بەكەجان تىلەگەنوۆ دەگەن جازۋشىنىڭ "86-شى جىل" دەگەن رومانىن 1994 جىلى وقىعانىم ءəلى ەسىمدە. جەلتوقسان كوتەرىلىسىنىڭ شىندىعى عاجاپ سۋرەتتەلگەن كەسەك تۋىندى ەدى. سول تۇستا ول كىسى "جۇلدىز" جۋرنالىن باسقارعان. كەيىن و دۇنيەلىك بولدى، مارقۇم.

قازىر سول ءبىر ءىرى قالامگەر تۋرالى ەشكىم ەشتەڭە ايتپايدى. Əلگى رومانى دا قۇمعا سىڭگەن سۋداي ءىزىم عايىم جوعالدى. وسىنداي مىقتىلاردىڭ ءوزى تۋرالى دا، ارتىندا قالعان ءسوزى جايىندا دا جۇرت جۇمعان اۋزىن اشپايدى. ەسەسىنە قايداعى ءبىر ورتاڭقول جازعىشتار, ەكىجۇزدى زالىمدار كوزى ءتىرىسى بار، ءولىپ قالعاندارى دا ۇنەمى دəرىپتەلەدى دە جاتادى. ونداي جازعىشتاردىڭ تۋعان كۇنى، ولگەن كۇنى دە كەڭىنەن ناسيحاتتالادى. شيماي-شاتپاقتارى دا باسىلىپ شىعا بەرەدى. ول جازعاندارىن وقىپ كورسەڭ جاڭاعى بەكەجان تىلەگەنوۆتىڭ قاسىندا ءجىپ ەسە المايتىن بىردەمەلەر.

جالپى، ايتايىن دەگەنىم، "كوپ ايتسا كوندى، جۇرت ايتسا بولدى" دەپ اباي اتام ايتقانداي، كىم كورىنگەندى كوزى ءتىرىسى بولسىن، ولگەنى بولسىن "قازاقتىڭ پəلەنشەسى، ءبىرتۋارى" دەپ وقىماي-بىلمەي داڭعازا داقپىرتقا ەرىپ وتىرىك دəرىپتەۋدى قويايىقشى! جالعان ناسيحات جاستاردى اداستىراتىن ءتۇرى بار.

قۋاندىق شاماحاي

Facebook-تەگى پاراقشاسىنان