سوڭعى سايلاۋدا پارلامەنتكە كانديداتتارى وتكەن ءۇش پارتيا "نۇر وتان", "اق جول", "اۋىل" پارتيالارى قانداي ماسەلە تىندىرىپ كەلەدى؟ "نۇر وتان" ءوزىنىڭ تولىق كۇشىن كورسەتە العان جوق. باسشىلىعى ءجيى اۋىستى، جاستار قاناتى جىل وتكەن سايىن السىرەپ، ساياسي ماماندار دايىندايتىن مەكتەپ ەمەس، ماسسوۆكاعا ستۋدەنتتەر شىعاراتىن ترەنەرلەر ورتالىعى سەكىلدى بولىپ كەتتى. جاس وتانداعى كوپ بالانىڭ وزدەرى دە ماسسوۆكادان، كۆن نەن كەلگەندەر. الما الما اعاشىنان الىسقا قۇلامايتىنىنىڭ ناعىز دالەلى.

ال "اق جول" پارتياسى ىشتەي ترانزيتتىك كەزەڭگە قاتتى دايىندالىپ جۇرگەندەي سەزىلەدى. قازىردىڭ وزىندە تەمىر-تەرسەك تاراتۋدان ءبىرىنشى ورىندى، جىلىتپامەن سىيلاۋدان ەكىنشى ورىندى بەرمەي تۇر. بۇگىنگى كيىپ جۇرگەن تونىن دا جارتىلاي شەشىپ دايىن وتىر. قانداي توندى جامىلىپ، قايسى بەت پەردەنى كيەتىنىن كوزى قاراقتى ەل سەزىپ ءجۇر. بىراق ايتاتىننىڭ كوبىنە زناچوك، العىس حات ت.ب. دۇنيە ۇلەستىرىپ تاستادى.

"اۋىل" پارتياسى دا اۋقىمدى جوباسىمەن ەستە قالىپ، كوزگە كورىنىپ، بەلسەندىلىك تانىتىپ جۇرگەن جوق. ادەبيەتتى قولداۋعا ارنالعان جوباسى جاقسى، بىراق ونداي جوبانى قوعامدىق ۇيىمداردا وتكىزە الادى. ناقتى اۋىل پروبلەماسىن كورسەتىپ جانە شەشىمىن ۇسىنعانىن كورمەدىم، وقىمادىم.