جۇما, 22 قاراشا 2019
1460 1 پىكىر 4 قاڭتار, 2018 ساعات 02:56

ترامپ: اقش-تىڭ "يادرولىق تۇيمەشەسى" پحەنياندىكىنەن الدەقايدا ۇلكەن

اقش پرەزيدەنتى دونالد ترامپ 2 قاڭتاردا سولتۇستىك كورەيا ليدەرىنىڭ ۇستەلىم ۇستىندە «يادرولىق تۇيمەشەسى» بار دەگەن مالىمدەمەسىنە، قۇراما شتاتتاردا يادرولىق اعىتقىش ىلمەگى الدەقايدا «ۇلكەن ءارى كۇشتى» دەپ جاۋاپ بەردى.

«سولتۇستىك كورەيا ليدەرى كيم چەن ىن يادرولىق تۇيمەشەسى ۇنەمى ۇستەلىنىڭ ۇستىندە جاتادى دەپ مالىمدەدى. مۇمكىن ونىڭ اشىققان رەجيمىنەن بىرەۋ مەندە دە يادرولىق تۇيمەشە بار ەكەنىن، بىراق ونىڭ الدەقايدا ۇلكەن ءارى كۇشتى ەكەنىن جەتكىزەر!»،- دەپ جازدى ترامپ Twitter پاراقشاسىنا.

كحدر ليدەرى كيم چەن ىن جىل سايىنعى جاڭاجىلدىق جولداۋىندا ۇستەلىنىڭ ۇستىندە قارۋدى قۇراما شتاتتاردىڭ كەز-كەلگەن نۇكتەسىنە دالدەپ تۇسىرەتىن «يادرولىق تۇيمەشە» بار ەكەنىن ايتقان.

ول مۇنى تەك پحەنياننىڭ قاۋىپسىزدىگىنە نۇقسان كەلتىرگەندە عانا قولدانامىن دەدى. «بۇل شىن، قورقىتۋ ەمەس»،- دەدى كيم چەن ىن. ول سونىمەن بىرگە ءوز ەلىنىڭ سپورتشىلارى وڭتۇستىك كورەياعا وليمپياداعا قاتىسۋعا نيەت ءبىلدىرىپ وتىرعانىن دا اتاپ ءوتتى.

ترامپ سولتۇستىك جانە وڭتۇستىك كورەيا اراسىنداعى قارىم-قاتىناس جاقسارادى دەگەنگە كۇمان كەلتىرەدى. ال وڭتۇستىك كورەيا 9 قاڭتاردا پحەنيانمەن جوعارى دەڭگەيدە كەلىسسوز جۇرگىزۋگە ۇسىنىس ءبىلدىردى.

Abai.kz

1 پىكىر