جۇما, 29 ناۋرىز 2024
4861 12 پىكىر 1 اقپان, 2018 ساعات 09:57

رف سىرتقى بارلاۋ قىزمەتى باسشىسى نارىشكين نە ءۇشىن اقش-قا باردى؟

اقش سەناتىنىڭ دەموكراتيالىق پارتيا وكىلى چاك شۋمەر اق ۇيدەن امەريكالىق سانكتسيا تىزىمىندە بار رف سىرتقى بارلاۋ قىزمەتىنىڭ (سبق) باسشىسى سەرگەي نارىشكيننىڭ ۆاشينگتونعا نە سەبەپتەن كەلگەنىن ءتۇسىندىرۋدى تالاپ ەتتى. بۇل جونىندە Politico حابارلايدى.

رف سبق باسشىسى سەرگەي نارىشكيننىڭ قۇراما شتاتقا بارىپ، امەريكالىق ارىپتەستەرىمەن " تەرروريزممەن بىرلەسىپ كۇرەسۋ" جونىندە كەلىسسوز جۇرگىزگەنى جونىندە رەسەيدىڭ ۆاشينگتونداعى ەلشىسى اناتولي انتونوۆ مالىمدەگەن.

سەناتور چاك شۋمەر "مۇنىڭ ءبارى تازا ەمەس" دەپ ءارى ول نارىشكين جالعىز كەلمەۋى مۇمكىن دەپ قاۋىپتەنەدى. ول ترامپ اكىمشىلىگى نارىشكيننىڭ كىممەن كەزدەسكەنى جونىندە تەز ارادا مالىمەت بەرۋ كەرەك دەپ تالاپ ەتەدى. ول سونىمەن بىرگە اقش سانكتسياسىنا ىلىنگەن رەسەيدىڭ تاعى قانداي شەنەۋنىكتەرىن ترامپ اكىمشىلىگى ەلگە كىرگىزىپ وتىر دەپ سۇراق قويادى.

سەيسەنبى كۇنى اقش قارجى مينيسترلىگى رەسەي پرەزيدەنتى ۆلاديمير پۋتين ماڭايىنداعى ادامداردى "قارا تىزىمگە" ەنگىزگەن "كرەمل ەسەبىن" جاريالادى. وعان 210 ادامنىڭ اتى-ءجونى ەنگەن. الايدا اقش پرەزيدەنتى دونالد ترامپ اكىمشىلىگى جاقىن ارادا ولارعا سانكتسيا سالىنبايدى دەدى. ماسكەۋ بولسا، مۇنى ناۋرىز ايىندا رەسەيدە وتەتىن پرەزيدەنت سايلاۋىنا ىقپال ەتۋ دەپ اتادى.

Abai.kz

12 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594