحاني-ەستەتيكالىق تاربيە بەرەتىن تۋىندىلار ارقىلى حالىققا ۇلگى-ونەگە بەرۋ وركەستردىڭ نەگىزگى ماقساتى،” - دەيدى قۇرمانعازى اتىنداعى الماتى مەملەكەتتىك كونسەرۆاتورياسىنىڭ تۇلەگى، وسى وركەستردىڭ ديريجەرلارىنىڭ ءبىرى نازىمبەك مولداحمەتوۆ.

ەلۋبايعا ەسكەرتكىش قويسا  ارتىقتىق ەتپەس ەدى
“مۇنىڭ ءبارى تاماشا. بىراق، ءبىر عانا “اتتەگەن-اي!” بار، - دەيدى قالا تۇرعىندارىنىڭ ءبىرى الماس بەرگەنباەۆ،-ەلۋباي ومىرزاقوۆ اعامىزدىڭ ەسىمىمەن اتالاتىن وبلىستىق فيلارمونيانىڭ ماڭدايىندا ۇلكەن ارىپتەرمەن ونىڭ ەسىمى جازۋلى تۇراتىن.
مىنا كونتسەرت زالىنىڭ قوجايىنى جالعىز فيلارمونيا ەمەس، حالىقتىق-دەموكراتيالىق “نۇر-وتان” پارتياسىنىڭ وبلىستىق فيليالى ەكەن. وسى عيماراتتا وبلىستىق تىلدەردى دامىتۋ باسقارماسىنىڭ تىلدەردى ۇيرەتۋ ورتالىعى دا ورنالاسقان. بىراق، بۇرىنعى ماڭدايشاداعى جازۋ جوندەۋدەن كەيىن ءتۇسىپ قالىپتى".
"ەلۋبايداي ەل اعاسىن ارداقتايتىن بولساق، ونىڭ ەسىمىن عانا ەمەس، ەسكەرتكىشىن دە كونتسەرت زالىنىڭ قارسى الدىنا ورناتسا جاراسىپ كەتەر ەدى”، - دەيدى كورەرمەننىڭ تاعى ءبىرى.

اقىل قوجاۇلى، 5 شىلدە 2009 جىل
«ازاتتىق» راديوسى