سەنبى, 4 ءساۋىر 2020
COVID-19 قازاقستاندا. جۇقتىرعاندار — 464. جازىلعاندار — 29. قايتىس بولعاندار — 3
1396 0 پىكىر 6 اقپان, 2018 ساعات 08:30

وزبەكستان كوللەدجدەرىندە وقۋ اقىلى بولادى

وزبەكستان كوللەدجدەرىن اقىلى وقۋ جۇيەسىنە كوشىرىپ جاتىر. وسىنداي قاۋلىعا پرەزيدەنت شاۆكات ميرزياەۆ قول قويعان.

وسى ۋاقىتقا دەيىن توعىزىنشى سىنىپ بىتىرگەن وقۋشىلاردى كوللەدجگە تەگىن قابىلداپ كەلگەن ەدى.

دەگەنمەن مەكتەپتەردى 2018/2019 جىلدان باستاپ 11 جىلدىق وقۋ جۇيەسىنە كوشىرۋىنە بايلانىستى، كوللەدجدەر قىزمەتىن قايتا قاراۋ تۋرالى شەشىم قابىلداندى.

قارجى مينيسترلىگى جىل سايىنعى شىعىندى ەسەپتەپ، كوللەدجدە وقۋ اقىسىن بەلگىلەۋى ءتيىس.

بۇنىمەن قوسا حالىقتىڭ كەيبىر الەۋمەتتىك توپتارىنا تەگىن وقۋ ساقتالادى. مىسالى، جاعدايى ناشار وتباسىدان شىققان بالالار كوپسالالى كوللەدجدەردە تەگىن وقيدى، دەپ حابارلادى Podrobno.uz.

بۇعان قوسا، مەملەكەت تەگىن وقۋعا گرانت ورىندارىن بولەدى. بيۋدجەت ەسەبىنەن وقىعاندار ايماقتا كەم دەگەندە ءۇش جىل جۇمىس ىستەۋى كەرەك.

Abai.kz

0 پىكىر