دۇيسەنبى, 25 ماۋسىم 2018
46 - ءسوز 920 1 پىكىر 12 اقپان, 2018 ساعات 08:38

تاۋبەڭە تۇسىرەر قاسىرەتتى مەكەن

كەشە ءتۇس اۋا استانانىڭ ىرگەسىندە، جيىرما شاقىرىمداي قاشىقتىقتا جاتقان قاسىرەتتى دە قارالى جەرگە بارۋدىڭ ءساتى ءتۇستى. كەلگەن سايىن جوسپارلاعانمەن جولىم بولماي جۇرگەن.

وتانىن ساتقانداردىڭ جەسىرلەرىنىڭ لاگەرى، ياعني سوندا تۇتقىندا بولعان ايەلدەردىڭ وزدەرى "الجير" دەپ اتاپ كەتكەن بۇل تۇرمە - قازاقستانداعى 26-شى نۇكتە ەكەن.

كىرگەننەن كۇڭىرەنە قارسى الاتىن بۇل مەكەندەگى بولعان جاعدايدى ايتىپ جەتكىزۋ مۇمكىن ەمەس. تەك كورۋ كەرەك، تانىستىرۋشىدان مالىمەت ەستۋ كەرەك. بىراق قايدان تىڭدادىم دەگەندەي تۇلا-بويىڭ تىتىركەنىپ، وسىنشالىق ازاپقا اياۋلى ارىستارىمىزدىڭ جارلارى، اسىل انالارىمىز قالاي عانا شىدادى ەكەن دەپ قايران قالاسىڭ. وسى كۇنىڭە مىڭ مارتە تاۋبە دەيسىڭ!

ەندى قايتىپ مۇنداي زوبالاڭ ەل باسىنا تۋماسا ەكەن دەپ تىلەۋمەن بولاسىڭ.

ءار قادام اتتاعان سايىن كۇيەۋلەرىمەن كەزدەسەمىز دەپ ادەمى كيىنىپ، الىس-جاقىن ايماقتان الدانىپ كەلىپ تۇتقىنعا تۇسكەن نازىك جاندىلاردىڭ وكسىككە تولى، زار-زاپىران ارالاسقان داۋىستارى قۇلاعىڭنىڭ تۇبىنە كەپ تۇرعانداي ەكەن.

كۇنى-ءتۇنى ازاپتىڭ نەشەتۇرىن كورسە دە تاعدىرىنا مويىنسۇنىپ، الداعى اتار تاڭنىڭ اق ساۋلەسىنەن كۇدەر ۇزبەگەن ارداقتىلارىمىزدىڭ ءتىرى قالعاندارى امان-ەسەن شاشى اعارىپ شىقتى، كورەر قىزىعى مەن تاتار ءدامى تاۋسىلعاندارى ءالى كۇنگە سول ماڭايدى اۋىر مۇڭعا بولەپ، ءالسىن-ءالسىن وكىرىپ جاتقانداي.

قايران جازىقسىز انالار، قازىرگى بوستاندىق پەن جارقىن كۇنىمىزدە سىزدەردىڭ ۇلەستەرىڭىز مول، يماندى بولىڭدار!

باۋىرجان حاليوللا

Facebook-تەگى پاراقشاسىنان

1 پىكىر