تۋسك ەۋروپارلامەنتتە سويلەگەن سوزىندە، ەگەر لوندون بولىپ جاتقان جاعدايلارعا نازار اۋدارماسا، وندا برەكزيتتىڭ سالدارى اۋىر بولادى دەدى. ء"بىزدىڭ جۇرەگىمىز ۇلىبريتانياعا ءاردايىم اشىق", – دەدى تۋسك.

يۋنكەر تۋسكتىڭ ۇستانىمىن قولداپ، بريتان بيلىگى ونىڭ سوزدەرىن ەستيدى دەپ ۇمىتتەنەتىنىن جەتكىزدى. ء"بىزدىڭ ەسىگىمىز ءاردايىم اشىق", – دەپ اتاپ ءوتتى ەۋروكوميسسيا باسشىسى.

ۇلىبريتانيانىڭ ەو-دان شىعۋ تۋرالى كەلىسسوزدەرى بريۋسسەلدە بىلتىر 19 ماۋسىمدا باستالعان. بۇل 2018 جىلدىڭ سوڭىنا دەيىن جالعاسۋى ءتيىس. وسىدان كەيىن تاراپتارعا كەلىسىمدەردى ۇلتتىق پارلامەنتتەرىندە بەكىتۋ ءۇشىن التى اي ۋاقىت بەرىلەدى.

بريتاندىقتار ەۋرووداقتان شىعۋعا 2016 جىلدىڭ جازىندا داۋىس بەرگەن. ۇلىبريتانيا ەو-عا 1973 جىلى قوسىلعان ءارى ودان شىعاتىن ءبىرىنشى مەملەكەت بولماق. برەكزيت تۋرالى زاڭ جوباسى 1972 جىلى قابىلدانعان ەۋروپالىق قاۋىمداستىق جونىندەگى قۇجاتتان باس تارتۋدى كوزدەيدى، وسىنىڭ نەگىزىندە زاڭداردىڭ ءبارىن بريتاندىق زاڭدارعا اۋىستىرادى.

Abai.kz